2 Urúeigu7
1Aba lariñagun Eliséu:
—Aganba huméi lererun Bungiu: “Haruga kei oura le, lubenari Samaria gayaraabei lagañeihóun sedü líburu fulúaru luagu ábanrügü murusun pülata, gayaraabei giñe tagañeihóun keinsi líburu sebada lau aban murusun pülata”.2Aba lariñagun aban hádangiñe lánigu urúei lun profeta:
—Ni hamuga anhein ladaara Bungiu lubenari sielu, siñabei hamuga lasuseredun katei le.
Lariñaga Eliséu lun:
—Barihubei lau bagu, gama lumoun méiginbadibu lídangiñe.
—Ka san wadügübei ñun ya agurabaha wóunwegun?4Ánhawa ebelura uburugun, wóunweguba, lugundun anihein ilamaü ñein; ánhawa eredera ñun ya, wóunweguba giñe. Keimoun lubeiti tidoun hakianpun Síriana; ánhawa feruduna hamá, wabagariduba, ánhawa háfaragua, lau sun luwuyeri wóunweguamemeba.5Danti le laguñeedunbei, aba hásaarun, aba houdin tidoun hakianpun Síriana, gama lumoun dan le hayarafadunbei tun, aba harihin luagu málouga lan ñein.6Lugundun adügaali buga Bungiu lun haganbun Síriana tamuri karü lánina wuribu, luma hareinchun hagabayun saragu súdara, ábati haritagun Síriana luagu adügaali lan lurúeite Ísüraeli daradu hama urúeigu Étüna luma hama urúeigu Ehiptuna lun hageindagun hama.7Ligía hásaarunbei aba hanurahan dan lagumeserunbei aguñeda, aba hígirunu hakianpun, halügüniña gabayu hama halügüniña mile, aba houdin ñéingiñe lun hesefuruni habagari.8Dan hachülürün gawagutiña lépüra hagía tidoun kianpu, aba hebelurun tidoun aban muna, aba heigin, gurá hagía, aba hanügün pülata, golu, tuma daüguaü, aba houdin aramudei. Lárigiñe ábaya hebelurun tidoun ábanya muna, aba giñe hanügün ílagu ñéingiñe, aba houdin aramudei.9Gama lumoun aba hariñagun hámagua:
—Mabuidunti katei le wadügübei. Luéyuri lanügǘn uganu buiti uguñe, awanha ámanicha lau. Ánhawa aguraba darí haruga, hanügübadiwa kei gaduruntiña. Buítimati lun woudin ariñagei tidan palasiu.10Ábati houdin, aba hagúarun houn ha óunigirubaña lubenari uburugu, aba hariñagun houn:
—Ñǘdünhadiwa tidan hakianpun-agei Síriana, úati ni aban gürigia ñein; maganbungubeitiwa ladimurehan ni aban. Gabayurügüñanu ñein hama mile, tuma hakianpun ítara kei hesetirunu.11Ha óunigirubaña lubenari uburugu, aba hagúarun houn ha tídanbaña palasiu.12Ábati lásaarun urúei, lau sun áriebuhaali lan aba lariñagun houn lánigu:
—Nariñagaali hun ka lan habusenrubei Síriana hadügün woun: Kei subudi habalin luagu wáfaguña lan ilamaü, aba háfuridun tídangiñe hakianpun, aba haramudagun áraabu lun danme lan wáfuridun uburugugiñe, ábame hárügüdüniwa wínwanñu, ábame hebelurun uburugun.13Gama lumoun lariñaga aban hádangiñe úfisigu:
—Ounahóua hama fiu wügüriña hawagu seingü gabayu ha erederubaña, ladüga hóunweguamemeba ha erederutiña ya, ítara kei sun Ísüraelina ha hilaguaañabaña. Wóunahaaña, ariha wamaamuga kaba lan asusereda.14Ábati hanügün bián karü hau gabayu, aba lóunahaniña urúei lun houdin ariaahóun hakianpun-agei Síriana.15Aba houdin afalareina haméi hagudárigi Síriana darí Hordán, aba harihin luagu ñeinñoun lan burí daüguaü ǘmada luma burí ílagu le burí hachagarubei Síriana lidan hóufudahan anuraha. Aba hagiribudun lóunagülegu urúei, aba habahüdaguni le harihubei lun.16Lárigiñe aba houdin Ísüraelina asagarahóun hakianpun-agei Síriana. Keiti buga lariñaguni Bungiu, aba talugurahóun fulúaru sedü líburu luagu aban murusun pülata; keinsi líburu sebada luagu aban murusun pülata.17Aba líchuguni urúei úfisi le meha uágubei lemenigida óunigira luagu lubenari uburugu, gama lumoun aba hachuinraguni gürigia ñein luagu lubenari uburugu, darí lun lounwen, ítara kei buga lariñaguni profeta dan le buga lídinbei urúei arihei.18Aba lubeiti lasuseredun le buga lariñagubei profeta lun urúei dan le lariñagunbei lun luagu tagañeihóuba lan sedü líburu fulúaru luagu aban murusun pülata luma keinsi líburu sebada luagu giñe ábanrügü murusun pülata lubenari Samaria.19Lariñagati buga úfisi lun profeta luagu ni lan anhein ladaara Bungiu lubenari sielu, masuseredunbei lan ítara. Lariñagati buga Eliséu lun luagu larihubei lan lau lagu, gama lumoun méiginbei lan lídangiñe.20Ani ítara liña lasuseredun, lugundun aba hadügüraguni gürigia luagu lubenari uburugu, aba lounwen.
—Aganba huméi lererun Bungiu: “Haruga kei oura le, lubenari Samaria gayaraabei lagañeihóun sedü líburu fulúaru luagu ábanrügü murusun pülata, gayaraabei giñe tagañeihóun keinsi líburu sebada lau aban murusun pülata”.2Aba lariñagun aban hádangiñe lánigu urúei lun profeta:
—Ni hamuga anhein ladaara Bungiu lubenari sielu, siñabei hamuga lasuseredun katei le.
Lariñaga Eliséu lun:
—Barihubei lau bagu, gama lumoun méiginbadibu lídangiñe.
Hanurahan súdaragu Síriana
3Ábati hariñagun gádürü gawagutiña lépüra ha ñéinbaña lubenari uburugu hámagua:—Ka san wadügübei ñun ya agurabaha wóunwegun?4Ánhawa ebelura uburugun, wóunweguba, lugundun anihein ilamaü ñein; ánhawa eredera ñun ya, wóunweguba giñe. Keimoun lubeiti tidoun hakianpun Síriana; ánhawa feruduna hamá, wabagariduba, ánhawa háfaragua, lau sun luwuyeri wóunweguamemeba.5Danti le laguñeedunbei, aba hásaarun, aba houdin tidoun hakianpun Síriana, gama lumoun dan le hayarafadunbei tun, aba harihin luagu málouga lan ñein.6Lugundun adügaali buga Bungiu lun haganbun Síriana tamuri karü lánina wuribu, luma hareinchun hagabayun saragu súdara, ábati haritagun Síriana luagu adügaali lan lurúeite Ísüraeli daradu hama urúeigu Étüna luma hama urúeigu Ehiptuna lun hageindagun hama.7Ligía hásaarunbei aba hanurahan dan lagumeserunbei aguñeda, aba hígirunu hakianpun, halügüniña gabayu hama halügüniña mile, aba houdin ñéingiñe lun hesefuruni habagari.8Dan hachülürün gawagutiña lépüra hagía tidoun kianpu, aba hebelurun tidoun aban muna, aba heigin, gurá hagía, aba hanügün pülata, golu, tuma daüguaü, aba houdin aramudei. Lárigiñe ábaya hebelurun tidoun ábanya muna, aba giñe hanügün ílagu ñéingiñe, aba houdin aramudei.9Gama lumoun aba hariñagun hámagua:
—Mabuidunti katei le wadügübei. Luéyuri lanügǘn uganu buiti uguñe, awanha ámanicha lau. Ánhawa aguraba darí haruga, hanügübadiwa kei gaduruntiña. Buítimati lun woudin ariñagei tidan palasiu.10Ábati houdin, aba hagúarun houn ha óunigirubaña lubenari uburugu, aba hariñagun houn:
—Ñǘdünhadiwa tidan hakianpun-agei Síriana, úati ni aban gürigia ñein; maganbungubeitiwa ladimurehan ni aban. Gabayurügüñanu ñein hama mile, tuma hakianpun ítara kei hesetirunu.11Ha óunigirubaña lubenari uburugu, aba hagúarun houn ha tídanbaña palasiu.12Ábati lásaarun urúei, lau sun áriebuhaali lan aba lariñagun houn lánigu:
—Nariñagaali hun ka lan habusenrubei Síriana hadügün woun: Kei subudi habalin luagu wáfaguña lan ilamaü, aba háfuridun tídangiñe hakianpun, aba haramudagun áraabu lun danme lan wáfuridun uburugugiñe, ábame hárügüdüniwa wínwanñu, ábame hebelurun uburugun.13Gama lumoun lariñaga aban hádangiñe úfisigu:
—Ounahóua hama fiu wügüriña hawagu seingü gabayu ha erederubaña, ladüga hóunweguamemeba ha erederutiña ya, ítara kei sun Ísüraelina ha hilaguaañabaña. Wóunahaaña, ariha wamaamuga kaba lan asusereda.14Ábati hanügün bián karü hau gabayu, aba lóunahaniña urúei lun houdin ariaahóun hakianpun-agei Síriana.15Aba houdin afalareina haméi hagudárigi Síriana darí Hordán, aba harihin luagu ñeinñoun lan burí daüguaü ǘmada luma burí ílagu le burí hachagarubei Síriana lidan hóufudahan anuraha. Aba hagiribudun lóunagülegu urúei, aba habahüdaguni le harihubei lun.16Lárigiñe aba houdin Ísüraelina asagarahóun hakianpun-agei Síriana. Keiti buga lariñaguni Bungiu, aba talugurahóun fulúaru sedü líburu luagu aban murusun pülata; keinsi líburu sebada luagu aban murusun pülata.17Aba líchuguni urúei úfisi le meha uágubei lemenigida óunigira luagu lubenari uburugu, gama lumoun aba hachuinraguni gürigia ñein luagu lubenari uburugu, darí lun lounwen, ítara kei buga lariñaguni profeta dan le buga lídinbei urúei arihei.18Aba lubeiti lasuseredun le buga lariñagubei profeta lun urúei dan le lariñagunbei lun luagu tagañeihóuba lan sedü líburu fulúaru luagu aban murusun pülata luma keinsi líburu sebada luagu giñe ábanrügü murusun pülata lubenari Samaria.19Lariñagati buga úfisi lun profeta luagu ni lan anhein ladaara Bungiu lubenari sielu, masuseredunbei lan ítara. Lariñagati buga Eliséu lun luagu larihubei lan lau lagu, gama lumoun méiginbei lan lídangiñe.20Ani ítara liña lasuseredun, lugundun aba hadügüraguni gürigia luagu lubenari uburugu, aba lounwen.
Bible Society of Honduras