MATAYO1
Bobotama bo Yesu ko bobwɛngɛ bo nde
1Endja molɔngɔ mo bakɔkɔ ba Yesu Kilito, motitani o Dapiti mwana o Abalayama.2Abalayama abotaka Isaka, Isaka abotaka Djakobo, Djakobo abotaka Yuda ko bange i nde;3Yuda abotaka Pɛlɛse ko Djela, na ndjea e mwali o nde Tamala; Pɛlɛsi abotaka Esɛlɔne, Elɛsɔne abotaka Alama;4Alama abotaka Aminadabe; Aminadabe abotaka Nasɔni, Nasɔni abotaka Salimane;5Salimane abotaka Boadji, na ndjea e Laaba; Boadji abotaka Obedi, na ndjea e Luta nange e nde; Obedi abotaka Yese;6Yese abotaka mokondji Dapiti.Dapiti abotaka Salomo, na ndjea e mwali o Ulia;7Salomo abotaka Loboame; Loboame abotaka Abia, Abia abotaka Asape;8Asape abotaka Yodjapate, Yodjapate abotaka Yolame, Yolame abotaka Odjiase;9Odjiase abotaka Yotame, Yotame abotaka Akadjia, Akadjia abotaka Edjekiasi;10Edjekiasi abotaka Manasi, Manasi abotaka Amona, Amona abotaka Djodjiase;11Djodjiase abotaka Djekonia yo na bange i nde bami, ta ehole e botomba bana ba Isalɛlɛ ta ngondo e Babilɔne .12Ngɔngɔ i botomba bana ba Isalɛlɛ ta ngondo e Babilɔne, Djekonia abotaka Salatiela ko Saletiela abotaka Djolobabɛlɛ;13Djolobabɛlɛ abotaka Abihudi, Abihudi abotaka Eliakimi; Eliakimi abotaka Adjole;14Adjole abotaka Sadoka, Sadoka abotaka Akimi, Akimi abotaka Eliwudi;15Eliwudi abotaka Eliedjale, Eliedjale abotaka Matane, Matane abotaka Djakobo;16Djakobo abotaka Esepu, momi o Malia; ko Malia adaka nange e Yesu, obeakabo Kilito.17Donga Abalayama mbunoko Dapiti, enɔkɔ mbota domi na inɛi, donga Dapiti mbunoko ehole yena etombama bana ba Isalɛlɛ ta ngondo e Babilɔne, enɔkɔ naikina mbota domi na inɛi mbunoko bobotama bo Kilito.
Bobotama bo Yesu kilito
18Endja moda mobotama Yesu Kilito: Malia, nange e nde, ahɔmɔkɔ moki na Esepu. Endolo boso boo badae ndako emɔti, Malia aimeaka na demi na ngulu e Mwembo Mosɛnɔke.19Esepu mohɔmi o nde adaka moto o bodjo. Elenge aidaka na posa e bomokedja Malia sɔni ta miso ma bato, atombaka meko e bogbɔtɔ na nde ta mbombi.20Yana adaka Esepu bolɛdjɛ moda mobokokedja meako mimina, obwɛndji o Kumu asenɛmedjaka na ndjɔti ko abalaka na nde: «Esepu motitani o Dapiti, pɛ bobanga botomba Malia mwali o wɛ, tengasa mwana yona odi ta sɔpɔ i nde, amolwai na ngulu e Mwembo Mosɛnɔke.21Abotake mwana momi ko wamopake kombe Yesu, tengasa edi yo moto aheledjake bato ba ekomi e nde ta mabe ma bobo. »22Midjɔ mimina misusu makɔmɔke tine bokokedja mibalo imibalaka Kumu na ndjea e mbaeli o Ndjakomba:23«Moseka oda pɛ bodjeba bami,yo alwake demi, abotake mwana momi,bamobeake Emanuelɛ!»Atingodjaka: «Ndjakomba engbanga na su».24Ehole esisoaka Esepu, asumaka mibalo mibalaka obwɛndji o Kumu na nde ko atombaka Malia elenge mwali o nde.25Endolo Esepu aiputoana na Malia mbunoko ehole ebotaka Malia mwana momi ko amobeaka kombe Yesu.The Seed Company