ተዕብራውያኔ11
እምነት
1እምነት ተስፋ የሸከትኔዪ ቃር ይትፌጠምኸም የኢነተኘ ኧኸነᎄ፤ ቤን አናዥነዪም ቃር የኢን ወሕነሑ ኧትሬዳነᎄው።2የድረ አቦቸና የትምሰከረኖ በእምነት መሳው።3ሰሜ አፈርም በእዝጌር ቃል የትኸለቀኸም ኧትሬዳኔ በእምነቱ። ስለኸነም ይታዢ ቃር እንም ቴታዢ የሸከተኸም ኧሒርነ።4አቤል ተቃየል ይበዛ የጠቀለ መሥዋዕት የእዝጌር በእምነት አቀረበ፤ እዝጌር ስለስጦታሑ በዝነጔነ ግዝየ፤ ሑቲ በእምነት ጻድቅ የኸነኸም ተምሰኰረነ፤ አቤል ቢᎀትም በእምነተሑ መሳ ኧሗም ይዝነጉ።5ሔኖክ ሞት ኤሰላወኸም ተዚ ዓለም የትወሰደ በእምነቱ፤ እዝጌር የወሰደን ስለኸነ አንትረኸበ፤ ተወወሰደሑ ኢፍቴ ኧሗም የእዝጌር ያትብላለቀኸም ተምሰኰረነም።6ፍርየ ኤባን እምነት የእዝጌር ዋትብላልቅ ኤችል፤ ተእዝጌሬ ይቀርብ ሰብ እዝጌር ወንብረሑ የሑቲ ይሸዎዪ ሰቦች ጄዛ ይብ ወሕነሑ ወምን ነነወ።7ገና ቤን ኤታዞ ስለኸኖዪ ዘንጋ እዝጌር ባጥኔቈቈን ግዝየ ኖሕ የእዝጌር በወገና አበሮሰሑ የዋትርፍ መርከብ የሸከተ በእምነቱ፤ ኖሕ በእምነት የዓለም በደለኘ ሸከተ፤ በእምነት ይትረከቢ ጽድቅ ወረሰ።8አብርሐም ወጣም ርስት ሸከተም ቲቌᎄሪ መደሬ ያርኸም በጠራ ግዝየ አትም ቴቴ ያርኸም ቤይሒርም፤ የወወር የቴዘዘዪ በእምነቱ።9ተሑቲጌ የተስፋዪ ቃል ወራሽ ተኸኖዪ ተይስሐቅ ተያዕቆብጌ በተስፋዪ ገኝ መጻተኘ ኸነም በድንኳን የነበረ በእምነቱ።10ዚም የሸከተ ኤንቅለቅል መሠረት ያነን፥ እዝጌር ዬቈደን የሸኰተንም ከተማ ይቅየ የነበረ ስለኸነው።11ሣራም ተስፋ ያበና እዝጌር ታማኝ ወሕነሑ የሐረች ስለኸነ ስርም ዕድሜ በወግፋዬታ ወጠኝ አትችል ብትኸን ዄት ነብስ የወሕን ቆት የረከበች በእምነቱ።12ስለኸነም የᎀተ ሰብኸም ቲትቆጠሪ ታቲ ተአብርሐም የሰሜ ኰኰብኸም የበዛ የባር ᎀረ አሸዋኸም ኤቆጠር ጨኘት ተረከበ።13ነዚ እንም በእምነት ትናኖ ᎀቶ፤ እዝጌር ይቦዬ የገባኖዪም ቃል አረኸቦ፤ ቢኸንም በሩቄ አዞም ልክ የረከቦይኸም ሸከቶም በብልቃት ተቌበሮይ። ባፈር ᎈር ባዘና መጻተኞችም ወሕነሕኖ ተሬዶ።14እኪ ይዝነጎ ሰቦች የነብሰሕኖ ይኸኒ ገኝ ይቅሮኸም ቢልቢጢጦ ያምለክቶ።15ዛም የወጦᎄዪ ገኝ አስታወሶይም ቢኸን ተዛዬ የወዘበር ይችሎ ባነ።16ኧሗም ይበዛዪ፥ በሰሜ ያነዪ ገኝ ይቦርሶ፤ ስለኸነም እዝጌር ከተማ ያዝጋጀኖ ስለኸነ “አምላከና” ባሮም ቢጠሮይ ኤሟልል።17አብርሐም በትፌተነወ ግዝየ ይስሐቅ መሥዋት ሸከተም ያቀረበ በእምነቱ፤ ዛ የተስፋ ቃል የትቌበረ አብርሐም ቁና ትኸኹ ያርጄ ተዝጋጀም ባነ፤18ዚም ትኸ እዝጌር፥“በይስሐቅ ዘር ይጠራንከ” ቧረንም ባነ።19እዝጌር ተሞት የዋትነሣ ችሎታ ያነንኸም አብርሐም በወምነሑ ልክ ተሞት የትነሣ ቅጫኸም የይስሐቅ ዠበረም ረከᎄን።20ይስሐቅ ቲፍቴዬ ይኸኒ ዘንጋ በዋስብ ያዕቆብ ተዔሳውም የባረከኖ በእምነቱ።21ያዕቆብ ይᎀትወ ግዝየ ቲሰላ የዮሴፍ ዴንጋ አትባተሕኖ በእምነት ባረከኖ፤ ብንጣረሑ ቁሬት ተዴገፈም ሰገደ።22ዮሴፍም ይᎀትወ ግዝየ ቲሰላ ስለእስራኤል ሕዝብ ተግብጽ ይወጦኸም በእምነት ዝነጔ፤ ስለዐጥመሑም ትዛዝ አበ።።23የሙሴ ወላጆች ሙሴ በጨኘወ ግዝየ መልካማ ወሕነሑ ስላዞ የንጉሢ ዐዋጅ ቴጔኖ ሦስት መሬት የሼሞይ በእምነቱ።24ሙሴም በላቀ አንቌ “የግብጽ ንጉሥ ፈርዖን የትኸ ትኸ” ቧሪም ይጠሬኸም ያንፈቀደ በእምነቱ፤25ስለኸነም ሑቲ በአጢአት ቲትረከብ የግዝየሑ ብልቃት የጠቀለ ተእዝጌር ሕዝብጌ መከራ ወቀበር ሜጠረ።26መሳሑም ቲፍቴዬ ይቄᎄሪ ጄዛ የትምሌከተ ስለኸነ ተግብጽ ዱኒያ የጠቀለ ስለክርስቶስ ወትዋረድ ይበዛ ወሕነሑ ኤሰበ።27ሑቲ የንጉሢ ማት ቴጌና ተግብጽ የወጣ በእምነቱ፤ ቤን ኤታዢ አምላክ ያዠን ቅጫ ኸነም በዓላማሑ ጠና።28ዛምኸም የበሕር ዴንጋ የወቅጥር የታዘዘዪ መላይካ የእስራኤላውያን የበሕር ዴንጋ ኤቀጥርኸም በወበር የፋሲካ ደም የወፈንታ ሤራ የሸከተ በእምነቱ።29እስራኤላውያን በጠረቅ አፈር ይጔኖኸም ኸኖም ብሻ ባርም የትጔኖ በእምነቱ፤ ግብጻውያን ዛምኸም የወሰክት በሞከሮ ግዝየ እንም ሰመጦ።30እስራኤላውያን በኢያሪኮ ኧጭር ዙራ ሰበት ከነ በዦሮ አንቌ የግንብ ኧጭሪ ያፈረሶይ በእምነቱ።31ትሟግጢ ረዓብ የእስራኤል ይሴልሎዪ በሰላም የቌበረቶ ስለኸነ ቴይታዘዞዪጌ ተወሙት የተረፈች በእምነቱ።32ኧጌሽ እንጐድ መአር ኧብር? ስለጌዴዎን፥ ስለባራቅ ስለሶምሶን፥ ስለዮፍታሔ፥ ስለዳዊት፥ ስለሳሙኤል፥ ስለነብዮችም ናንቴርክ ግዝየ ያጥሬ፤ 33ሕኖ በእምነት የመንግሥታት ውራግ ሠሎ፤ በኢን ፍርድ አትዳደሮ፤ ያቡዮዪ ተስፋ ረከቦ፤ የአንበሶችም አፍ ዘጎ፤34የሳት ቆት አጠፎ፤ ተሰይፍ ስለት አመለጦ፤ ተቂጭናሕኖ ብረቶ፤ በአርብ ኸርደድ ኸኖ፤ የወራሪ መሶ ወታደሮች አሳደዶ፤35እንሽታ የᎀተበማዪ ዘመደሕነማ ተሞት ተነሦም ረከበማዮ። እንጐደሕኖም ኧሗም ትንሣኤ የወርክብ ቲብሮ፤ ወትርፍ ናቆም የሞት ያሰላ ሥቃይ ነብሰሕኖ አቦ፤ ተዚም ነጣ የወውጣ አንሸዎ።36እንጐደሕኖ መቸረቻ ኸኖም ተገረፎ፤ እንጐደሕኖ በግር ብረት ታገዶም ተወሕኒ ቤቴ አገቦዮ፤37ብምን ተወጎም፤ በመጋዝ ተስነጠቆ ፤ በሰይፍ ተቀጠሮ፤ የጤ የፌቅም ጎጋ ለበሶም ተንክራተቶ፤ ዜጋ ስደተኞችም ኸኖም ተንግላቶ፤38በበረሐ በቈቶ፥ በአፈር ውስጥ ባኖ ዋሻዎች ጐጀዎችም ዞሮ። በዚምኸማት ዓለም የሕኖ ተገቢ መደር ኸነም አንትረኸበ።39ነዚ እንም ስለእምነተሕኖ የትምሰከረኖ ቢኸኖም ያቡዮዪ ተስፋ ገና አረኸቦ።40እዝጌር ይና የጠቀለ ቃር ኤቀደም፤ ስለኸነም ሕኖ ቲናጌ አንኸንም የሟነሕኖ ፍጡም ሙላ ወሕን ኤይችሎ።
The Word for the World International