1 Corinthians9
1Aku kah bâân rathaai alua? Aku eh rau nek mưi sưưq-đô alua? Aku kah glêh lum Chuôq Jê-su, Chuôq nôôq he alua? Kah alua adhi anó nek tarnêêng ưng aku kalóóng Chuôq alua?2Dhơ aku eh rau nek sưưq-đô nek palơq manưih lââng, bơơi bhơt m'bưưiq aku nek sưưq-đô nek palơq adhi anó. Ơi adhi anó nek karnal leq tarnêêng têêng sưưq-đô ưng aku kalóóng Chuôq.3Paraaq ââi paq ưng aku nek palơq nôôq manưih tamóh aku nek nô kơi:4Ve kơq nôôq yi kah ve chóóm cha lơq ơm?5Ve kơq nôôq yi kah ve chóóm ting đââng mưi manưih kađiêl huuiq Chuôq, kung kơi nôôq sưưq-đô lââng palơq nôôq manưih adhi padruuih ưng Chuôq lơq Sê-pha?6Môôiq chapiên mưi Ba-na-ba lơq aku kah ve chóóm kah têêng tarnêêng?7Ngaai vôôiq linh palơq chaner đong ađêi mơ? Ngaai choh bhươn nho hơq kah cha pale ađó? Môôiq ngaai ban bhanan hơq kah ơm đơơk toh ưng bhanan?8Eh rau aku xók praaq nôôq rau ađô ting kơi manưih đơơi alua? Môôiq gani kung kah praaq nôôq rau achêk?9Ơi ve paraaq xaraq kalóóng gani Môôi-se: “Óóq xróp xaróp leq buum akóón karók xók đâq aviq.” Ve kơq Yaang Pleng gamang đóng akóón karók?10Môôiq Ađó praaq pabhơt taai malơơi ưng nôôq he? Alua, paraaq bâân xaraq taai malơơi ưng nôôq he, kơi manưih têêng hare phaai têêng kalóóng lóóm rââm, lơq manưih đâq aviq nek têêng kalóóng rau rââm đương leq phơn blah đóng ađêi.11La nôôq yi ơi chóói nôôq rau đuui Chuôq m'pơng kalóóng adhi anó, nek ve kuôq lalơh kah la nôôq yi e xóót leh nôôq rau manưih ti tââq adhi anó?12La nôôq manưih lââng ve phơn leq kataai ađek dhiq adhi anó, nek eh alua nôôq yi dhaang bơk lơh! Dhơ kơi ađek, nôôq yi kah kapươk kataai ađôk. Klóóih leq ađek, nôôq yi đơơp jruôn dyóp rau buôn nôôq yi yươq đââng tơk dhơ dharau n'đó garóóng chađơl đóng Taruuih Liêm ưng Chuôq Paq Manưih.13Adhi anó kah n'nal kơi nôôq ngaai têêng yaauq kalóóng đong bhanuôih nek cha nôôq rau mađó đong bhanuôih, nôôq manưih têêng yaauq dhiq baang bhanuôih nek ve phơn dhiq baang bhanuôih, môôiq alua?14Kung mưi kơi ađek, Chuôq ơi truuih pachóóm kơi nôôq manưih truuih đuui Taruuih Liêm nek mamông đươi Taruuih Liêm.15Bơơi aku kah kapươk bhơt dhơ dhađó rau kalóóng nôôq kataai ađek. Mat lââng, aku kah xaraq nôôq paraaq ađô buôn kataai achêk bâân tapâng đóng ađêi kơi achêk, taai nek palơq aku, n'jang chêt dyơq lơh nek bhơt dhơ dhangaai e têêng đóng rau tarhơơnh ưng aku vaaih hư bil.16Ơi la aku truuih đuui Taruuih Liêm, nek kah ve rau đóng aku buôn tarhơơnh, taai têêng paxong phơn bâân lơơi patơơt dhiq aku. Ơi alua nek ayô xarngaat đóng aku la aku kah truuih đuui Taruuih Liêm!17La aku ravang lóóm têêng tarnêêng achêk, nek aku bâân kaliim haanh. Hayơq la kah ravang lóóm, nek aku ơi đơơp pajaau tarnêêng têêng ơi jư lêi đong.18Kơi achêk, kaliim haanh ưng aku nek hau? Ađek nek xók truuih đuui Taruuih Liêm kah pei jêên, aku ve chóóm truuih đuui Taruuih Liêm ng'kơi đóng óóq n'dróh kataai ưng ađêi kalóóng Taruuih Liêm.19Ơi dhơ bâân rathaai tââq dyóp rau, aku ơi đóng ađêi kala têêng dhơn ratơơq đóng dyóp ngaai, buôn aku ve chóóm đuôh praaq bơk ngaai lơh.20Nek palơq manưih Jo Thaaiq, aku val xar kơi manưih Jo Thaaiq, buôn aku ve chóóm đuôh praaq manưih Jo Thaaiq. Nek palơq nôôq ngaai tơơt raal gani, aku val xar kơi tơơt raal gani, dhơ aku kala kah tơơt raal gani, buôn aku ve chóóm đuôh praaq nôôq ngaai tơơt raal gani.21Nek palơq nôôq manưih kah ve gani, aku val xar kơi manưih kah ve gani (dhơ eh rau nek kah ve gani ưng Yaang Pleng, bơơi nek tơơt raal gani ưng Chuôq Paq Manưih), buôn aku ve chóóm đuôh praaq nôôq manưih kah ve gani.22Nek palơq nôôq manưih dhur lóóm, aku val xar kơi dhur lóóm, buôn aku ve chóóm đuôh praaq nôôq manưih dhur lóóm. Aku ơi val xar dyóp kơi nek palơq dyóp ngaai, hơq đóng aku ve chóóm palơq dyóp kơi bâân paq masôôq manưih.23Mat lââng, aku têêng dyóp tarnêêng ơi taai Taruuih Liêm, buôn aku ve chóóm val xar manưih pâng phơn kalóóng ađek.24Adhi anó kah n'nal kơi tabhơt nôôq manưih mut kalóóng pajươi mut maar mut, bơơi chapiên mưi chanak đơơp kaliim haanh alua? Phaai mut ting kơi ađek buôn adhi anó ve chóóm jươi bâân kaliim haanh.25Mat lââng, dyóp ngaai tarjeng pajươi kalóóng nôôq ganơt pađươk nek pakeen pakala achak kalóóng dyóp tarnêêng. Dhơ piđó đơơp kơi achêk buôn piđó ve chóóm đơơp panơơng pơơng đâh hư jir, bơơi nôôq he nek panơơng pơơng yươq hư jir.26Kơi achêk hayơq, aku mut kơi achêk, eh rau kơi kah ve machak maraang; aku tachuh tatơm kơi achêk, eh rau kơi chuh adhiiq.27Palâh lóóiq, aku pa-eep achak araang ađêi lơq phaai xâng ađó, e vaaih palơq kơi kiq ađek, xong xók truuih pachóóm bơk manưih lââng, chênh ađêi kala ve nh'jau bâân talơơi.
FAR EAST BROADCASTING COMPANY