Meng Klo7
1Aw mang chama, en dow phanaikhawk krua lahawm lai kowbow!en kowh thung dow rut tua chapma mih maru thawpah mih kuh uanh iawng chekhai.2En kowh daikhu dow alumma mih bia iawng chekhai,nami bia kowi dow grep tui atungma uowi reng chekhai.En kowh mu dow püm chun iawng chekhai,nami chun kowi dow lili pau tapat lut chekhai.3En kowh downgprang chak dow lainowmma klangiung khai.Nami dow ngahiu chah phir taw mih iawng chekhai.4En kowh ngawng dow ngasai sa hown kowh thawpah mih kimkrowng iawng klangiungma chekhai,en kowh mik dow Bat-Rabim tapplawt re-e kowh Hesbawn marow kowi kowh kanh iawng klangiungma chekhai.En kowh nakawng dow Damaska marow prakowi dang mih kimkrowng iawng chekhai.Nami dow Lebanawn hungh kowi kowh chü lowlow mih kimkrowng iawng aklangma chekhai.5En kowh lu dow Karmel hungh iawng klangiungma chekhai;en kowh sam dow mintau pau rawng uan iawng tawk pliplip chekhai,en kowh sam sui kowi dow mang kowh mik taia khai.6Aw ang kowh malauüa, en dow ang kowh piawra chekhai,en dow lainowmma klangiung khai.7En dow chekmarawng singh iawng akroma chekhai,en kowh downgprang chak dow grep uih pre pawt mih iawng chekhai.8Ang tek mih, “Chekmarawng singh kowi ang naklaw kown,now aia kowh uih dow ang nadowk kown,” pakhai.En kowh downgprang chak dow grep pawt iawng pacham phaw lah,en kowh sak hü nam dow apel uih nam iawng pacham phaw lah.9Now en kowh nawr dow lang iung mih grep tui iawng pacham phaw lah.Malauüa kowh laiklow:En nam ang mih dow grep tui lang iung mih iawng pacham chowng lah,nami dow ang kowh ve hai iüng kowi pacham taplik lah.10Ang kowh klanguüa dow ang kowh chekhai,aia kowh naura dow ang vüi chekhai.11Aw ang kowh klanguüa, chu, dowm kowi achi cham kowi lah,now chapan pau dawng kowi achi kowiak lah.12Chu, mur pah grep krum kowi achi kowkowi diah sik;grep ruih kowi pau chen khowk chünchü mih achi kowmü diah sik.Nami grep ruih kowi pau thar khowk chünchü mih achi kowmü diah sik,now dalim singh kowi pau awr pau khowk chünchü mih achi kowmü diah sik.Tawngplawng kowchow panow nakowi dow ang kowh sakraura ang nape en kown.13Chah kak uih nam dow krawi tauet khai;a-ai hai amin aiung aiungma mih uih maten dow achi kimplawt re-e uowi chekhai.Aw ang kowh klanguüa, naiawngün dow en vüi kowi kowh ang tow en mih chekhai.
The Seed Company