Oseasi1
1Anihán uganu le líchugubei Aburemei lun Oseasi, le liráü Beerí lidan meha lidaani Osiasi, Hotamü, Aasi luma Esekíasi ha lurúeitegu Hudá, luma Heroboamü le liráü Hoasi le lurúeite Ísüraeli.
—Ahoruhaali Ísüraeli lau ladireirun nuéi. Ítarameme giñe, beiba, banügame aban würi horu búmarime, ábame bagaraüdagun tau, ítara, tirahüñübaña horu irahüñü hagía.3Ábati lanügünu Oseasi Gómerü to liráü Dibülaímü lúmarime, aba tadageinadun, aba tagaraüdün aban wügüri irahü lau.4Ábati lariñagun Aburemei lun Oseasi:
—Ruba Hesüreeli luagu irahü le, lugundun madiseeli nabeichuniña ladügawagun urúei Heú luagu burí áfarahani le buga ladügübei Heú uburugu Hesüreeli, ani nagumuchaguagüdaali larúeihan Ísüraeligiñe.5Wéyume ligía, nagünrinchagubei habafu lisudaranigu Ísüraeli lidan fulasu wayati le lani Hesüreeli.6Ábaya tadageinadun Gómerü, aba tagaraüdün aban würi irahü. Aba lariñagun Aburemei lun Oseasi:
—Ruba Lo-ruama tuagu, ladüga magudemedunhaña lánigu Ísüraeli nun. Úabei feruduna nániña.7Gama lumoun gudemehabubadina houn lánigu Hudá: Au guánarügüba le Habungiute esefuraña. Mámaba tau gimara nesefuraña, ni tau eféin, ni lau wuribu, ni hau gabayu ni hau agalufehatiña gabayu.8Lárigiñe tachularun Lo-ruama, ábaya tadageinadun Gómerü, aba tagaraüdün aban wügüri irahü.9Ábati lariñagun Aburemei lun Oseasi:
—Ruba Lo-amí luagu, lugundun huguya, mámaadün numutuniña, ani mámaadina giñe Hubungiute.
Lúmari Oseasi hama lirahüñü
2Ítara liña ligaburi lagumeseruni Aburemei le lariñagubei lídangiñe Oseasi:—Ahoruhaali Ísüraeli lau ladireirun nuéi. Ítarameme giñe, beiba, banügame aban würi horu búmarime, ábame bagaraüdagun tau, ítara, tirahüñübaña horu irahüñü hagía.3Ábati lanügünu Oseasi Gómerü to liráü Dibülaímü lúmarime, aba tadageinadun, aba tagaraüdün aban wügüri irahü lau.4Ábati lariñagun Aburemei lun Oseasi:
—Ruba Hesüreeli luagu irahü le, lugundun madiseeli nabeichuniña ladügawagun urúei Heú luagu burí áfarahani le buga ladügübei Heú uburugu Hesüreeli, ani nagumuchaguagüdaali larúeihan Ísüraeligiñe.5Wéyume ligía, nagünrinchagubei habafu lisudaranigu Ísüraeli lidan fulasu wayati le lani Hesüreeli.6Ábaya tadageinadun Gómerü, aba tagaraüdün aban würi irahü. Aba lariñagun Aburemei lun Oseasi:
—Ruba Lo-ruama tuagu, ladüga magudemedunhaña lánigu Ísüraeli nun. Úabei feruduna nániña.7Gama lumoun gudemehabubadina houn lánigu Hudá: Au guánarügüba le Habungiute esefuraña. Mámaba tau gimara nesefuraña, ni tau eféin, ni lau wuribu, ni hau gabayu ni hau agalufehatiña gabayu.8Lárigiñe tachularun Lo-ruama, ábaya tadageinadun Gómerü, aba tagaraüdün aban wügüri irahü.9Ábati lariñagun Aburemei lun Oseasi:
—Ruba Lo-amí luagu, lugundun huguya, mámaadün numutuniña, ani mámaadina giñe Hubungiute.
Uéiriguni le lunbei liabin lun Ísüraeli
10Lachülürüba weyu lun ítara hamá Ísüraelina kei lisagounte barana, siñabei hamisurahóun ni habahüdǘn. Lubaragiñemeti lariñagun Bungiu houn: «Mámaadün numutuniña» Ariñagarügübei houn: «Lirahüñü Bungiu le wínwanbei huguya».11Ábameti hóundaragun lánigu Hudá hama lánigu Ísüraeli, ábame híchugun ábanrügü ábuti, ábame hayabin Herusaléun lídangiñe sun fulasu. Wéirigubei luéyuri Hesüreeli!Bible Society of Honduras