Acts3
1Lăm vrêq, Phi-e-rơ bây Yăng saq hao Nhi Cŭh sŭng vadâq vơu ngwân, nŏq cồ vadâq di sưn.2Gĕh du mvu nŏq, cannwe a lăm hôm sŭng talaq mê nĕh, gĕh văt tât, nŏq cồ tamun ăp năr vu văt chĕq u lapông Nhi Cŭh, vi gĕh cuôl pành Lapông Rom, chĕq wĭnh jên a khây tamun saq lăp sŭng Nhi Cŭh,3en lăm sây Phi-e-rơ bây Yăng mơch saq lăp sŭng nhi cŭh, aheq nĕh wĭnh an wŏq jên.4Cồ canŏq lăm nggâm bây Yăng deng lân lân u nĕh, Phi-e-rơ nhai: “Deng sên lăp khananh heq!”5En nŏq tamun cannwe chĕq măt lăp u var ndu khây nĕh, câp nggơ wŏq gĕh ndêt păch lây nŏq a khây nĕh.6Aheq, Phi-e-rơ nhai: “Mơh nggâm bạc, ănh đăng gĕh păch lây, cồ canŏq păch ănh gĕh, nŏq ănh an pôp heq. Cuôl săq Siđăch Yơt Dưnya Yêsu tamun Na-sa-ret, pơq jâng saq vồh.”7Lăm văt gât nĕh u ti ma, Phi-e-rơ iơq nĕh tao yăq, en sŏng lăm nŏq, lapang jâng bây côq jâng nĕh de kranh camhlăng.8Lăm nchhât hao, nĕh tao yăq kranh gajăp en pơq jâng saq, en nĕh lăp sŭng nhi cŭh bây khây nĕh, ndăng saq, ndăng nchhât, ndăng payom tapơ Cô Voq.9Lĕq săq văl ganơ deng sây nĕh pơq jâng saq bây adŏh payom Cô Voq.10En vu singgal lŭh klô nŏq, pành nĕh cồ tamun uĕh gŭq wĭnh jên vu an u Lapông Rom nhi cŭh de, payh canŏq khây nĕh gĕh tavưr vênh sinlơ camhŏq bây nrat payh ơ vrŭq gĕh ôp lŭh an nĕh.11En sŭng lăm păch klô nŏq saq dăh ndap bây Phi-e-rơ nggâm Yăng, lĕq săq văl ganơ sây camhŏq lŭng, tăm iau lôt ndap tât vi khây nĕh u lapông nring, cồ gatŭq gĕh cuôl pành Lapông Nring Sa-lô-môn.12Aheq lăm sây canŏq, Phi-e-rơ âh sĭq vlâq bây con văl:
“Khwây khây dêq cô, cồ tamun I-sơ-ra-ên, lŭh pôp ŏh sây ca-ayh cavon lŭng sĭq vrŭq heq canŏq? Ha lŭh pôp ŏh sên lân lân u khananh ôp dân ca khananh ôp an nĕh heq saq gĕh don u prơn ha vrŭq ôp yăh ca-ayh khananh de?13Siđăch Trôq Ap-ra-ham de, Siđăch Trôq I-sac de bây Siđăch Trôq Ya-côp de, nŏq cồ Siđăch Trôq un cô jây vơn de, gĕh tapơ Dĭch Năc Nĕh de, cồ Siđăch Yêsu, cồ Candranh pôp ŏh gĕh lăq chĕq en nhŭp dơp a vôq măt ganwâr Phi-lat lăm nĕh nhâng bâng cơnh chĕq an Siđăch saq.14Cồ canŏq pôp ŏh lăq chĕq Candranh Gŭn bây Yăh Sŏng, en đe côt kĕh wĭnh đŏh saq an nơm du ti tachưt tamun,15en pôp ŏh tachưt Candranh Pơq vôq Vôl Sinlơ Rĭh, cồ Candranh cồ Cô Voq ôp tao rĭh sĭq vlâq a gatŭq chưt, en khananh cồ tamun ôp candân sĭq vrŭq nŏq.16En payh ơ sinlơ tôq camvân u săq Siđăch, nĕh heq, tamun cồ pôp ŏh gĕh sây bây gưt, nŏq săq Siđăch ôp an yăh camhlăng. Sinlơ tôq camvân nŏq don u Siđăch ôp an nĕh nŏq yăh camhlăng nhâng bâng dân ca nŏq sŏng a vôq măt lĕq săq pôp ŏh.17Vrêq heq, ơ pôp ŏh, ănh gưt pành pôp ŏh gĕh ôp vrŭq nŏq sŭng sinlơ gala vatwŏq, en khây tamun sên vôq pôp ŏh khoi dân ca nŏq.18Nhâng, khây sinlơ heq Cô Voq gĕh don mŭnh lĕq săq khây tiêng tri chĕq nhai lor, pành Candranh Yơt Dưnya Nĕh de nhâng vlam jicôr lŏh sat, en Siđăch gĕh ôp jêng gayh canŏq.19Payh canŏq, căh palâq vôq, bây palâq sĭq vlâq, chĕq bưn bap pôp ŏh de gĕh bôih jrŏh,20chĕq an năr khây me mât tât a sinlơ gĕh măt Cô Voq de, en Nĕh săng pađăr Candranh cồ gĕh sŭmmrăp lor an pôp ŏh, cồ Siđăch Yơt Dưnya Yêsu,21cồ Candranh nhâng gĕh jơ sĭq vlâq vlơ Daq Trôq an tât dâq ôp me sĭq vlâq ăp sinlơ, cồ vrŭq cồ Cô Voq gĕh nhai a đơm don mŭnh khây tiêng tri gŭn Nĕh de.22Nhâng canŏq, Môi-se gĕh nhai pành: ‘Siđăch, cồ Cô Voq vơn de iơq hao an pôp ŏh du mvu tamun nhai lor dân ca ănh sŭng ndăng khây pôp ŏh vơn de. Pôp ŏh iêt chăng nĕh saq bây lĕq khây sinlơ lây cồ nĕh nhai bây pôp ŏh.23Cồ canŏq vrŭq văt tât an tamun lây cồ hê đăng iêt chăng bây tiêng tri nŏq, nĕh nŏq bị tachưt văt lŭh ntrăch a con văl.’24En nŏq, lĕq khây tamun nhai lor a Sa-mu-ên nggâm khây tamun tât alưr nĕh, hê khây nĕh pơq mŭnh nhai, nŏq khây nĕh khoi nhai parang sĭq khây năr heq.25Pôp ŏh cồ con sinau khây tiêng tri de nggâm khây sinlơ tăm lăp ti de cồ Cô Voq gĕh iơq hao bây un cô jây vơn de, lăm nhai bây Ap-ra-ham, pành: ‘En a du chhe njang con de, lĕq khây chhe njang vlơ ntĕh nhâng wŏq gĕh sinlơ yăh.’26Lăm iơq Dĭch Năc nơm de hao en, Siđăch Trôq gĕh săng pađăr Candranh nŏq lor lĕq tât bây pôp ŏh paq sinlơ yăh an pôp ŏh lăm văt ăp ndu lŭh ntrăch a sinlơ bưn bap vơn de.”
“Khwây khây dêq cô, cồ tamun I-sơ-ra-ên, lŭh pôp ŏh sây ca-ayh cavon lŭng sĭq vrŭq heq canŏq? Ha lŭh pôp ŏh sên lân lân u khananh ôp dân ca khananh ôp an nĕh heq saq gĕh don u prơn ha vrŭq ôp yăh ca-ayh khananh de?13Siđăch Trôq Ap-ra-ham de, Siđăch Trôq I-sac de bây Siđăch Trôq Ya-côp de, nŏq cồ Siđăch Trôq un cô jây vơn de, gĕh tapơ Dĭch Năc Nĕh de, cồ Siđăch Yêsu, cồ Candranh pôp ŏh gĕh lăq chĕq en nhŭp dơp a vôq măt ganwâr Phi-lat lăm nĕh nhâng bâng cơnh chĕq an Siđăch saq.14Cồ canŏq pôp ŏh lăq chĕq Candranh Gŭn bây Yăh Sŏng, en đe côt kĕh wĭnh đŏh saq an nơm du ti tachưt tamun,15en pôp ŏh tachưt Candranh Pơq vôq Vôl Sinlơ Rĭh, cồ Candranh cồ Cô Voq ôp tao rĭh sĭq vlâq a gatŭq chưt, en khananh cồ tamun ôp candân sĭq vrŭq nŏq.16En payh ơ sinlơ tôq camvân u săq Siđăch, nĕh heq, tamun cồ pôp ŏh gĕh sây bây gưt, nŏq săq Siđăch ôp an yăh camhlăng. Sinlơ tôq camvân nŏq don u Siđăch ôp an nĕh nŏq yăh camhlăng nhâng bâng dân ca nŏq sŏng a vôq măt lĕq săq pôp ŏh.17Vrêq heq, ơ pôp ŏh, ănh gưt pành pôp ŏh gĕh ôp vrŭq nŏq sŭng sinlơ gala vatwŏq, en khây tamun sên vôq pôp ŏh khoi dân ca nŏq.18Nhâng, khây sinlơ heq Cô Voq gĕh don mŭnh lĕq săq khây tiêng tri chĕq nhai lor, pành Candranh Yơt Dưnya Nĕh de nhâng vlam jicôr lŏh sat, en Siđăch gĕh ôp jêng gayh canŏq.19Payh canŏq, căh palâq vôq, bây palâq sĭq vlâq, chĕq bưn bap pôp ŏh de gĕh bôih jrŏh,20chĕq an năr khây me mât tât a sinlơ gĕh măt Cô Voq de, en Nĕh săng pađăr Candranh cồ gĕh sŭmmrăp lor an pôp ŏh, cồ Siđăch Yơt Dưnya Yêsu,21cồ Candranh nhâng gĕh jơ sĭq vlâq vlơ Daq Trôq an tât dâq ôp me sĭq vlâq ăp sinlơ, cồ vrŭq cồ Cô Voq gĕh nhai a đơm don mŭnh khây tiêng tri gŭn Nĕh de.22Nhâng canŏq, Môi-se gĕh nhai pành: ‘Siđăch, cồ Cô Voq vơn de iơq hao an pôp ŏh du mvu tamun nhai lor dân ca ănh sŭng ndăng khây pôp ŏh vơn de. Pôp ŏh iêt chăng nĕh saq bây lĕq khây sinlơ lây cồ nĕh nhai bây pôp ŏh.23Cồ canŏq vrŭq văt tât an tamun lây cồ hê đăng iêt chăng bây tiêng tri nŏq, nĕh nŏq bị tachưt văt lŭh ntrăch a con văl.’24En nŏq, lĕq khây tamun nhai lor a Sa-mu-ên nggâm khây tamun tât alưr nĕh, hê khây nĕh pơq mŭnh nhai, nŏq khây nĕh khoi nhai parang sĭq khây năr heq.25Pôp ŏh cồ con sinau khây tiêng tri de nggâm khây sinlơ tăm lăp ti de cồ Cô Voq gĕh iơq hao bây un cô jây vơn de, lăm nhai bây Ap-ra-ham, pành: ‘En a du chhe njang con de, lĕq khây chhe njang vlơ ntĕh nhâng wŏq gĕh sinlơ yăh.’26Lăm iơq Dĭch Năc nơm de hao en, Siđăch Trôq gĕh săng pađăr Candranh nŏq lor lĕq tât bây pôp ŏh paq sinlơ yăh an pôp ŏh lăm văt ăp ndu lŭh ntrăch a sinlơ bưn bap vơn de.”
FAR EAST BROADCASTING COMPANY