Läs Waiata a Horomona 5

Waiata a Horomona5

¹Kua tae mai ahau ki tāku kāri, e tōku tuahine, e tōku hoa;kua oti tāku maira me tāku kīnaki kakara te kohi,kua kainga e ahau tāku honikoma me tāku honi;kua inumia e ahau tāku wāina me tāku waiū.Ngā HoaE kai, e ōku hoa; e inu,inā, kia nui te inu, e tāku e aroha nei.

He Moemoeā anō

²I te moe ahau, ko tōku ngākau ia i te oho.Ko te reo tēnei o tāku e aroha nei e pātuki ana,e mea ana, “Te tatau ki ahau, e tōku tuahine, e tōku hoa,e tāku kūkupa, e tāku mea pokekore;kī tonu hoki tōku māhunga i te tōmairangi,ōku makawe anō hoki i ngā kōpata o te pō.”³Kua oti tōku koti te unu e ahau;me pēhea e kākahuria ai anō?Kua oti ōku waewae te horoi;kia whakaparua anō koia e ahau?⁴I kuhua mai tōna ringa e tāku e aroha nei i te kōhao o te tatau,ā, oho ana tōku manawa mōna.⁵I ara atu ahau ki te uaki i te tatau ki tāku i aroha ai;māturuturu ana te maira i ōku ringa,te maira waiwai i ōku maihaoki ngā puritanga o te tūtaki.⁶Uakina ana e ahau ki tāku i aroha ai;heoi kua maunu atu tāku i aroha ai, ā, kua riro.Tōku wairua riro pū i tāna kupu.I rapu ahau i a ia, heoi kīhai i kitea;i karangatia atu ia e ahau, kīhai anō ia i whakahoki kupu mai.⁷I tūtaki ki ahau ngā kaitiaki e kōpikopiko nei i te pā;patua ana ahau e rātou, mamae ana ahau i a rātou;tangohia ana tōku hīpoki i ahaue ngā kaitiaki o ngā taiepa.⁸He kī atu tēnei nāku ki a koutou, e ngā tamāhine o Hiruhārama,ki te tūtaki koutou ki tāku e aroha nei,kī atu ki a ia:“E mate ana ahau i te aroha.”

Te Whakawhiti Kōrero a ngā Hoa me te Wahine Mārena

⁹E te wahine ātaahua rawa o ngā wāhine,he aha te nuinga ake o tāu i aroha ai i tētahi atu e arohaina ana?He aha te nuinga ake o tāu i aroha ai i tētahi atu e arohaina ana,i pēnā ai tāu kī mai ki a mātou?¹⁰He mā tāku i aroha ai, he kiri wherowhero,ko te mea nui rawa o ngā mano kotahi tekau.¹¹Ko tōna māhunga kei te tino kōura, he mea parakore,ko ōna makawe he māwhatu,ā, mangu tonu, ānō he raweni.¹²Ko ōna kanohi kei o ngā kūkupai te taha o ngā awa wai,he mea horoi ki te waiū,pai rawa te whakanoho.¹³Ko ōna pāpāringa, ānō he tupuranga kīnaki kakara,ānō he rārangi tarutaru reka.Ko ōna ngutu, me te mea he rengarengae whakamāturu iho ana i te wai maira.¹⁴Ko ōna ringa, ānō he mōwhiti kōurai whakanohoia he perira ki roto.Ko tōna tinana, kei te rei pai rawa,he mea whakakikorua ki te hāpira.¹⁵Ko ōna waewae, rite tonu ki te pou mapere,he mea whakatū ki ngā tūranga kōura pai rawa.Ko tōna āhua koia anō kei Repanōna,me te hīta te tino pai rawa.¹⁶Ko tōna māngai he tino reka;āe rā, he āhuareka katoa ia.Ko tāku tēnei i aroha ai, ko tōku hoa anō tēnei,e ngā tamāhine o Hiruhārama.