1 PETELO4
Ngikeno giya
1Kibalo Kilisitu ûsûswêlwe mumubêlê, benywe nobo mwibayenene mutambe monka mugalya maninga gage; kibalo wakûsûka mumubêlê wawa kûlekenkana no bûbê,2kyaba kyenyu kisigele kya kwekana ano akandje, namukagililili kwêkana mu ntêma gya kimuntû, nambo mukiswa mutêma kya Kabesha Mpûngû.3Kyaba kya kala, muitishe kyaba kyenyu kiinge kûlonga bilya bashantaila bya bale mukulonga. Mwagikana ngikeno gya bûseki, ntêma, bûkolwa, ndêlo gibê, lûgosi no kûntota mikisi.4Onkao bashantaila bagalankana lwabalê mukûmona hamwi mubûmo nabo byonka mungikeno gibê, no nansho bakwimitûka.5Mone kibayenene kwabo kwêsahûla mbelê gya Kabesha Mpûngû, wêko ndjambûla kwêbaa bûkalabale bepoo no bakile.6Ûkibalo musahû gûsoga gûsawêlwe no kwabalia bakile, bakalêlwe nsambû kûlondana no byabalongile nagwe bantû bonse, mone kwaano kwêtêla Mutêma Gûlûmbûlûke bebwêkana mu ngikeno gya Kabesha Mpûngû.Baempi ba soga ba kyabûntû kya Kabesha Mpûngû
7Nfulo gya bintû byonse gyashena. Mube no lweni no mukelwe mukûlomba.8Mbelê gya byonse, mwikampenwe benywe beene kwa beene, kibalo bûkampwe bwa kûhûta bûbê bonse.9Mukûnkane benywe kwa benywe akûba no mitompo.10Gûmo wenyu, muyenene kwêngêla kya bûntû kyaelwe no Kabesha Mpûngû kwa katolwa ka baange, nagwe bemeni basoga ba kyabûntû halahala kya Kabesha Mpûngû.11Gûlya wakûsahûla, asahûle mwanda gwa Kabesha Mpûngû; gûlya wakûkwasha muyenene kûkwasha kwa bûkome bwelê muebwe no Kabesha Mpûngû, nansino Kabesha Mpûngû antûmbekwe mû mianda gyonse kwêtêla ndjela gya Yesû Kilistu muyenene ntûmbo no bûkome miaka no miaka! Amina.Kûdjemba kikilisitu.
12Balûnda nane, namukegalagania kibalo kya bitompanwa bikole bya mwakûmona, gagwe nansilya kintû kiya kyalimiikela.13Nambo mulogelelwe kwana mwimubûmo bwa mudjembo gwa Kilisitu, mwanda munyonghone kûba no mulogo kyaba ntûmbo gyage agilê kahûtûlwa.14Lyese lyenyu, kyaba kyabalê kemitûka kibalo kya sina lya Kilisitu, kibalo mutêma gwa ntûmbo, mutêma gwa Kabesha Mpûngû, gwê egûlû lyenyu.15Nakûkabi muntû gegense mubûkata bwenyu wakûdjemba kibalo ni ngyagani, ngibi, ngonono ao wakwêtwesha mu mianda gya bantû.16Mone ntê muntû gee kusûsûka kibalo Mukilisitu, nfulo nekamoni nsoni, nambo amutûmbêke Kabesha Mpûngû, kwa sina lilya.17Kyaba kyashena, bûbo bûkalabale bwabambêla kûbantû ba Kabesha Mpûngû. Kyokûba bûkalabale bûbo, bwabambêla kwetû betwe, nfulogyage kyakaba muswelo kêê kûbalya basi betabêshe mwanda gûsoga gwa Kabesha Mpûngû?18Monka mwalûlê lwêsambêle lusinto lûlûmbûlûke:“Kyokûba lûûma kûbantû mulûmbûlûke kwandibwa;Kyakaba ntê, nfulo, kûbasibetabêshe Kabesha Mpûngû no beno bûbê?”19Kwa nansho balya bakûdjemba, kûlondana no kiswa mutêma kya Kabesha Mpûngû, bagêlêlêle kûlonga bisoga no bebêke mu maboko ga muhangi wabo gee mulûmbûlûke no wasitêê.The Word for the World International