1 Timoti5
1Usikalalile unhulume unkulwana koga unsungwaje sezwaunota kuna dade babo, banhulumyana ubabhate sabanakwaina babo,2bechinhukaji bakulwana sama mai, bechinhukajana sabakazwaji, mubuchena bose.3Kuja inchilikaji jechokomende.4Kana inchilikaji ili nabana kana bazekulu, ngebetange kulayijwa unshingo wabo woluvumilo kumhuli jabo akale muneyi nzila belipe nokubhancha bazwali babo, nokuti yezwi zwinotambulika mumesho aMwali.5Iyo inchilikaji yechokomende, iliyoga, inobimba naMwali akale indila mbeli ikumbila nokunamata busiku nesikati,6koga iyo inchilikaji inoda kasa zwenyika ilofa kojoba ilimhenyu.7Balaye pezhulu pezwi kutila kuti besibe nokushundwa.8Kana unhu esinobhancha makamu awe, kasa bemhuli iye, yoyo walasha kudimbwa akale umbi kupinda usinodimbwa.9Inchilikaji inamakole anova pamakumi mashanu anegumi ngekwalwe, kana akabakalobolwa nondume umwempela,10akale ili nobusumikiji bwemishingo yayo mibuya, sonhu wakakubusa bana babe zwibuyanana, ekatambula bezi, ekashambisa makumbo abachena, ekabhancha baimo mubukukutu, ekazwipila kuta zwibuya munzila jose.11Koga musikwale inchilikaji inhukutuku, nokuti jingokubukilwa nolulakamilo jinosooda kulobolwa, jipambuka munzila yaKristo,12akale jinosooshundwa nokuti jinosoba jalasha chibimbiso chajo chotanga.13Kuzhe kwezwi, jinosoozibila kujintayila, jikwendenda mumisha nemisha, zwisizwobusimbe chete koga nokunyeya akale jilinyajo, jilebeleka zwisilokwelela.14Nokudalo ndoti inchilikaji inhukutuku ngajilobolwe, jibe nabana, jilondote jingumba jajo, akale jisitite kuti tilebelekwe bubi nombengi.15Nokuti bamwe bakalashikila kale kunaSatani.16Kana peli nonhukaji unodimbwa unamakamu inchilikaji, ngejibhanche, igubungano lisinyajwe, kutila kuti libhanche inchilikaji jechokomende.17Bakulwana begubungano banotungamila zwibuyanana banokwelela kukujwa zwilopamululwa, kasa yabo banoshinga kubhaunula nokulayija,18nokuti iwhalo inchena inoti, “Usisunge undomo wenkabe ikumushingila muzwilyo.” Akale, “Unshingi ulokwelela indipo yiye.”19Usitambule undandu ulopomelwa unhu unkulwana wegubungano, kuzhe kokuti kuli nobusumikiji bwabanhu babili kana batatu.20Kunayabo balobhatilila muluchinyo, bakalalile mbeli kwabanhu bose, kutila kuti bose betye.21Mbeli kwaMwali nokunaKristo Jesu nenhumwa jaMwali jiloshalwa ndokulaya kuti ulondote milawo yeyi zwisineshalulo, usite zwinhu zwineshalulo.22Usikambije kubiga banhu maboko kuti beshingile Mwali, kana kushanganyila muluchinyo lwabamwe banhu, gala wakashambijika.23Usinwe ivula chete, koga shingisa iwaini inshoma kutila muntumbu mumo akale namalwaji manjinji anosokubhata.24Luchinyo lwabamwe banhu lupopachena, lunotungamila kubutongo, koga luchinyo lwabamwe lunosooboneka kwapinda unshaji.25Nokudalo akale zwito zwibuya zwipo pachena, kojoba kusakadalo, azwitolamba zwakasisika.
The Word for the World International