BaHhebheru4
1Sangwenu tjigadzabgwe tjengina mukunyaluluka kukwe tjitjiyapo, ayihleni ngobe kungaba newumwe pakati kwenyu unowanika nlandu wekon'wa swika mukunyaluluka ikoko.2Ngobe ndebo mbuya yakasumikigwa kutili sekwayakasumikigwa kubali bo, koga dama labakawha alizotongobatjidza, ngobe ibabo bakaliwha abazogalamoyo.3Ngobe iswi takagalamoyo tongina mukunyaluluka ikoko, seleba kukwe eti,“Sekwandakatuna ndakagwadziwa moyo nditi,‘Abatowhongina mukunyaluluka kwangu.’ ”Nekene mihingo iye yakayapelela kubvisila lubaka gwaakabumba hango.4Ngobe unapaakaleba nekwehhuba lebutondeka nezila iyeyi. “Ndzimu wakanyaluluka nehhuba lebutondeka mumihingo iye yose.”5Ipapa ndebo iyeyi inolebgwa kakale kuyi, “Abatowhongina mukunyaluluka kwangu kene lini.”6Ndizo ke saku kutjiyapo kuti bamwe bangangina mukunyaluluka ikoko, kakale ibabo bakabudziwa ndebo mbuya kutanga bakakon'wa ngina nentha yesawhilila,7unobiga limwe hhuba kakale eti, “Nasi,” wakalebeleka ehingisa Davida kwapinda lubaka gulefulefu, sekwakunoleba lukwalo guti,“Nasi hapa muwha whi lile,musiwomese mimoyo yenyu.”8Ngobe kadzene Joshuwa waka abapa nyaluluka, hule kwelubaka Ndzimu waka esingowhoba aleba nekwelimwe hhuba.9Ndizo ke kobva kuti kutjina sabatha lenyaluluka kwebanhu beNdzimu;10ngobe kene yani unongina mukunyaluluka kweNdzimu, unonyaluluka bo mumihingo iye, sekwayetiwa neNdzimu mumihingo iye.11Ayitjigwisani nemasimba edu ose kuti tingine mukunyaluluka ikoko, kuyetila kuti kusibe nenhu unopalala nentha yesawhilila kwabo.12Ngobe dama leNdzimu lotjila kakale lohinga, lopiza kupinda bhangatjeke linotjeka nentha mbili, lobhaya likadza likanopalalanya nkumbulo nemeya, nange panohangana mafupa nemongo, netonga mikumbulo nenjemulo dzemoyo.13Akuna tjembumbiko tjakasumbikika mbeli kwemeho awe, koga zwinhu zose zwipatjena kakale zwakanikiwa mbeli kukwe, iye watakafanila zwihandulila mbeli kukwe.14Saku tina mphirisiti nkulu upehhugwi wakapinda nekudzimu, iye Yesu Nkololo weNdzimu, ayibhatilileni mubugalimoyo gwedu gwatinoleba nemilomo yedu.15Ngobe atinaye mphirisiti upehhugwi usingatubule tiwhilangoni mukusasima kwedu, koga tinaye wakatongolikiwa bo nezila dzose saswi, koga iye esina jinyo.16Ngatisedzeleni patjigalo tjengoni tina kuzwigalabgwe, kuyetila kuti tiwamutjile mawhilangoni kakale tiwane ngoni dzinowhotibhatsha mulubaka gwatinoba tihaka lubhatsho.
The Word for the World International