Ọbọsuru27
Isañ Uka Rom
1Ke ema ekebiere ete ñnyin inyene ndisio ñka Itali, mmọ ema eyak Pọl ye mme mbon ñkpọkọbi efen esin Juliọs ke ubọk, akwa owo ekọñ kiet ke iduọk udim ekọñ Rom emi ekekotde “Iduọk udim andikara ofuri Rom”2Ñnyin ima iduk nsuñikañ emi ekebeñede idem ndika Esia ndien ima isio. Aristakọs owo Masidonia emi otode Tesalonika ama asaña ye ñnyin.3Ke udiana usen ñnyin ima ikebehe ke Sidọn. Juliọs ama ọfọn ido ye Pọl ndien amayak enye ọdọk obot ekese mme ufan esie, man mmọ ekeme ndinọ enye se enye akananade.4Ñnyin ima idiañade mi iwat iwọrọ ibine ñkañ Saiprọs sia ofum ọkọwọrọde ọbọiso ikefọnke ye ñnyin.5Ñnyin ima ibe inyañ ikpọñ Silisia ye Bamfilia, ndien ima ikebehe ke Mira emi odude ke Lisia.6Do ke akwa owo ekọñ okokut nsuñikañ emi okotode Aleksandra emi okoyomde ndika Itali, ndien enye ama esin ñnyin ke esit esie.7Ñnyin ima iwat suñsuñ ke ediwak usen, ndien ekedi ke ata ọkpọsọñ ke ñnyin ikekebehe ikpere obio Nidọs. Ofum ikenyimeke ñnyin iwat ika aba iso ke ñkañ oro, do ñnyin ima isuk ika ñkañ obio ufọt mmọñ Kret emi ikodomode esit imana iwat ibe ebiet emi ekekotde Kep Salmone.8Ñnyin ima iwat ikpere mben, ke ata ọkpọsọñ ima ikesim ebiet emi ekotde Esuk Mbehe Ifure, emi mikoyomke usuñ ikpọñ obio Lasi.9Ñnyin ima ibiat anyan ini do, ndien inyañ ama ọdiọk nte ñnyin mikemeke ndika iso ke uwat, koro ke utọ ini ntem usen uwa usio isop ama ebebe. Do Pọl ama oduri mmọ utọñ ete.10“Irenowo, ami mmokut nte uwat ñnyin ọtọñọde ke emi ka iso eyediọk eti eti. Unọmọ eyesim nsuñikañ ye mbiomo emi enye obiomde, uwem owo ñko eyetak.”11Edi akwa owo ekọñ emi ikekpañke utọñ inọ se Pọl eketiñde edi eketiene se andiwat nsuñikañ ye se enyene nsuñikañ eketiñde.12Esuk mbehe emi ikedighe eti itie emi ekemede ndidiana ke esit tutu ini ọkpọsọñ etuep ebe, do ediwak owo ema enyime ete yak nsuñikañ osio onyuñ añwana ndisim Fonis, edieke ekemede. Esuk mbehe enyemi ododu ke Kret emi ekesede usuk usuk ye edere edere, ndien ekeme ndidiana do tutu ini ọkpọsọñ etuep ebe.13Suñsuñ ofum ama ọwọrọ oto usuk ndien mmọ ema ekere ete ke mmimọ imekeme ndinam uduak mmimọ osu, do mmọ ema ekot ñkpọkọbi esin esio uwat enyuñ ewat nte ekekeme ekpere mben isọñ Kret.14Edi ikebighike, ọkpọsọñ ofum, enyemi ekotde “Ofum edere usiahautin” ama omum mmọñ.15Ofum emi ama omum nsuñikañ eti eti, ndien owo ikekemeke ndiwat nsuñikañ nsim ọbọiso ye oyobio emi, ñnyin ima iduọk idorenyin inyuñ iyak akpa enyeñe nsuñikañ nte enye amama.16Nte ñnyin ikebede unọmmọñ ibine ekpri isọñ ufọt mmọñ emi ekekotde Kauda, ñnyin ikekemeke aba ndinam ekpri ubom ubọhọ esọñ eyire ke nsuñikañ.17Mmọ ema ekot enye esin ke esit nsuñikañ, ndien ema eda uruk ebọp nsuñikañ ofuri ofuri man omum enye akama ọtọ kiet. Mmọ ema ekop ndik nte ke mmimọ iyekebak ke utan ke mben isọñ Libia, do mmọ esuhọde afara enyuñ eyak ofum emen nsuñikañ.18Ọkpọsọñ oyobio emi ama aka iso, do ke udiana usen mmọ ema etọñọ ndisioño mme mbiomo ke esit nsuñikañ nduọñọ ke inyañ,19ndien ke usen efen mmọ ema esioño mme ñkpọ utom nsuñikañ eduọñọ ke inyañ ke ubọk mmọ.20Ke ediwak usen ñnyin ikekemeke ndikut eyo mme ntantaọfiọñ, ndien oyobio ama osuk ọkọkọrọ ọsọñ ubọk. Ñnyin ima iduọk idorenyin uwem.21Ke mme owo ema ekedañ biọñ ke ediwak usen, Pọl ama adaha ada onyuñ ọdọhọ mmọ ete, “Irenowo, edieke mbufo ekpekpañde utọñ enọ mi ikpokosioho ikpọñ Kret, ke ntre mme mfina emi ye ntak urua emi ikpesimke ñnyin.22Edi ke emi ami ñkpe mbufo ubọk ndisọñ esit. Uwem owo ndomokiet iditakke, edi kpasuk nsuñikañ ikpọñ editak.23Koro ke okoneyo emi ebede mi, Enjel Abasi emi ami ndide kiet ye enye ñnyuñ ñkponode ama edi etiene mi,24ndien ama ọdọhọ ete: Kufehe ndik, Pọl. Afo enyene ndida ke iso Sisa, andikara ofuri Rom; ndien Abasi ke mfọn Esie amayak uwem kpukpru mme mmọ emi ewatde ye afo esin fi ke ubọk.25Ndien ke ntre esọñ esit, koro ami mbuọtde idem ye Abasi nte ke enye eyeñwam kpa nte eketiñde enọ mi.26Edi ofum eyewat ñnyin okodori ke isọñ ufọt mmọñ kiet.”27Ke ọyọhọ okoneyo duopenañ, oyobio ke akananam ye ñnyin nte enye akamama ke akwa akpa Mediterenian. Ke ñkpọ nte ufọt okoneyo mme anam utom nsuñikañ ema ekere ete ke imekpere isọñ.28Ndien mmọ ema esin uruk emi eketebede ndodobi ñkpọ ke esit ke mmọñ enyuñ edomo ekut ete ke mmọñ okotuñọ ke ñkpọ nte ikpat ikie ye edip. Mmọ emana efiak edomo ke esisit ini ama ekebe ndien ema ekut ete ke ekedi ikpat anañ ye duop.29Ndik ama anam mmọ koro mmọ ekekerede ete ke nsuñikañ ñnyin eyekodoro ke mme itiat, do mmọ ema eduọk ukwak inañ ke etak ubom enyuñ ebọñ akam eyom usiere.30Mme anam utom nsuñikañ ema eñwana ndifehe ñkpọñ nsuñikañ, mmọ ema esuhọde ekpri ubom ubọhọ esin ke mmọñ enyuñ ebiaña nte ke mmimọ iyom ndikisio ukwak iso nsuñikañ nduọk ke mmọñ.31Edi Pọl ama ọdọhọ akwa owo ekọñ ye mme etubom ekọñ eken ete, “Edieke mme anam utom nsuñikañ misineke ke esit nsuñikañ, mbufo idibọhọke.”32Do ke mbon ekọñ ekesibe uruk enyuñ enam ubom oro ọduọ oduk inyañ.33Ke eyo ama ekekpere ndisiere, Pọl ama ekpe kpukpru owo ubọk ete yak edia ñkpọ, “Mbufo emebet ke usen duopenañ idaha emi, ndien ke kpukpru mme usen emi mbufo ikediaha ñkpọ.34Ami mmekpe mbufo ubọk idaha emi nte yak edia udia, ana edia ñkpọ man ekeme ndidu uwem. Idet ibuot mbufo kiet idibeheke.”35Ke Pọl ama eketiñ mme ikọ emi ama enye ama emen uyo ndien ọnọ Abasi ekọm ke iso mmọ kpukpru, obuñ onyuñ ọtọñọ ndita.36Esit ama ọsọñ mmọ, ndien owo kiet kiet ema enyuñ edia ñkpọ.37Kpukpru ñnyin emi ikedude ke nsuñikañ emi ekedi owo ikie iba ye ata ye efutekiet.38Ke owo kiet kiet ema ekedia ñkpọ nte ekekemde, mmọ ema emana enam nsuñikañ ọwọrọ ke enyọñ ke edisioño mme ekpat ibokpot nduọñọ ke mmọñ.Nsuñ Ikañ Esip
39Ke eyo ama ekesiere, mme awat nsuñikañ ikọdiọñọke aba mben ikọt; edi mmọ ema eda ekut akwa ituñ ke mben akpa, ndien mmọ ema ebiere ete edieke idikemede, mmimọ iyeda nsuñikañ ikebehe do.40Do mmọ ema ekpọk mme ukwak enyuñ eyak mmọ etak ke mmọñ, ndien kpa ke ini oro mmọ ema etat mme uruk emi ekemumde ubọk ubọi ndien mmọ ema emenede afara iso nsuñikañ ewuk man otodo ofum eberi nsuñikañ aka iso ada akadian ke isọñ.41Edi nsuñikañ ama akatuaha ke utan onyuñ abak; utan ama omum iso nsuñikañ ndien enye ikekemeke ndisaña aba, kadaña emi edem esie okowurede ofuri oto ke odudu awawa.42Mme mbio ekọñ ema ediomi ndiwot kpukpru mme mbon ñkpọkọbi, mbak owo mmọ ndomokiet ediwọk ọnyọñ isọñ onyuñ efehe.43Edi akwa owo ekọñ emi okoyom ndinyaña uwem Pọl oro anam enye ama ọbiọñọ mmọ ndinam ekikere mmọ. Edi enye ama ọnọ uyo ete mmọ emi ekemede ewọk ebemiso efurọ eduk mmọñ enyuñ ewọk enyọñ isọñ;44akana mme mmọ eken etiene ke edimum mme ubak obukpọk mme mbak idem nsuñikañ. Ndien emi ekedi usuñ emi kpukpru ñnyin ikasañade isim isọñ ye uwem.Biblica, Inc.