Yakobo5
Niatsɛmɛ a kɔkɔ bɔmi
1Nyɛɛ bu tue, nyɛ niatsɛmɛ, nyɛɛ wo ya nɛ nyɛ fo ngɛ haomihi nɛ ma nyɛ nɔ ɔmɛ a he.2Nyɛ ní ɔmɛ ngɛ puɛe nɛ lohwe tsɔwi hu ngɛ nyɛ he hami ni kpakpa amɛ yee.3Nyɛ sika tsu kɛ sika hiɔ ɔmɛ a he jua ngɛ gboe, se kɛ ɔ, lɔ ɔmɛ nɛ a maa ngɔ kɛ ye odase kɛ si nyɛ, nɛ e maa sa nyɛ kaa la. Ejakaa lɔ ɔmɛ ji níhi nɛ nyɛ bua nya kɛ to kɛ ha nyɛ he ngɛ kojomi ligbi ɔ nɔ.4Nyɛɛ bu tue! Nyɛ maa nu ni nɛmɛ nɛ nyɛ bɔ mɛ apaa ngɛ nyɛ ngmɔ ɔmɛ a nɔ se nyɛ wui mɛ hiɔ bɔ nɛ sa amɛ a ngmlaa. A ngmlaa ba su Nutsɔ ɔ tue mi.5Nyɛ na nyɛ he nɛ nyɛ hi kpɔtɔɔ mi ngɛ zugba a nɔ, nɛ nyɛ na he mi kaa lohwe nɛ a to nɛ wo zɔ nɛ a maa gbe.6Nyɛ bu dali nɛ be he fami ko ɔ gbenɔ fɔ nɛ nyɛ gbe mɛ.7Jehanɛ ɔ, ye nyɛmimɛ, nyɛ nɛ nyɛ ngɛ Nutsɔ ɔ bami ɔ blɔ hyɛe ɔ, nyɛɛ to tsui kaa bɔ nɛ ngmɔ hulɔ toɔ tsui kɛ guu gbiɛ kɛ gbo mi kɛ ya siɔ be nɛ ngmɔ ni ɔ woɔ yiblii nɛ e waa kɛ ha kpami.8Ja a kɛ nyɛ hu nyɛɛ to nyɛ tsui si, ejakaa Nutsɔ ɔ bami be ɔ su ta.9Nyɛmimɛ, nyɛ ko tu munyu kɛ si nyɛ bi. Anɛ nyɛ susuu kaa nyɛɛ lɛɛ nɔ́ ko be nɛ a ma de ngɛ nyɛ he lo? Nyɛ nɛ, kojolɔ ngua a ma, nɛ e su si ta.10Nyɛ ha nɛ gbali ɔmɛ a tsui si tomi ngɛ a nɔ́ nami mi ɔ e pee nɔ hyɛmi nɔ́ kɛ ha nyɛ.11Wa le kaa amlɔ nɛ ɔ, a na bua jɔmi, ejakaa a ye lɛ anɔkuale nɛ a na nɔ́ wawɛɛ. Nyɛ nu Hiob he kɛ bɔ nɛ e ya nɔ nɛ e he Nutsɔ ɔ ye ngɛ e haomi mi. Nɛ Hiob sane ɔ tsɔɔ wɔ bɔ nɛ Nutsɔ ɔ blɔ nya tomi woɔ nɔ́ kpakpa kɛ baa ngɛ nyagbe mi.12Se nɔ́ nɛ pe kulaa ji, ye nyɛmimɛ, nyɛ ko ka kita. Nyɛ ko ka hiɔwe, nyɛ ko ka zugba; nyɛ ko ka nɔ́ ko kulaa. Se mohu nɔ́ nɛ nyɛ ma de kɛkɛ ji, Ee loo dabi. Bɔ nɛ pee nɛ nyɛ ko pee yayami nɛ a bu nyɛ fɔ ngɛ he.Tsami kɛ yemi ke buami
13Anɛ nyɛ ti nɔ ko ngɛ nɔ́ nami mi lo? E hɛɛ sɔlemi kɛ pɛɛ kpami mi. Nɛ nihi nɛ ngɛ bua jɔmi mi ɔ, a la yi jemi la kɛ ha Nutsɔ ɔ be fɛɛ be.14Anɛ nyɛ ti nɔ ko ngɛ hiɔ nue lo? E ha nɛ a tsɛ asafo nikɔtɔma amɛ kɛ ba e ngɔ nɛ a pɔ lɛ nu ngɛ Nutsɔ ɔ biɛ mi nɛ a sɔle kɛ ha lɛ.15Nɛ ke e sɔle kɛ hemi kɛ yemi ɔ, e ma na he wami, ejakaa Nutsɔ o ma tsa lɛ; nɛ ke ji yayami ko nɛ e pee he je nɛ e na hiɔ ɔ, Nutsɔ ɔ ma ngɔ ke lɛ.16Nyɛɛ jaje nyɛ he yayami ɔmɛ kɛ tsɔɔ nyɛ si bi; nɛ nyɛɛ sɔle ha nyɛ bi nɛ nyɛ ma na tsami. Dalɔ sɔlemi ngɛ he wami nɛ e tsuɔ nyakpɛ níhi fuu.17Elia ji nɔmlɔ adesa kaa wɔ nɔuu, se e sɔle wawɛɛ nɛ hiɔmi nɛ e ko nɛ, nɛ niinɛ hiɔmi nɛ ngɛ zugba a nɔ jeha etɛ kɛ hlami ekpa sɔuu.18Nɛ e kpale sɔle ekohu ke hiɔmi nɛ e nɛ, nɛ hiɔmi nɛ, nɛ zugba a ba ni.19Ye nyɛmimɛ, ke nyɛ ti nɔ ko kpale ngɛ Mawu se, nɛ e he we Nutsɔ ɔ yi hu, nɛ nɔ ko ha nɛ e kpale kɛ ba Anɔkuale blɔ ɔ nɔ ekohu ɔ,20nɔ nɛ kpale jamɛ a yayami peelɔ ɔ kɛ ba Mawu ngɔ ekohu ɔ, e he e yi wami kɛ je gbenɔ mi, nɛ a maa ngɔ e he yayami babauu ɔ kɛ ke lɛ.Biblica, Inc.