AYuda1
1Kufumung kang ne ni imi aJuda, asam aYeso Kristi, arunyining aYakubu.
In jɛk sak ne bayɔng fɛ́ aYeso mi ka ba yes, fɛ́ Adakunom ka ba shim, fɛ́ aYeso tsin ka ba tot bá:2Won angmishish, ni kusot kukyang ni ishim ni i se ni iyin shɛrɛk.3Bacɛk iyɛ hom, in bi iyɛ ngash in ki jɛk yin kufumung kang naton kutset yɔng fi in sɛ yit na Adakunom. Awɛt, in tin di i se gbing-gbing ni in ki jɛk yin, in ki kɔrɔk yin kuto fok: Nyeseng yin gak, ni tɛnɛng yin atsak yɔng Adakunom mi ki won yit e ni mbɔk yit, banet wu, nkum atsak e yɔng, vit ibarang.4Nek banet bakak fɛ́ ba ki mang jɛk ikpa bà neme, ba mi nɔɔs ayɛt yin ni nɛt. Ba mi teng ba tirisi itek Adakunom sak ni irèn iras nggɔn nduk. Ba tɛ ba tone fok da aYeso Kristi wu a yet Ada nɛ aTisa yit awo.5Ngma ni irēn fi i bɛ́ yin nfi nkyɔrɔk nang, imi shim in ki yiring yin ne fok: Adakunom kin sheshek banet wu na aMasat, awɛt ama anɔng, a tɛ wey ne bayɔng fɛ́ ba raba dan nɔɔk atsak.6Batomaza fɛ́ ba raba dang yit karɔ isonong ízɔk bà, ba wosong kasa bà, Adakunom mi ka ba sak narɔ kahwyining, a ka ba rosom ne anyang ayɛ nɛ ayɛ na ba tot ishɔt Kunom kuratek.7Ni irèn izining e anɔng, aSodom nɛ aGomora, ni nwɔp fi in ka ba te nate, ba nɔ ayɛt ras irɔs nɛ aduk nggɔn. Ba sɔ izot fi i da tonong izot fi kurong ayɛ na ayɛ bi yet.8Ni irèn izining e anɔng, bafɛ́ nabos bang beseng nrɔm bà, ba raba igwɔm nɛ ba nyes ncɛɛt ibyɛs sak na igwɔm azanɛn.9Awɛt aMakyel fɛ́ a yet azining ayɛt bagbat batomaza, ni izen fɛ́ a kin se ni kɔk nanan ne aShetan naton kukom aMusa, da aMakyel kin kpa itsɛɛk aShetan ishɔt awo, tit a kin fɛ̀, <<ATisa da gyɔng mo!>>10Ngma na anɔng, banet bang ras ncɛɛt abap naton nkyɔrɔk fi da iba irēn awo, nkum ikyɛng fi nrɔm bà shim de ba rēn, ti inyam fi i se vit kuyiring. Ina nkyɔrɔk e yɔng fi i in ka ba beseng.11Kawɛy yet kafuu ba! Ba mi kuus irèn aKayinu; ba mi ta i tsi sak itsɛt kurúm ti idun fɛ́ aBalaam kin nye nek a di sɛ itsɔm; ba mi wey ni iba nek idoro nhwyɛ, tɛ banet fɛ́ ba kin dorok nhwyɛ nizen aKora fɛ́ ba kin wey ni iba.12Banet bang fɛ́ ba sosok na narɔ kuyak amyak yin, kuyak ba nate yin e, yet ikyɛng nsum makiyi, vit nnyim ni ba. Ba yet banek fɛ́ ba ya ni ice bà kyɛk. Ba se tɛ anɔk iza fi kuwun kok iza vit ikpa. Ba se tɛ nakon fɛ́ na tes ica ni izen kutes na awo, tɛ nakon fɛ́ ba mi ngaa ina, na mi kus hwyiri-hwyiri.13Ba se tɛ itsombos ashi fɛ́ awun fɛsɛm, ba ka tang afurutut inang vit ikikak. Ba se tɛ ádat fɛ́ a teng a kat kpɛɛ, ba mi sak ahwyi awe tsin ka ba tot ayɛ vit igang.14AEnɔk anet afi kuzam kanakataat ama Adamu, man tak ibes naton kuri banet e bang: <<Di yin, Adakunom wuruk ne banet ajɛrɛ wu kudot bà agup e naton agup e,15nek ira akaangan ishɔt, nɔng ba da ya ngma bafɛ́ vit atsak ishɔt naton anɛn bà, fɛ́ ba ras ni irèn fɛ́ da Adakunom shim awo, ni ncɛɛt in kpashak e fɛ́ ba cɛɛt naton wu.>>16Banet e bang yet bafi ngɔɔt nanu ni itsɛsɛk anɛn; ba nyes nkyɔrɔk anyas fi ishim nrɔm bà fɛ́ ni ba; ba tsosok agwɔm ni ice bà, na ba tsosok bakak nanu rɔtɔt yɔk ba di sɛs kunang.17Awɛt, iyin bafidang hom, yiring yin ni ikyɛng fɛ́ batom aYeso Kristi ki mang tak gyam.18Ba kin fɛ̀, <<Ni nnom igang e, ba bi se banet ncɛɛt nbɔrɔk, fɛ́ ba bi kuus amaan ikɔk nrɔm bà.>>19Kuri banet fɛ́ ba bɛs ni ikam yin yɔng, bayɔng fɛ́ ba nyes ikyɛng fi nrɔm bà fɛ́, ba bɛ́ Kabik Adakunom awo.20Awɛt, iyin bafidang in, nok yin ace yin ayɛt atsak ajɛrɛ, ni ras yin awon ayɛt agap Kabik aJɛrɛ.21Sonong yin ayɛt ishim Adakunom, ni tsin di tot yin angmishish aTisa yit aYeso Kristi fɛ́ a da ki tsa yin sak i sɛ kutset vit igang.22Fok yin angmishish bayɔng fɛ́ ba bɛ ayɛ gak.23Tenat yin bakak fɛ ba se tɛ ba se ni rong, nɔng i da ka ba sheshek yin mo; Sak na bakak, fok yin angmishish ba, ni moon yin ni nnyim, ni rayin ares bà fɛ́ ba mi gbit ina, ni nrɔm bà fɛ́ in mi beseng ni kujang.24Won itere, ni i sot ifɛ́ ayɔng fɛ́ a bi kukyem i ki bereng yin kɔng i bi kpa yin na ki nabak yin ashon azɔk Adakunom, jɛrɛ vit inɛn, ni iyɛ ikan makiyi.25Won iratek, ni ízɔk igwɔm, na agap ni kukyem, ni in yet nfɛ́ Adakunom, Anet-Isheshek yit, fi i ne ne aYeso Kristi, aTisa yit, neme dang na ba nye kazatse, i se yɔkɔnɔng ne ayɛ vit igang. Anɔng.
In jɛk sak ne bayɔng fɛ́ aYeso mi ka ba yes, fɛ́ Adakunom ka ba shim, fɛ́ aYeso tsin ka ba tot bá:2Won angmishish, ni kusot kukyang ni ishim ni i se ni iyin shɛrɛk.3Bacɛk iyɛ hom, in bi iyɛ ngash in ki jɛk yin kufumung kang naton kutset yɔng fi in sɛ yit na Adakunom. Awɛt, in tin di i se gbing-gbing ni in ki jɛk yin, in ki kɔrɔk yin kuto fok: Nyeseng yin gak, ni tɛnɛng yin atsak yɔng Adakunom mi ki won yit e ni mbɔk yit, banet wu, nkum atsak e yɔng, vit ibarang.4Nek banet bakak fɛ́ ba ki mang jɛk ikpa bà neme, ba mi nɔɔs ayɛt yin ni nɛt. Ba mi teng ba tirisi itek Adakunom sak ni irèn iras nggɔn nduk. Ba tɛ ba tone fok da aYeso Kristi wu a yet Ada nɛ aTisa yit awo.5Ngma ni irēn fi i bɛ́ yin nfi nkyɔrɔk nang, imi shim in ki yiring yin ne fok: Adakunom kin sheshek banet wu na aMasat, awɛt ama anɔng, a tɛ wey ne bayɔng fɛ́ ba raba dan nɔɔk atsak.6Batomaza fɛ́ ba raba dang yit karɔ isonong ízɔk bà, ba wosong kasa bà, Adakunom mi ka ba sak narɔ kahwyining, a ka ba rosom ne anyang ayɛ nɛ ayɛ na ba tot ishɔt Kunom kuratek.7Ni irèn izining e anɔng, aSodom nɛ aGomora, ni nwɔp fi in ka ba te nate, ba nɔ ayɛt ras irɔs nɛ aduk nggɔn. Ba sɔ izot fi i da tonong izot fi kurong ayɛ na ayɛ bi yet.8Ni irèn izining e anɔng, bafɛ́ nabos bang beseng nrɔm bà, ba raba igwɔm nɛ ba nyes ncɛɛt ibyɛs sak na igwɔm azanɛn.9Awɛt aMakyel fɛ́ a yet azining ayɛt bagbat batomaza, ni izen fɛ́ a kin se ni kɔk nanan ne aShetan naton kukom aMusa, da aMakyel kin kpa itsɛɛk aShetan ishɔt awo, tit a kin fɛ̀, <<ATisa da gyɔng mo!>>10Ngma na anɔng, banet bang ras ncɛɛt abap naton nkyɔrɔk fi da iba irēn awo, nkum ikyɛng fi nrɔm bà shim de ba rēn, ti inyam fi i se vit kuyiring. Ina nkyɔrɔk e yɔng fi i in ka ba beseng.11Kawɛy yet kafuu ba! Ba mi kuus irèn aKayinu; ba mi ta i tsi sak itsɛt kurúm ti idun fɛ́ aBalaam kin nye nek a di sɛ itsɔm; ba mi wey ni iba nek idoro nhwyɛ, tɛ banet fɛ́ ba kin dorok nhwyɛ nizen aKora fɛ́ ba kin wey ni iba.12Banet bang fɛ́ ba sosok na narɔ kuyak amyak yin, kuyak ba nate yin e, yet ikyɛng nsum makiyi, vit nnyim ni ba. Ba yet banek fɛ́ ba ya ni ice bà kyɛk. Ba se tɛ anɔk iza fi kuwun kok iza vit ikpa. Ba se tɛ nakon fɛ́ na tes ica ni izen kutes na awo, tɛ nakon fɛ́ ba mi ngaa ina, na mi kus hwyiri-hwyiri.13Ba se tɛ itsombos ashi fɛ́ awun fɛsɛm, ba ka tang afurutut inang vit ikikak. Ba se tɛ ádat fɛ́ a teng a kat kpɛɛ, ba mi sak ahwyi awe tsin ka ba tot ayɛ vit igang.14AEnɔk anet afi kuzam kanakataat ama Adamu, man tak ibes naton kuri banet e bang: <<Di yin, Adakunom wuruk ne banet ajɛrɛ wu kudot bà agup e naton agup e,15nek ira akaangan ishɔt, nɔng ba da ya ngma bafɛ́ vit atsak ishɔt naton anɛn bà, fɛ́ ba ras ni irèn fɛ́ da Adakunom shim awo, ni ncɛɛt in kpashak e fɛ́ ba cɛɛt naton wu.>>16Banet e bang yet bafi ngɔɔt nanu ni itsɛsɛk anɛn; ba nyes nkyɔrɔk anyas fi ishim nrɔm bà fɛ́ ni ba; ba tsosok agwɔm ni ice bà, na ba tsosok bakak nanu rɔtɔt yɔk ba di sɛs kunang.17Awɛt, iyin bafidang hom, yiring yin ni ikyɛng fɛ́ batom aYeso Kristi ki mang tak gyam.18Ba kin fɛ̀, <<Ni nnom igang e, ba bi se banet ncɛɛt nbɔrɔk, fɛ́ ba bi kuus amaan ikɔk nrɔm bà.>>19Kuri banet fɛ́ ba bɛs ni ikam yin yɔng, bayɔng fɛ́ ba nyes ikyɛng fi nrɔm bà fɛ́, ba bɛ́ Kabik Adakunom awo.20Awɛt, iyin bafidang in, nok yin ace yin ayɛt atsak ajɛrɛ, ni ras yin awon ayɛt agap Kabik aJɛrɛ.21Sonong yin ayɛt ishim Adakunom, ni tsin di tot yin angmishish aTisa yit aYeso Kristi fɛ́ a da ki tsa yin sak i sɛ kutset vit igang.22Fok yin angmishish bayɔng fɛ́ ba bɛ ayɛ gak.23Tenat yin bakak fɛ ba se tɛ ba se ni rong, nɔng i da ka ba sheshek yin mo; Sak na bakak, fok yin angmishish ba, ni moon yin ni nnyim, ni rayin ares bà fɛ́ ba mi gbit ina, ni nrɔm bà fɛ́ in mi beseng ni kujang.24Won itere, ni i sot ifɛ́ ayɔng fɛ́ a bi kukyem i ki bereng yin kɔng i bi kpa yin na ki nabak yin ashon azɔk Adakunom, jɛrɛ vit inɛn, ni iyɛ ikan makiyi.25Won iratek, ni ízɔk igwɔm, na agap ni kukyem, ni in yet nfɛ́ Adakunom, Anet-Isheshek yit, fi i ne ne aYeso Kristi, aTisa yit, neme dang na ba nye kazatse, i se yɔkɔnɔng ne ayɛ vit igang. Anɔng.
The Seed Company