YESAYA24
Saate Nwu Kamananfi Kasɔ Ka Mmle Kootoko
1Nyu, SAATE nwu kamata kasɔ nte kafukitianlalaasa ka kafɔɔ;abalalaasa ka anuansamiisa batii ba ninsika ni di suoto-2lɛsaa ninwii dibaleninta oletatɛ ninta batii fukutininta saate-suɔtɔ ninta kpɛmblatɛ-suɔtɔninta saate-sanko ninta kpɛmblatɛ-sankoninta saasunsũtɛ ninta saayatɛninta saanyanyitɛ ninta saafɛnsatɛninta totɛ ninta totufutɛ nɛ.3Kasɔ nwu kamate kafukutibabalɛ ka asaa kafɔɔ klekle.SAATE nwu niebuɛ ɔlaa wɔ mmle.4Kasɔ lekoso kɛɛyɔɔ kafɔɔ,ditoolenkee kayi kɛɛyɔɔ kafɔɔ,batii finle kaasɔ dioolenkee ma nnɛɛ.5Batii ntɔɔkpɔnɔnfɔsa kasɔ;batoosĩ afiofa nwu ole,bɛɛtaalɛ afiofa nwubɛɛfukuti kafɔɔ kanya ninii nwu ninnaa ni kaloo.6Nkpo oso lɛkpaani kofuo kasɔ nwu;dikpeni mba ninsika ni di suoto manfũ lɛpɔɔ lɛma okpi letota.Nkpo oso di kasɔ batii lafiɛ fɛɛ nɛ,di basɛɛ lete niebu nɛ.7Nta fɔle makoso, nta awosobi kowoso kafɔɔ mayɔɔ;suoto lɛyɔɔ banyatɛ bamuu mawi sikududu.8Suoto lɛyɔɔ akasa kanya manii,suoto lɛyɔɔ banyatɛ kudu ntoolo,Suoto lɛyɔɔ sanku kanya kafɔɔ ntoonii.9Blɔbasinyi nta basa onu;nta siene kamawɛ olo ninta banyintɛ ni mi.10Okpoo biɛle nwu nte ofukuti;bɛɛsɛɛ leyo biala kayokontũ.11Boowi di akpaka mankaalɛ ntasuoto lɛyɔɔ nimuu ntookple sɛyaami,suoto lɛyɔɔ nimuu ntooyu di kasɔ suoto.12Okpoo kplɛ nwu ntoobiɛ,beebibiɛ nwu kayoko wɔkyɔwɔkyɔ.13Nkpo dibate kaasɔku nnle kamɛ nɛ,fɛ nse bɛɛpɛ nnɔnyi awosobi bɛɛkpa di kowoso,ee fɛ nse bɛɛtɛsɛ nta awosobi beeloo di asɛɛ mbu antika nii.14Baatakatɛsa sɛlɔ lɛma katoo, baayiisa kudu ku suoto lɛyɔɔ;di kufĩ kamɛɛkɔ baadiki SAATE nwu nimuɔ mantuo.15Nkpo oso bitansa SAATE nwu di kufĩ katunkɔ;bitakatɛsa SAATE, Israel Yaa nwu leyooto katoo,di nnsɔ be di lekpo lɛmana diekyi ni.16Di kasɔ nyɛntɛlekɔ buonu sinu:“Katansa baata Tininitɛ nwu.”Kafɔɔ labuɛ nlɛ, “Kokpi lo, kokpi lo!Kutoolo mi!Anubasɛɛsatɛ kodiki batii manta!Ku ninusɛɛ, anubasɛɛsatɛ kodiki batii manta!”17Lɛyɛkɛ ku dibiɔ ku okũ nsoko fɔ,O batii kaasɔ.18Otii lele nienu lɛyɛkɛ lɛkpanko eetosokamakpa ambuo di dibiɔ;otii lele niɛkata eedie di dibiɔokũ kamadiki nwɔ.Osi ntu n-yoko nwu lasɛkɛtɛ,kasɔ lɛsɔse nwu letũkũ .19Kasɔ ntɔɔbɛ,kasɔ ntɔɔsɛ di kawo suotokasɔ kotũkũ kikiki.20Kasɔ kɔkpankpa fɛle tasiɛntɛ,kɔɔkpankpa fɛle lɛkpaayo di kɔfɛɛfɔ kamɛ;diekye lɛpɔɔ le eekpi ni nkpe onutũ di suoto ninkakɛɛnɔɔ- diidii klɔbasinfuo ɔtaka.21Di dii nwu nkpo SAATE nwu kamananfiosie wɔ di osi fanfa kootokoku baka ba di kasɔ suoto.22Babamufũ ma mansiisafɛle leyo batentɛ bɛɛpɛ akpo beekpee di dibiɔ;babasɛɛ ma mankpee di leyo katenkɔmananfi ma kootoko di ayi kpinwu sɛmaa.23Kɔwɛntɛ dilɔbapu nwaa, kufĩ dilɔbapɛ nwaa;diekye SAATE wɔ Ninlenke ni nimale sɛkadi Sion Kobokote ku Yerusalem kamɛ,di banɔɔfotii nɔɔ anu ku dibu kplɛ.The Seed Company