Loma10
1Imi tubuiyakuweyavo Loma wagaine, ganuwanuwa lakai-vagaina yaku yoo meIsileli adikibababala ina nuwagana Yaubada wagaine-deya. Tainei faina tova moyaina gaveoveola faidiya.2Iya gaalamanena ada akufaiweya gana awatalatalaina vaita meIsileli-dina idibudibumwaiga velemoena Yaubada faine, aku gavana Yaubada nuwanuwana ani keke nuwadi gidamali. E ada au taudiyavo yadi nuwanuwa wagaine idibumwaiga-kavokavovo.3Faina Yaubada yana wai wagaine kaliva gisesedi yegayegadiyavo matane ani ibavuyena, e aku nuwanuwadi evona vaita taudiyavo yadi yegayegana ina vaina taudiyavo yadi dewa iwakana ke yadi gugai wagaidiya. Taidei faina Yaubada yana yegayegana anawai keke taudiyavo ida awaegedi wagaine.4Aku Keliso gielai ada Mosese yana veimeya ananunu giyegemona velemoena Banae wagaine, e ada veimeya-nai giveiveimeya anatutuya ani giavaina. E ada malinai badi gavega wa yadi vetumagana taudiyavo ina awaegedi Keliso wagaine, ani seyana seyana Yaubada gina awaveiwakanedi ke ginasedi yegayegadiyavo Banae matane.
“Badi gavega Banae wagaine ina vetumaganaani keke seyana wa yana vovomumugina miyamiya yana vetumagana gisebamuina faina.”12Vona taidei ananuwanuwa ani ide kaliva matatabuda faideya givona. Faina Yaubada matane meIsileli ada kadu badi keke meIsileli ani keke tamo adatulina gida miyami wagaideya, au moyaida adaita au seyana Banae matane. E ada vona-nai matatabuda faideya. Faina matatabuda ani yada Kauveya Yaubada anakaibe-mowa, ada badi gavega iveolena yana leme faina ani matatabudi Banae yana nuwadogeya gina gugai iwakana wagaidiya.13Faina “Badi gavega KAUVEYA ina veolena adikibababala faina, ani gina kibababaledi.”14Aku meIsileli badi Yeisu idibusoyogena ani kai tamo gaito gidavona faidiya, gidavona, “Kai Yaubada keke valeya anatolaumamala gida imilidi idana, aga gavaiyamu valeyana ida awatalatalaina? Keke meyameyaganina. Ada kai keke tamo gaito gidaela valeya iwakana gida ifufuye wagaidiya, aga keke adifaiweya ina nogali. Ada kai keke yada Kauveya valeyana ida nogali, aga kadu keke adifaiweya ina vetumagana wagaine. Ada kai keke ida vetumagana, aga keke adifaiweya ina veole adikibababala faina.”
Aku Iya gada lufata, gadavona, “Aku bademowa Yaubada tomatawa giimilidi ielai ada badi meIsileli ani Yaubada yana valeya iwakana iveleveledi, anafaiweya Buki Tabu wagaine Aiseya givona,
‘Badi Valeya Iwakana iawaawamogatalenaani yadi ela gava veiwaka!’”16Aku keke badi meIsileli matatabudi valeya iwakana ida matawalewaleye. Taide yadi dibusoyoga-nai faine ani falofita Aiseya yana buki wagaine givetokilumina givona, “KAUVEYA, ime ya valeya iwakana aawaawamogatalena aku gaito givetumagane? Keke tamo.”17E ada kaliva ivetuvetumagana Keliso wagaine vuvuna ani inoganogala, tainei Keliso yana vona inoganogalina.18Kai taidei anafaiweya, aga meIsileli faidiya ani gavaiyamu kanavona? Badi aimo keke valeya iwakana ida nogali? Ika, bademowa inogalina. Anafaiweya Buki Tabu tuwaina wagaine givona,
“Badi gavega ivevewala Yaubada faina ani adimatawagimutula ginau fafali matatabuna wagaidiya.”19Kaduwe kai tamo gaito gida tolidadana, gidavona, “Valeya-nai ani meIsileli ialamanena o kai keke?”
Ada Iya gada lufata, gadavona, “Nagona Mosese givetokilumina Yaubada yana vona meIsileli faidiya, givona,
‘Imi meIsileli yami nuwanuwa wagaidiya wavonavona,“Badi keke meIsileli ani kaliva-kavokavovo, vaita kwavakwavadiyavo.”Aku Iyayeku ani badiyavo faidiya ganavona, “Badiyavo ani yaku yoo,”e ada matamiya badi faidiya gana gugai iwakanae ada adiiwakana wana luvadigena ke wana nuwakoyo.’”20Aku Aiseya wa yana asevatu Yaubada yana vona giawamogatalena meIsileli wagaidiya givona,
“Badi keke meIsileli, biyavo-dina keke ida leleleku ani ilunuwagaku.Badi kaliva-dina keke ida nuwanuwa wagaikuya ani wagaidiya gaivemogataliku.”21Aku meIsileli faidiya Yaubada givona,
“Mala gilavuna ke ginau-deya mala gibogi ada nimaku gatunenaevona vaita inayewa wagaikuya ke gana sivaivaidi,aku badi keke yaku vona ida matawalewaleye aku awalakalaka taudiyavo.”
Kaliva matatabuna adifaiweya kibababala ina nuwagana.
5Faina kaliva yada yegayegana Mosese yana veimeya anawai anamuliya wagaine ani tova tuwaina Mosese givetokiluma faine, ada ananuwanuwa taide anafaiweya. “Kai gaito nuwanuwana yawai gina nuwagana veimeya anamuliya wagaine, aga veimeya matatabu-moena gida matawalewaleyena.”6E aku yada yegayegana Keliso anavetumagana anawai wagaine ani ananuwanuwa taide anafaiweya. “Keke nuwainagemiya wanavona, ‘Gaito ginalaka gabameya’” e ada Keliso gina obualiye?7“Ada kaduwe keke wanavona, ‘Gaito ginaobu olu keke wa anaebalauyabu wagaine, wada toalika aluwaluwadi yadi fafali’” e ada Keliso gina lakaaliye? Keke taidei anafaiweya wanavona, faina Keliso bademowa alikeya giyawa-vagila.8Aku kadu vona seyana Buki Tabu wagaine givona, “Yaubada yana vona ani keke atuwada wagaideya ada vaita kana galuvaluva kanalele faine. Ida bana bademowa gimiyamiya wagaideya, awadeya ke yada nuwenuweya.” Tainei vetumagana anavona-nai ani alulumamalena.9Ina vetumagana anavona-nai ani taidei anafaiweya. Kai una awamogatala kaliva matadiya, una vonaga, “Yeisu Banae Kauveya ada akuToveimeya,” ada nuwainageniya una vetumagana vaita Yaubada gisiveyawana alikeya, aga Yaubada gina kibababaleni ya koyona wagaidiya-deya.10Faina wa aseaseda kavetumagana ayo giseda yegayegadeyavo Tauna matane, ada awadeya kaawamogatala Yeisu Banae Kauveya ani adaToveimeya e ada adakibababala kanuwagana.11Anafaiweya Buki Tabu wagaine Keliso faine givona,“Badi gavega Banae wagaine ina vetumaganaani keke seyana wa yana vovomumugina miyamiya yana vetumagana gisebamuina faina.”12Vona taidei ananuwanuwa ani ide kaliva matatabuda faideya givona. Faina Yaubada matane meIsileli ada kadu badi keke meIsileli ani keke tamo adatulina gida miyami wagaideya, au moyaida adaita au seyana Banae matane. E ada vona-nai matatabuda faideya. Faina matatabuda ani yada Kauveya Yaubada anakaibe-mowa, ada badi gavega iveolena yana leme faina ani matatabudi Banae yana nuwadogeya gina gugai iwakana wagaidiya.13Faina “Badi gavega KAUVEYA ina veolena adikibababala faina, ani gina kibababaledi.”14Aku meIsileli badi Yeisu idibusoyogena ani kai tamo gaito gidavona faidiya, gidavona, “Kai Yaubada keke valeya anatolaumamala gida imilidi idana, aga gavaiyamu valeyana ida awatalatalaina? Keke meyameyaganina. Ada kai keke tamo gaito gidaela valeya iwakana gida ifufuye wagaidiya, aga keke adifaiweya ina nogali. Ada kai keke yada Kauveya valeyana ida nogali, aga kadu keke adifaiweya ina vetumagana wagaine. Ada kai keke ida vetumagana, aga keke adifaiweya ina veole adikibababala faina.”
Aku Iya gada lufata, gadavona, “Aku bademowa Yaubada tomatawa giimilidi ielai ada badi meIsileli ani Yaubada yana valeya iwakana iveleveledi, anafaiweya Buki Tabu wagaine Aiseya givona,
‘Badi Valeya Iwakana iawaawamogatalenaani yadi ela gava veiwaka!’”16Aku keke badi meIsileli matatabudi valeya iwakana ida matawalewaleye. Taide yadi dibusoyoga-nai faine ani falofita Aiseya yana buki wagaine givetokilumina givona, “KAUVEYA, ime ya valeya iwakana aawaawamogatalena aku gaito givetumagane? Keke tamo.”17E ada kaliva ivetuvetumagana Keliso wagaine vuvuna ani inoganogala, tainei Keliso yana vona inoganogalina.18Kai taidei anafaiweya, aga meIsileli faidiya ani gavaiyamu kanavona? Badi aimo keke valeya iwakana ida nogali? Ika, bademowa inogalina. Anafaiweya Buki Tabu tuwaina wagaine givona,
“Badi gavega ivevewala Yaubada faina ani adimatawagimutula ginau fafali matatabuna wagaidiya.”19Kaduwe kai tamo gaito gida tolidadana, gidavona, “Valeya-nai ani meIsileli ialamanena o kai keke?”
Ada Iya gada lufata, gadavona, “Nagona Mosese givetokilumina Yaubada yana vona meIsileli faidiya, givona,
‘Imi meIsileli yami nuwanuwa wagaidiya wavonavona,“Badi keke meIsileli ani kaliva-kavokavovo, vaita kwavakwavadiyavo.”Aku Iyayeku ani badiyavo faidiya ganavona, “Badiyavo ani yaku yoo,”e ada matamiya badi faidiya gana gugai iwakanae ada adiiwakana wana luvadigena ke wana nuwakoyo.’”20Aku Aiseya wa yana asevatu Yaubada yana vona giawamogatalena meIsileli wagaidiya givona,
“Badi keke meIsileli, biyavo-dina keke ida leleleku ani ilunuwagaku.Badi kaliva-dina keke ida nuwanuwa wagaikuya ani wagaidiya gaivemogataliku.”21Aku meIsileli faidiya Yaubada givona,
“Mala gilavuna ke ginau-deya mala gibogi ada nimaku gatunenaevona vaita inayewa wagaikuya ke gana sivaivaidi,aku badi keke yaku vona ida matawalewaleye aku awalakalaka taudiyavo.”