Mark9
1พระองค์ปะตืยกับเปิ้มวา เจ้าเออะกฮปะจักแ่มีทังดอวา อิจุฮมีอิย๊องอยุ่ลี แอลางกนอิยังอ็อฮฮุฮรสกฮกะเจิด จนกวั่วยะอะนะแผ่นอะตักคองพระเจ้าวืนด้วยฤทธานุภาพ2แค๊นล่วงตีตินหกมื้อละพระเยซูตินปาเปโตร ยากอบและยอห์นกึฮภูเขาอิโยนซอด โตคองพระองค์กะเปลี่ยนตี3อ๊าวอะซอบคองพระองค์กะฮ๊าวแล็ฮยิบยิบ4แล่วเอลียาห์กับโมเสสกะวืนปากฏกับจุฮแล๊งเหล่าละ และเฝ้าปะตืยเออะกับพระเยซู5ฝ่ายเปโตรปะตืยพระเยซูวา อัญญา เจ้าอยุอิลีกะดี อุนจฮข้าน้อยยะแมตูบฮานหลัง ยะแต็ชพระองค์หลังมัด ยะแต็ชโมเสสหลังมัด ยะแต็ชเอลียาห์หลังมัด6อิเปโตรเออะอย่างละ ญอนเปิมอ็อฮฮุฮยะเออะจังยือญอนเปิ้มสะเลิ้น7แล่วมีเวี๊ยะมาคุ๊มเปิ้มอุน มีพระสุรเสียงลุฮวืนลอญเวี๊ยะละวา ทานผุลีแล็ฮกอนอิเจ้าแปงจังเชื่ออะปัง8ทันใดละ ปอแล๊งแนมเบิ่งตะคะลึกกะอ็อฮอะนะนืย อะนะแต่พระเยซุอยุกับเปิ้ม9ปอเลิงวืนลอญภูเขา พระองค์เออะห้ามจุฮแล๊ง อ็อฮอุนปะตืยสิ่งอิอะนะกับนืย จนกวั่วกอนมนุษย์ยะแล็ฮกึฮวืนลอญกฮกะเจิด10เลืองละจุฮแล๊งกะเก็บงำอุน แต่กะเออะจักวา อิปะตืยวายะแล็ฮกึฮวืนลอญกฮกะเจิดละ ยะวาจังยือ11เปิ้มจังปะตืยพระองค์วา แมอะยือจุฮธรรมาจารย์จงวาเอลียาห์ยะแต็ฮวืนก่อน12พระองค์ปะตืยเออะเปิ้มวา เอลียาห์แต็ฮวืนก่อนแล็ฮปะจักและยะแมอุนสิ่งทังปวงคืนบอนเก่า แอกฮตะกึตอุนกอนมนุษย์วาจังยือ พระองค์ยะแต็ฮทนทุกข์ดอประการ และกนยะญ๋ามพระองค์ถิ่มพระองค์13แต่เจ้าเออะแกมีทังดอวา เอลียาห์ละตินวืนแล่ และเปิ้มยะแมแ่ทานจังยือ เปิ้มกะตินยะแมแล่วตึดอิแอกฮตะกึตเออะอุนฮฮดทาน14ปอพระองค์ตินเสด็จวืนอิจุฮแล๊ง กะอะนะปะเกอแล็ฮจำนวนวดออยู่ตะคะลึกเปิ้มและจุฮธรรมาจารย์กำลังส๊อเปื้มอยู่15อิตันใดละ ปอปะเกออะนะพระองค์กะทะลืยญีม จังแซกลอบวืนเคารพพระองค์16พระองค์จังปะตืยเออะกับเปิ้มวา มีซักไซ้ไล่เลียงกับเปิ้มญอนเลืองอันยือ17มีมัดญักอิหมู่ปะเกอปะตืยเออะพระองค์วา อัญญาเจ้าข้า ข้าน้อยตินปากอนกุนจงคองข้าน้อยวืนหาทานญ้อนขะมากืกเข้าสิง18แด๊กยะอยุ่อิละ ขะมานะกะยะแมอุนล้มชัก น่ำนายฟูมง๊าง แล้วยะแมอุนโตแข็ง ข้าน้อยอุนลื๊อจุฮแล๊งคองทานปั๋วแต่เปิ้มม๊างขะมาแต่เปิ้มอิแมอ็อฮติน19พระองค์จังปะตืยแก่กนละวา กนอิยุคอิติกกฮเซื่อ เจ้ายะแต็ฮอยู่กับมีนานเท่ายือ เจ้ายะอดทนญอนมีตีฮฮดยือ จังปาแด๊กละวินหาเจ้าเถ๊าะ20เปิ้มกะปาแด๊กละวืนหาพระองค์ ปออะนะพระองค์แล่ว ขะมาละจังอิแมอุนเปิ้มซัก ล้มเลิงเกือกอิอะตักน่ำนายฟูมง๊าง21พระองค์จังปะตืยอองละวา แล็ฮจังลีวืนนานเท่ายือ อองเออะวา ตั้งแต่แล็ฮแด๊กอี๊ดอี๊ด22และขะมาละกะแมอุนแด๊กตกอิไฟ อิด๊าก ยะเจิดอุนกะเจิด แต่ถ่าทานซ้อยอุน ลื๊อทานโปรดอะฮ๊ายเถ๊าะ23พระเยซูจังปะตืยแกอองละวา ถ่าซ้อยอุนละยือ นืยเซื่อกะอิแมอุนตินซุสิ่ง24อองคองแด๊กละกะอะแต๊นเออะวา ข้าน้อยเซื่อ อิข้าน้อยอันติกกฮเซื่อละลื๊อซ้อยอุนเซ์่อด้วย25ปอพระเยซุอะนะปะเกอกะลังอะแซกลอญวืน พระองค์จังปะตืยเออะขะมาละวา อ้ายขะมากืกลู่หนวก เจ้าสั่งมีอุนลุฮลอญเปิ้ม อย่าตินลอบเข้าสิงเปิ้มอีกเลย26ขะมาละจังอะแต๊นอื้ออึงอิแมอุนแด๊กละซักแล็ฮอันดอ แล้วกะลุฮวืน แด๊กละกะนั๊มเดยเดยคือจักกนกะเจิต กนอิอยุละเออะวา เปิ้มเจิดแล่ว27แต่พระเยซุจับชีพยุงแด๊กละ แด๊กละกะย๊องกึฮ28ปอพระองค์เสด็จลอบตีกะเวินแล่ว จุฮแล๊งวืนปะตืยพระองค์แล็ฮส่วนโตวา แมจังยือจุฮข้าน้อยจังม๊างขะมาละลุฮอ็อฮติน29พระองค์ปะตืยกับเปิ้มวา ขะมาจังลียะม๊างอุนลุฮอ็อฮติน เว้นแต่กฮอธิษฐานเท่าละ30พระองคืกับจุฮแล๊งจังลุฮตีลอญอิละ อะญ้างตีอิแคว้นกาลิลีแต่พระองค์อ็อฮประสงค์ยะอุนนืยฮุฮ31ญอนวาตอนลีพระองค์ปะตืยสอนแล๊งคองพระองค์วา กอนมนุษย์ยะแต็ฮจุฮอายัดอุนอิชีคองกน และเปิ้มยะกะเจิดทั่งทานปอกะเจิดแล่วมื้ออิปาทานยะแล็ฮกึฮมาเหม๊อ32แต่กฮลีจุฮแล๊งอ็อฮลอญญีม แค๊นยะปะตืยเออะพระองค์กะเกรงญีม33พระองค์จังเสด็จวืนอิเมืองคาเปอนาอูมปอลอญตีอิกะเวินแล่ว พระองค์ปะตืยจุฮแลงวา ปอญ้างนำดางละมีทังดอตินโต้แย้งจักด้วยกฮอันเดอ34จุฮแล๊งกะนิ่งเดยเดย ญอนเปิ้มเถียงจักเลืองนืยยะแล็ฮโดร35พระเยซูตินจงลิงแล่วเอิ๊นแล้งสิบฮานกนละวืนปะตืยแก่เปิ้มวา ถ่านืยเดอยะตินแล็ฮกนกิญ กะอุนนืยละแล็ฮกนสุดท้ายและแล็ฮกนรับใช้คองกนทั่งดอ36พระองค์จังเอากนอี๊ดอี๊ดกนมัดวืน อุนย๊องอยุกลางจุฮแล๊งแล้วอะตองกนละ ปะตืยแก่จุฮแล๊งวา37ถ่านืยเดอยะฮับกนอี๊ดเช่นลีกนมัดอินามคองเจ้า นืยละกะฮับเจ้า นืยเดออุนฮับเจ้า นืยละกะฮับพระองค์ผู้อิใช้เจ้าวืน38ยอห์นจังปะตืยพระองค์วา อัญญาเจ้าข้า จุฮข้าน้อยตินอะนะกนมัดม๊างขะมาลุฮโดยนามคองพระองค์ และจุฮข้าน้อยตินห้ามเปิ้มญอนวาเปิ้มฮ็อฮตินตึดเจ้าวืน39พระเยซุจังปะ๖ืยวา อย่าห้ามเปิ้มเลยญอนวาอ็อฮแอนืยเดอยะแมมหกิจอินามคองเจ้า แล่วยะลอบวืนญ๋ามเจ้า40ญอนวานืยเดออ็อฮแล็ฮฝ่ายศัตรูวืนศึกเจ้า นืยละกะแล็ฮฝ่ายเจ้า41ญอนเจ้าเออะกฮปะจักแกทานวา นืยเดอเอาโถ๊ยน่ำโถ๊ยมัดอุนจุฮทานอัน ญอนทานทังดอแล็ฮฝ่ายพระคริสต์ นืยละยะติกบำเหน็จกะอ็อฮติน42แต่นืยเดอยะแมนืยอิ๊ดอิ๊ดเหล่าลีมัดญักอิวางญีมอิเจ้าอุนหลงผืด ถ่าเอาก้อนอิฮก้อนโดรผูกคอนืยละถ่วงเสียอิด๊ากทะเลกะดีกวํ่ว43ถ่าชิคองทานอิแมอุนหลงผิด อุนแต็ชถิ่มเสีย อิยะลอญอิซีวิตญอนชีด้วน อิดีกวั่วมีฮานชีและแต็ฮจุฮถิ่มอินาร๊อกอิไฟอิอ็อฮฮุฮดับ44และ45ถ่าจีงคองมีอิแมอุนหลงผิด จังแต็ชถิ่ม ซึ่งยะลอญอิซีวิตญอนจีงด้วนยะดีกวั่วแอจีงฮานจีงและแต็ชจุฮถิ่มอินาร๊อก4647ถ่าตาคองมีอิแมอุนหลงผิด จังควัดลูฮถิ่มเสีย อิยะลอญอิแผ่นอะตักคองพระเจ้าญอนตาข้างเดียวยะดีกวั่วมีฮานตาและแต็ชจุฮถิ่มอินาร๊อก48อิทิละโตหนอนกะอ็อฮเจิดและไฟกะอ็อฮดับเลย49ญอนวากนทังปวงยะแต็ชจุฮเคล้าด้วยเกลือแล้วโซ๊ยด้วยไฟ50เกลือแล็ฮคองดีแต่ถ่าเกลือหมึดกฮเค้ม ยะแมอุนลอบเค็มอุนจังยือ มีทังดอจังแอเกลืออิโตและอุนอยุสงบสามัคคีจัก
Empower Asia Bible Translation Movement