BaKolose2
1Nokuti ndoda kuti imwi muzibe kuti ndofundumala chini nditila imwi, akale nabokuLaodesiya, naabo bose basanu bandibona,2kuti myoyo yabo isimiswe sezwo bakabhataniswa pamwempela muludo, kuba nefuma inobuza nokuwhisisa zwilobimbiswa akale kutila kuti bezibe isiswa yaMwali, unoba eliKristo,3munaIye mulosiswa ifuma yose yobuchenjevu noluzibo.4Ndoleba yezwi kutila kuti pesibe ipo uchamuchenga nokulebeleka kunonyungumula.5Kojoba ndisinanamwi kwombili, koga mumpepo ndinanamwi, ndoshantila kubona kulonganyika kwenu akale nokudimbwa kwenu kunamiji munaKristo.6Sezwo mwakatambula Kristo Jesu uli Tezi, nokudalo galani muna iye,7mube nemiji, mubakwe muna iye muzikatile mukudimbwa, sokulayijwa kwenu, muzhale kuboka.8Mubone kuti pesibe nouchamuta inhapwa nendayijo iye kana nokuchengeja nokukakabajana kusina zwipo, nengalilo jobunhu, kana mipepo yomunyika, koga zwisi zwaKristo.9Nokuti muna iye ndimo mugele umbili obumwali bose buzhele,10imwi mwaba nobupenyu buzhele muna iye, ulinsholo wobutongi nesimba lyose.11Muna iye akale mwakamhalajwa imhalajo isinotiwa namaboko, nokubhisa umbili wenyama nemhalajo yaKristo,12akale mwakajikwa naye pakubhabhatizwa, akale mukamuswa pamwempela naye nokudimbwa kwenu namasimba aMwali, iye wakoomusa mubafi.13Akale imwi mwakabakafa muluchinyo akale nokusomhalajwa mumibili yenu, Mwali wakata kuti pebe nobupenyu pamwempela naye, nokulekelela luchinyo lwedu lose,14ajima zwisungo zwakabekoneja zwomulawo, yezwi wakazwibhisa, nokuzwikahamila panchinjikwa.15Akoma buchinda nesimba wakazwita chitondejelo kunaibo bose, ezwikoma zwose nonchinjikwa.16Nokudalo pesibe kana umwempela uchapa untongo kwamuli penyaya yozwokulya kana zwinonwiwa kana imhembelelo kana mweji wagala kana isabata.17Yezwi untuzi chete wezwikumuzha, koga mongo ndiKristo nokukwe.18Kusibe kana umwempela uchamubhisa munzila, nokunangatila kuzwideleja koniepa, akale nokunamata batumwa baMwali, nokusimatija zwibono, ezwifufumula zwisina chisoko, zwili zwomundangalilo yobunhu,19akale esinobhatilila nesimba kunsholo, umbili ose kwaunowana kulya akale nokubhatana pamwempela kwemingu nenchinga jose, akale zwikubuke sezwaanoda Mwali.20Kana imwi mwakafa naKristo mumipepo yenyika, ini zwinotisa kuti mube nobupenyu bunanga soti muchimo munozwenyika? Ini zwinotisa kuti mutobele zwomulawo?21“Usibhate yezwi, Usilabile yezwiya, Usigume zwimwe!”22Yezwi zwinoleba kuti zwinhu zwose yezwi zwinopela zwingoshingiswa, zwili zwomulawo nendayijo yobunhu.23Zwinhu yezwi zwinoboneka zwili nobuchenjevu mukunyamula busungwali nokuzwipila, nokuzwinyolopesa akale nokutinha umbili, koga zwisinoshinga kukuzwibhata kululakamilo lwombili.
The Word for the World International