MAAKO1
1Aaya nga Makani Mabotu aa Jesu Kilisitu Mwanaa Leza.2Akatalika mboonyina mbuli mbwakalemba musinsimi Izaya kuteeti,“Leza wakaambila Mwanaa Mesiya kuteeti, ndiyootuma mutumwa wangu kunembo lyako kuyoobamba nzila motizooinde.3Kuli woongolola munkanda kuteeti,‘Amubambile limwi mugwagwa wo Mwami,amululamike nzila yakwe!’”4Aaya majwi akazuzikizigwa Joni naakalibonya musaka, kakambooka okubbabbatizya bantu okubaambila kuteetii, “Amusanduke, mweempe okubbabbatizigwa mpoonyina Leza ulamujatila zibi zyenu.”5Bantu banji bazwa mucooko ca Judiya omutaindi lya Jelusalemu bakainka kuyoomvwa Joni. Bakalyaambilila zibi zyabo mpoonyina wakababbabbatizya mumulonga wa Jolodani.6Joni walikuzwaata zizwato zyakapangwa oboya bwe nkamela, okulyaanga lukanda lwecitobo mucikungu cakwe. Walikulya mpaso obuci.7Wakaambilizya kubantu kuteeti, “Kuluuza musule lyangu uleenguzu loko kwiinda ndime cokuteeti tandeeleli kukotama okumwaangununa zinyantela zyakwe.8Ndimubbabbatizya amaanzi, kono we uzomubbabbatizya o Muuya Uusalala.”9Muciindi eeco, Jesu wakasika kuzwa kutaindi lya Nazaleta lili mucooko ca Galileya, mpoonyina wakabbabbatizigwa o Joni mumulonga wa Jolodani.10Mbwakazwida feela mumaanzi Jesu, wakabona julu kalijuka o Muuya kuumuselukila mbuli nziba.11Mpoonyina kwakamvwika jwi kuzwa kujulu kaliteeti, “Uli Mwanaangu ngondiyandisisya, mulindiwe mondibotelwa loko.”12Mpoonyinaawo wakasolwedwa o Muuya Uusalala kwiinka musaka.13Wakakala mazuba aali makumi one, kaalimukusunkwa o Satani. Mwalaabanyama mwateni, mpoonyina bangelo bakeza kuzoomugwasya.14Kuzwa Joni Mubbabbatizi naakabikwa muntolongo, Jesu wakainka ku Galileya okuyookambooka Makani Mabotu aa Leza.15Wakateeti, “Amweempe, musyome Makani Mabotu, kaambo nako yeelede yasika o Bwami bwa Leza bwaswena afwiifwi.”16Bumwi buzuba Jesu naalikuyoobweenda ankomwe yo lwizi lwa Galileya, wakabona bazubi bobile, Saimoni omuzyalwanyina Andulu, kabazuba nswi otunyandi.17Jesu wakateeti kulibo, “Amundicilile! Ndimwiisye kuba bazubi babantu.”18Mpoonyinaawo bakasiya tunyandi twabo okumucilila.19Wakeenda feela aniini mpoonyina wakabona Jemusi omuzyalwanyina Joni, bana ba Zebbediya, kabasuma-suma tunyandi twabo mumugolo.20Mpoonya-mpoonya wakabaita, mpoonyina bakasiya baisi ababelesi mumugolo okwiinka anguwe.21Jesu abasikwiiya bakwe bakainka kutaindi lya Kapenaumu. Mpoonyina Nsabata yakacilila wakainka kucikombelo okutalika kwiisya.22Bantu bakamvwa mbwali kwiisya bakakomokwa loko kaambo taalikwiisya mbuli bamayi bo Mulawo, we walikwiisya enguzu zya Leza.23Mpoonyinaawo mucikombelo kwali mwaalumi waloomuuya mubi, wakatalika koongolola kuteeti,24“Ino uyandanzi kulindiswe, Jesu woku Nazaleta? Wazotusinya na? Ndilikuzi, ndiwe uusalala wa Leza.”25Jesu wakalailila muuya mubi kuteeti, “Umuna! Zwa mumwaalumi ooyu!”26Mpoonyina muuya mubi wakamusuntusya kaukwiila loko, okuzwa mulinguwe.27Bantu boonse bakakomokwa mane bakatalika kubuzyanya kuteeti, “Ino eezi zeziitwa buti? Na ooku kokwiisya kupya kwenguzu? Ooyu mwaalumi ulalailila emyuuya mibi kuteeti izwe, mpoonyina ilamumvwida.”28Mpoonyina mpuwo ya Jesu yakasabalangana cokufwambaana mucooko coonse ca Galileya.29Kuzwaawo Jesu o Jemusi o Joni abasikwiiya bamwi, nibakazwa ku cikombelo bakainka kungʼanda ya Andulu o Saimoni.30Banyinazyala Saimoni balilede kaambo kokuciswa kupya mubili. Jesu ucisika feela bakamwaambila.31Mpoonyina Jesu wakainka okuyoobajata kujanza okubagwasya kunyamuka. Bakapona, mpoonyina bakayumbula Jesu abasikwiiya bakwe cokulya.32Nilyakabbila zuba, bantu boonse balikuciswa abalaamadimona bakeetwa kuli Jesu.33Bantu boonse bomutaindi bakabungana amulyango we ngʼanda.34Jesu wakaponya bantu banji balikuciswa malwazi asiyene-siyene, okutanda madimona manji. Taakwe naakaazumizya kwaamboola kaambo alimwizi.35Kubucedo, Jesu wakabuka okuzwa angʼanda okwiinka kucibaka cuumwine kwaakakukomba.36Mpoonyina Saimoni ambaakalaabo bakainka kuyoomulangoola.37Nibakamujana bakamwaambila kuteeti, “Bantu boonse bafwa kukulangoola.”38Mpoonyina Jesu wakateeti, “Tweelede kwiinka kumiinzi ilaafwiifwi, kuteegwa ndikabakambookele abo, kaambo eeci cindakazida kucita.”39Mpoonyina wakeenda Galileya yoonse kayoobukambooka muzikombelo zyabo okutanda madimona.40Umwi mwaalumi walikuciswa cinsenda wakainka kuli Jesu okuyoomufugamina. Mpoonyina wakamukumbila kuteeti amugwasye. Wakateeti, “Na ulayanda inga wandiponya.”41Jesu wakamumvwida mangʼeke loko, wakatandabika janza lyakwe okumuguma. Mpoonyina wakateeti, “Ndilayanda. Kopona!”42Mpoonyinaawo cinsenda cakamana, ooyu mwaalumi wakapona.43Mpoonyina Jesu wakamwaambilisisya loko kuteeti, “Mvwa! Utaambili muntu naanga omwi zyacitika. Kono koya kumupaizi, ukalitondezye, ukape cituuzyo mbuli mbwaakalailila Mozesi kuteegwa bantu bazibe kuteeti wapona.” Mpoonyinaawo wakamuleka kuteeti ainke.45Kono we nakainka wakaamboola loko alizyokupona kwakwe. Wakaambila bantu banji cokuteeti Jesu taakacili kukonzya okunjila mutaindi caantangalala. Wakali kukala kucibaka cuumwine, kono bantu bazwa mumasena aasiyene-siyene bakeza kulinguwe.
The Seed Company