Mark13
1max i yeffeγ seg elheykel, yennayes iyjen seg etlemδas: «erqeb eyimuεellem mesmeH elkurδe delbniye!»2yer f elles yesuwε: «tezriyδ elbniye emeqqar? elyetqimiyc essis elkurδ f beεDe, δeyemheddem elkul.»3unette ygeεmez g eddehreθ nuzemmuwr, δimqabel elheykel, encδent buTrus dyeεquwb dyuwHenna dendrawus weHδasen:4«ennene lemmi δeyeddes elxrabe, uδmette elεlemθes ulemmi wahen elkul δeyekmel?»5yer fellasen yesuwε: «erreθ elbelennum exenyesraH la δHed.6δeddasen leεbaδ egget s ellesmiyw, uδennen <neč δelmesiyH!> uδexeδεen leεbaδ egget.7umax eθeslem s leHruwb dlexbar nleHruwb etemmerεbemc, εlexaTer wahen yelzem eySar, emme muc ennetteθ ellaxreθ.8δemεarexneθ timuwre ettimuwre, welmemlxaθ δelmemlxaθ, asδen ezlazel g elblayeS egget, eseδneθ elmejaεaθ, uwahen delbδu nelwjayeε.9emme xenyum erreθ elbelennum. δexennuwcen y elmHakem, uwweθnawem g elmjameε, uδexennawyen yelHukkam dlemluwk bac e θecehδem felle γer-sen,10εlexaTer elbcareθ yelzem eθembeccer yleεbaδ elkul qebl ellaxreθ.11umax exennewyen bac e θecehδem eθelhiymc max δeθeHkiym, emme eHkaθ s elli δeyeggez fellawem g elweqθes, εlexaTer δerruwH nelqudus δeθuθley muc δxenyum.12enje δeyuc enjes yujafi, weryaz δeyuc memmis, ekren idrari f daddensen enγenten,13uleεbaδ δexennexrhen f elxaĎer nellesmiyw. yemenni elli δeyeqqiym yellexxer δeyemneε.14umax eθezrem <enjaseθ nelxrab> meni mayelzemc eθkuwn, (efhem yelli tqerriyδ), eyerwel yeddehreθ elli ykan g elyehuwdiyyeθ.15welli g esqef, yetteggezc yelHuwc bac e yawi essis Haje.16welli g ujiymi, liδukkelc bac e yawi edbeces.17yeHliylhum elli δeθeruwneθ welli essesfaneθ g liyyametdiyn.18ezzalleθ bac e lxrabe wahen elyetSarc g tejresθ,19εlexaTer δeθSar ennekbeθ g liyyametdiyn elεemres weltSar seg max i yexleq rebbi eddunyeθ elture, wetSarec xlaf.20ulukan muc yedje rebbi liyyametdiyn tuqSiyrin, rahu elyemniyε Hette Hed. emme f elxaĎer nelli yexθarin yqeSrane g liyyametdiyn.21umax exenyen la δHed, <tay elmesiyH dahen!> ziyγ, <tenni γeDiyn!> eθeslemc edwiys.22εlexaTer δeyeffeγ elmesiyH δ eδejjal dlenbye δ iδejjalen esxerxuwsen egget, ettegen g ellayeθ delmuεjzaθ, ulukan g edden δesraHen elli yexθarin rebbi.23erreθ elbelennum. tay enniγawem f kul cey qebl eySar.24g liyyametdiyn, beεεeδ elweqθ neDDiyq, δeθessulles tefuwθ uteziyri etDewwiyc. 25uDan iθran seg esme eθHerrexneθ elquwwaθ elli g esme.26elweqθes δezren leεbaδ bnaδem yuseδ g esHab γer-s elmejδ delquδreθ temeqqarθ.27usiyn δeyezen elmlayxeθes g teme nwaDuwwaθ lerbεe bac e ylayem elli yexθarin seg ellexxer nelqeεεeθ yellexxer nesme.28eHfDeθ seg temečiyθ: max erĎaben leεrefes teg tifray, esneθ elli enebδu εuddi yebδe.29umax eθezrem wahen elkul δeySar, esneθ elli elweqθ yiweD.30tay δexennenne elHeq: eljiyle liweqqiyc kan eySar wahen elkul.31esme delqeεεeθ δexDemneθ, yemenni edwiyw lixeTTemc.32emme asdiyn ziyγ esseεetdiyn eθyessen Hette Hed, la δelmlayxe ndadde g esme ula δmemmis, eθyessen Hette Hed kan δdadde.33erreθ elbelennum eθεussem, εlexaTer eltessinemc lemmi δeyeddes elweqθ.34uwediyn emweryaz iγerreb yedj elHuces yuwci yixeddemnes, kul iyjen s elxeδmtes, yweSSe eεessas bac e yεus.35εusseθ emmale, εlexaTer eltessinemc lemmi δeyeddes iθbab nelHuwc, g tisemsiyn ziyγ uggezyen niyD ziyγ max eyedden eyaziδ ziyγ g talji,36eyexDemc eyeddes yefawem tenεesem.37welli enniγewemt δeθenne yleεbaδ elkul, εusseθ emmale!»
Chutney Media Agency Limited