Agumesehani2
1Aba lagumuchun ladügǘn sielu luma ubóu, luma sun burí katei le lídanbei.2Luagu lisedün weyu ligía lagumuchuni Bungiu sun katei le ladügübei, aba lemeraagun.3Ábati labiniruni lisedün weyu, aba lariñagun lun lareidúniwa, ladüga ligía lan weyu le ídanbei lemeraagua lárigiñe sun le ladügübei.4Anihán asuseredubei lidan ladügǘn sielu luma ubóu. Wügüri lidan Edén
Lídanbei ladügüni Bungiu sielu luma ubóu,5úagiru meha ni aban nadü, máhüchüngili giñe meha ni murusun híduru, ladüga máhuyagüdüngili lan meha Wabureme Bungiu huya ligibuagun múa, úa ligía meha kaba lan nadagimein múa ligía.6Lau sun lira furiti meha duna lábugiñegiñe múa lun láturaguni sun fulasu.7Ábati ladügüni Wabureme Bungiu wügüri lídangiñe múa, aba líchugun ibagari lun, lau láfurun lígirugun. Ítara liña liabin wügüri lun gabagari lan.8Lárigiñe aba lábunagun Wabureme Bungiu aban fuluri-agei luéigiñe oubaü le ñéingiñe lubéi laboucha weyu libiti Edén, aba líchuguni wügüri le buga ladügübei ñein.9Aba giñe labouchagüdün sun tuwuyeri tídibu wewe to buíduburitu lun teigín. Lamidanguati fuluri-agei, aba giñe lábununu wewe to lánina ibagari, tuma wewe to lánina lasubudirúniwa buiti lumoun wuribati.10Lurageirugu Edén, láhücha aban duna, le áturagubalin múa ligía, ñeinmeme lafanreinragúa lidan gádürü arünaü.11Le furumiñeti, Pisón meha líribei ligía egeyedagubei lau fulasu le gíribei Awilá, le ñein lubéi golu.12Fínuti golu le lídanbei fulasu ligía, anihein giñe tühü wewe fínuti ñein, luma dübü le ónise.13Le libiaman duna Gión meha líribei, ligía egeyedagubei lau fulasu le gíribei Kusu.14Le lǘrüwan duna Tígürisi meha líribei, ligía ásügürübei luéigiñe oubaü le ñéingiñe lubéi laboucha weyu libiti Asiria. Le ligadürün duna, Éufüratesi meha líribei.15Dan le líchugunbalin Wabureme Bungiu wügüri lidoun Edén, lun lábunaguni, luma lun lóunigiruni,16aba líchuguni lúrudu le lun:
—Gayaraati beigin tídangiñe tin sun wewe to yaaboun,17gama lumoun meigabóun tin wewe to lánina lasubudirúniwa le buídubei lumoun le wuribabei. Meigabóun tin wewe tuguya, ladüga anhoun beiga ninarün bau bóunweba.18Lárigiñe, lariñaga Wabureme Bungiu:
—Mabuidunti lun lábuguarügü lan wügüri. Nadüga aban ídemuei lun lidan sun katei.19Ábati ladügüniña Wabureme Bungiu sun animaalugu hama sun dunuru lídangiñe múa, aba lanügüniña lun wügüri lun líchugun hiri. Aba líchugun wügüri hiri sun animaalugu ha áüdübüna, sun dunuru hama sun animaalugu ha áraabuna, íriti le líchugubei hawagu, ligía híribei dagá guentó. Lau sun lira úati ni aban hádangiñe eseriwiduti ídemueime lun lidan sun katei.21Ábati lábürügüdüni Bungiu wügüri lidoun aban idabagu huliliti, danti aniha lan arumuga, aba lasagarun aban lídangiñe luruhure ábaya ladouraguni lǘgürügü lárigoun.22Aba ladügünu Wabureme Bungiu würi lídangiñe uruhurei ligía, aba larufudunu lun wügüri.23Dan le larihinbarun wügüri, aba lariñagun:
«Anati to, lídangiñetu nǘgürügü luma nabu! “Würi” ligíaba tiri, ladüga lídangiñe wügüri lasagaroun Bungiu».24Ligía lígirubei lubéi wügüri lúguchi tuma lúguchu, lun laganóun tuma lúmari, ábame hayabin lun ítara haba lan kei ábanrügü gürigia.25Dandu wügüri keisi lúmari, surusu haña meha, ani úati nibusigari hamá.
Lídanbei ladügüni Bungiu sielu luma ubóu,5úagiru meha ni aban nadü, máhüchüngili giñe meha ni murusun híduru, ladüga máhuyagüdüngili lan meha Wabureme Bungiu huya ligibuagun múa, úa ligía meha kaba lan nadagimein múa ligía.6Lau sun lira furiti meha duna lábugiñegiñe múa lun láturaguni sun fulasu.7Ábati ladügüni Wabureme Bungiu wügüri lídangiñe múa, aba líchugun ibagari lun, lau láfurun lígirugun. Ítara liña liabin wügüri lun gabagari lan.8Lárigiñe aba lábunagun Wabureme Bungiu aban fuluri-agei luéigiñe oubaü le ñéingiñe lubéi laboucha weyu libiti Edén, aba líchuguni wügüri le buga ladügübei ñein.9Aba giñe labouchagüdün sun tuwuyeri tídibu wewe to buíduburitu lun teigín. Lamidanguati fuluri-agei, aba giñe lábununu wewe to lánina ibagari, tuma wewe to lánina lasubudirúniwa buiti lumoun wuribati.10Lurageirugu Edén, láhücha aban duna, le áturagubalin múa ligía, ñeinmeme lafanreinragúa lidan gádürü arünaü.11Le furumiñeti, Pisón meha líribei ligía egeyedagubei lau fulasu le gíribei Awilá, le ñein lubéi golu.12Fínuti golu le lídanbei fulasu ligía, anihein giñe tühü wewe fínuti ñein, luma dübü le ónise.13Le libiaman duna Gión meha líribei, ligía egeyedagubei lau fulasu le gíribei Kusu.14Le lǘrüwan duna Tígürisi meha líribei, ligía ásügürübei luéigiñe oubaü le ñéingiñe lubéi laboucha weyu libiti Asiria. Le ligadürün duna, Éufüratesi meha líribei.15Dan le líchugunbalin Wabureme Bungiu wügüri lidoun Edén, lun lábunaguni, luma lun lóunigiruni,16aba líchuguni lúrudu le lun:
—Gayaraati beigin tídangiñe tin sun wewe to yaaboun,17gama lumoun meigabóun tin wewe to lánina lasubudirúniwa le buídubei lumoun le wuribabei. Meigabóun tin wewe tuguya, ladüga anhoun beiga ninarün bau bóunweba.18Lárigiñe, lariñaga Wabureme Bungiu:
—Mabuidunti lun lábuguarügü lan wügüri. Nadüga aban ídemuei lun lidan sun katei.19Ábati ladügüniña Wabureme Bungiu sun animaalugu hama sun dunuru lídangiñe múa, aba lanügüniña lun wügüri lun líchugun hiri. Aba líchugun wügüri hiri sun animaalugu ha áüdübüna, sun dunuru hama sun animaalugu ha áraabuna, íriti le líchugubei hawagu, ligía híribei dagá guentó. Lau sun lira úati ni aban hádangiñe eseriwiduti ídemueime lun lidan sun katei.21Ábati lábürügüdüni Bungiu wügüri lidoun aban idabagu huliliti, danti aniha lan arumuga, aba lasagarun aban lídangiñe luruhure ábaya ladouraguni lǘgürügü lárigoun.22Aba ladügünu Wabureme Bungiu würi lídangiñe uruhurei ligía, aba larufudunu lun wügüri.23Dan le larihinbarun wügüri, aba lariñagun:
«Anati to, lídangiñetu nǘgürügü luma nabu! “Würi” ligíaba tiri, ladüga lídangiñe wügüri lasagaroun Bungiu».24Ligía lígirubei lubéi wügüri lúguchi tuma lúguchu, lun laganóun tuma lúmari, ábame hayabin lun ítara haba lan kei ábanrügü gürigia.25Dandu wügüri keisi lúmari, surusu haña meha, ani úati nibusigari hamá.
Bible Society of Honduras