Yuhanna7bsj_doo
1bwiko dike buro gwam, Yeecu bwiylanti mor Galili, nyori ca cwibo na ya Yahudiya, wore Yahudawa cwiti na cin twallumco.2la duklume Yahudawa ci cuwo ti dodom.3kecebo la yico ki, “dubom fo, yaken Yahudiya, na be tomange na to nangendo mwa maneu,4nii kange man wo a ma diker ti yuran yurange no co cwiti na ci nyimom co nyanlang, wori mo ma dike buroti, nang dor mwero kale nin.5wori yitub mwebo kene nebo bilenke muneng.6Yeecu nyori yi ci, “kume ni mi bou bo buri, kime kange kom kicatec.7kale mani a ko komti, an ko ye mi wori mi tok bilenke ti dor cer nangen cero na bwir.8kom ya dukulume wo, mani ma ya dukulume ti wori kumeni dibo buri”9bwiko co yi ci dici dike bure di con yiken Galili,10la yitok ce bo cu fiye dukulumeri, cin bwan cinen ten da'ar.11Yahudawa do coti fiye dukulumi, cikin fe co?12kero duccu wo ci tokkanti dor cereu, kangumbo ki con nii kang, kangumbo ki o-ong kebo nii keng bol nubo ti.13nyori nii man wo tok ker ti dor cer nyanlange wori ci cwa Yahudawa ti.14la dukulume dadom a dii tiri, Yeecu ya bikur kwamar yoten meranka.15la Yahudawa nyimanti, ki ma nyii nii wo nyirnom diker ducce.” wori ca yabe fiye meranka.16Yeecu ciya ci nen ki “meranka kebo na mi, na nii wo tomu nyere ce.”17no nii cwiti na co ma dike co cwitiye co cwiiye di can nyimom meranka ko wo. keno bou kwama nii di, kaka miki tok ker dorek ki dor cere di ki do duktonka dor cer,18nii wo do duktonka nii wo tomu ceri nii cuwo nii bilenke bwiranke man cinen.19muca ne kambo werfunda ka?” wo nii mani wo bwanteng tiye, ye bwi kom doti na ki twallum yere?20nii bo mwerume ciya co, “muki ninga, we do ti na co twalnene?21Yeecu ciya ci ki min ma nangen wiin di kom ti myimangi22muca nekom mwatika lakeko. wuro nungbo ki na muca ce na teb kime bo ciye kikume fobka kom ki biyere larre.23no nii ci biyeten lar bi di fobkari, kebo dikoro bwir werfun mucad. ye'e ka kangum ner wori min twabni ki bi dii fobka ka?24kom warde ker diko wo ceru kalleu, ki wer dor bilenkeret25kangumbo bou urcalima yi ki, “wo kebo wo ci doti na cin twalume ka?26to co tok kerti nyanlang, ci yi cobo diker. kangeri nob bitine bo nyombo ki wo kiritti na ma nyo ka?27nyori bon nyimom fiye nii wo bou we. no kiritti bouri, nii mani a nyom fiye ca bouweti.28la Yeecu kung dir biur kwama meranti ki “kom nyimom fiye ma bou wiye, ma bou bo ki dor mir, nii wo tomu yere bilenke, ka nyom co bo.29min nyimom co wori ma bou fiye cin wiye30ci cuiti na cin tam co nyori ni yobo kang dor cer wori kumeni bou bo buri.31ducce mor nubo mwerume ne bilenke cinnen ne, cin tok ki “no kiritti bou ri a ma dike la'a nii wo ce ka?32fariciyawa nuwa nubo mwerume ti tokangi dike wuro ti Yeecu ki lima, la liya wabbe kange fariciyawa tom nobo dur ci a tam co.33Yeecu yi ci ki kom bi duwar na yilaken fiye nii wo tom yere.34“kan doye mani ka fiya ye ti, fiye ma yatiye mani ka yati.”35Yahudawa yi bwiti ciye ki fiye wiini nii a yati la mani ba nyomtiye? co ki yang fiye Hilenawa watangum na co meran Hilenawa nin ka?36“ye dike co to keu” kang doye mani ka fiya ye ti, fiye ma yatiye mani ka yati.37ki bi dii kume cuileri, Yeecu kwani ti, tok ker bki bi kwang, “niwo nuwa dulomwe tiye ri a bou mineng co no mwembo.38wuro ne bilenke minen na wo bifumero tokeu ri, “caji mwem dume a ceru fwer cer.39wuro ci tok dor yuwa ko wucake wo ne bilenke cinen neri an yuwo, yuwa tangbe wucak cii neu bo, nyori Yeecu fibo duktonka.40kangum nobo mor nubo mwerume nuwa kero ri, nyi ki, wuro co nii tomange,41kangum ki co kiritti, la kangum bo yiki, kiritti ki bou Galili ka42Ale, bifumero tok bo ki kiritti a bou naniya Dauda kange baitalami, loro Dauda wiye ka?43la nobo mwerume yalkani yob ker ceu.44kangum cin bo no ki tan co, la nii mani wo yoti kang dor cere.45la nubo durko yilau liya nob wabebo kange Fariciya nin, wo me ci, “ye bwi ka boubo ki ce?”46nii bo durko kar cinen, “nii kange tok bo ker na wo.”47nyori Fariciyawa kar cinen ki “ci bol kom bol ken ka?48kange wii mor liyabe ne bilenke cinen ne kaka kange Fariciya? ka nubo wuro mwerum nyombo werfune ri ciika50nikodimu (wiin mor Fariciyawa wo bou wi cinnen fiya cuwo) yi ci,51“werfun bero ciya bi ne warka dor nir na nimre bi nuwa cinen na bi nyimom nye ci mane ka?52cin kar cinen ki, “mo keneu moki no Galili ka? do na to nii tomange kwama kange bou bo wi Galili.53la nubo curangi lo ci.