Meng Lai19
Mami dow David kowh meng chekhai.
1Mukuang dow Thurai kowh kraingra uang tüng reng chekhai,awr mü mukuang hanow Thurai uanh thawp kri kraing mih krang khi reng chekhai.2Thurai kowh kri kraingra dow sat uang lawt towng khi-ah reng,Thurai kowh chanlaira dow krek hai lama uang lawt towng tukah reng chekhai.3Naiawngün uanthawp kowi dow tawng iawng mih atün uowi dowi,tawng iawng mih lai paw uowi dowi chekhai.4Nachenganchepaw amatni kowh laiklow dow palusama kowi krawi tauet khai,amatni kowh laiklow dow lusa rihi chur kowi pat krawi tauet khai.Thurai dow mukuang kowi kowh sat vüi thawp pe uowi rah lowk khai;5nami sat dow paw masi thowi mih klanguüa iawng aia uowi rah hownia uang lawt reng chekhai,aia dow cham taowt iowm kownkow süngürma hown uang lawt mih maru iawng chekhai.6Aia dow mukuang papra hownia uang lawt hanow akeng prakowi kup khai,aia kowh aden tawi ka dowi mih dow tawng chap paw uowi dowi chekhai.7CHAKRAMANG kowh ari aiang dow aiung akümma chekhai,nami ari aiang hown dow maru takrüng tathowr reng chekhai.CHAKRAMANG kowh laiklow dow sakowmra uowima chekhai,nami laiklow dow saktuak tengma miuüa kowi pe chanlaira reng chekhai.8CHAKRAMANG kowh ana pek maten dow anowmma chekhai,naiawngün ana pek dow sak kowi pe awmrawmra reng chekhai.CHAKRAMANG kowh ari arow dow achinawmma chekhai.Nami dow pe mik thowira reng chekhai.9CHAKRAMANG kowi ringkawma hown kram mih dow chimsaira chekhai.Nami dow chowngchowng saksakma anikma chekhai.CHAKRAMANG kowh ari aiang dow anowmma chekhai,nami ari aiang kowi dow angak uowi dowi chekhai.10Nami ari aiang dow kuh lak-e paw asung lang uowi,achangma mih kuh lak-e paw irra lang uowi khai.Nami dow kuai tui lak-e paw ding chekhai,kuaiba hownia kowh kuai tui lak-e paw lang ding chekhai.11Nami ari aiang dow nachang ngak dowi kownkow en nar kowi sangah khai,nami ari aiang chün miuüa dow kri kraingma mih awmrawm sung ka reng.12Kowmatia tawi mih amia chow tuk?Ang tukah dowi mih angak dow lawtta ang diah.13Atawm tukma mih ngak changra hownia dow lang hen ang diah,naiawngün angak dow ang luk kowi hauang pe changah alow diah.Nahanow achinawmma ang nowng uowi kown towbowt,Angak iukma mih ang chownglawng kowi nauowi kown nadowi bowt.14Aw CHAKRAMANG, en dow ang kowh tatung tanimra hai lawng miia chekhai,ang nawr hownia kowh laiklow hai sak hownia kowh tuak mih pacham sak-ih en reng lah.The Seed Company