Soma Yeremia 15

Yeremia15

Adhabu isiyoepukika

¹Kisha Mwenyezi Mungu akaniambia: “Hata kama Musa na Samweli wangesimama mbele zangu, moyo wangu usingewaelekea watu hawa. Waondoe mbele za macho yangu! Waache waende!²Nao wakikuuliza, ‘Twende wapi?’ Waambie, ‘Hili ndilo asemalo Mwenyezi Mungu:“ ‘Wale waliowekwa kwa ajili ya kufa, na wafe;waliowekewa kufa kwa upanga, kwa upanga;waliowekewa kufa kwa njaa, kwa njaa;na waliowekewa kupelekwa uhamishoni,wapelekwe uhamishoni.’ ”

³Mwenyezi Mungu asema, “Nitatuma aina nne za waangamizi: upanga ili kuua, mbwa ili kukokota mbali, ndege wa angani na wanyama wa nchi ili wale na waangamize.⁴Nitawafanya wawe machukizo kwa falme zote za dunia kwa sababu ya kile alichofanya Manase mwana wa Hezekia mfalme wa Yuda huko Yerusalemu.⁵“Ni nani atakayekuhurumia, ee Yerusalemu?Ni nani atakayeomboleza kwa ajili yako?Ni nani atakayesimama ili kuulizakuhusu hali yako?⁶Umenikataa mimi,” asema Mwenyezi Mungu.“Unazidi kukengeuka.Hivyo nitanyoosha mkono wangu juu yako na kukuangamiza,siwezi kuendelea kukuonea huruma.⁷Nitawapepeta kwa ungokwenye malango ya miji ya nchi.Nitaleta msiba na maangamizi juu ya watu wangu,kwa maana hawajabadili njia zao.⁸Nitawafanya wajane wao kuwa wengikuliko mchanga wa bahari.Wakati wa adhuhuri nitamleta mwangamizidhidi ya mama wa vijana wao wa kiume;kwa ghafula nitaleta juu yaomaumivu makuu na hofu kuu.⁹Mama mwenye watoto saba atazimiana kupumua pumzi yake ya mwisho.Jua lake litatua kukiwa bado mchana,atatahayarika na kufedheheka.Wale wote waliobaki nitawaua kwa upangambele ya adui zao,”asema Mwenyezi Mungu.

¹⁰Ole wangu, mama yangu, kwamba ulinizaa,mtu ambaye ulimwengu woteunashindana na kugombana naye!Sikukopa wala sikukopesha,lakini kila mmoja ananilaani.

¹¹Mwenyezi Mungu akasema,“Hakika nitakuokoa kwa kusudi jema,hakika nitawafanya adui zako wakuombe msaadanyakati za maafa na nyakati za dhiki.

¹²“Je, mtu aweza kuvunja chuma,chuma kinachotoka kaskazini, au avunje shaba?

¹³“Utajiri wako na hazina zako nitavitoa kuwa nyara,bila gharama,kwa sababu ya dhambi zako zotekatika nchi yako yote.¹⁴Nitakufanya uwe mtumwa wa adui zakokatika nchi usiyoijua,kwa kuwa katika hasira yangu moto umewashwautakaowaka juu yako daima.”

¹⁵Wewe unafahamu, Ee Mwenyezi Mungu,unikumbuke na unitunze mimi.Lipiza kisasi juu ya watesi wangu.Kwa uvumilivu wako usiniondolee mbali;kumbuka jinsi ninavyoshutumiwa.¹⁶Maneno yako yalipokuja, niliyala;yakawa shangwe yanguna furaha ya moyo wangu,kwa kuwa nimeitwa kwa jina lako,Ee Bwana Mwenyezi Mungu,Mungu wa majeshi ya mbinguni.¹⁷Kamwe sikuketi katika kundi la wafanyao sherehe,wala kamwe sikujifurahisha pamoja nao;niliketi peke yangu kwa sababu mkono wako ulikuwa juu yangu,na wewe ulikuwa umenijaza hasira.¹⁸Kwa nini maumivu yangu hayakomi,na jeraha langu ni la kuhuzunisha,wala haliponyeki?Je, utakuwa kwangu kama kijito cha udanganyifu,kama chemchemi iliyokauka?

¹⁹Kwa hiyo hili ndilo asemalo Mwenyezi Mungu:“Ukitubu, nitakurejeshaili uweze kunitumikia;ukinena maneno yenye maana,wala si ya upuzi,utakuwa mnenaji wangu.Watu hawa ndio watakaokugeukia,wala si wewe utakayewageukia wao.²⁰Nitakufanya wewe uwe ukuta kwa watu hawa,ngome ya ukuta wa shaba;watapigana nawelakini hawatakushinda,kwa maana mimi niko pamoja nawekukuponya na kukuokoa,”asema Mwenyezi Mungu.²¹“Nitakuokoa kutoka mikono ya waovu,na kukukomboa kutoka makucha ya watu wakatili.”