Revelation14
1Jêh hư̆n ăñ ksiêm dlăng, jêh iên ho, Biêp Kuôn dŏk tŏng yôk Si-ôn, jêh iên ju băk ta Khua Yang mau ju hiêng puôn jăt puôn bau nau nêh mau năn Khua Yang jêh iên năn Bap Khua Yang nai čih tŏng bôk tliêng hên.2Jêh iên ăñ tŏng dơk ngơi băh trôk klăh di dơk grăp buông dak nggôr ŭr ŭr, klăh di dơk tăr nĕh ram, jêh iên dơk ăñ tŏng hư̆n ĕh ndrơm klăh di dơk băl nă gei pĕ brô̆ hên di.3Hên muñ pơp muñ mhei ta măt jhưng mtao jêh iên ta măt puôn pơp păm brêh wăt ta măt băl khua u rañ, jêh iên so mau nêh dơi riêm gư̆t pơp muñ hư̆n čuôm gu ju hiêng puôn jăt puôn bau nau nêh jêh nai tuai băh teh dih.4Ho jêng lĕ mơt nêh ñăm tuôm ƀơ̆ săk jăn yơng ta băl u ur, bơ yơng hên jêng nêh ƀrăh ngôr nơn. Ho jêng băl hui gre Biêp Kuôn grăp tŭk Khua Yang sak. Đơ băl ho jêng nêh jêh nai tuai băh găp pôl nêh klăh di ple bôk yăn ta Yang Trôk jêh iên ta Biêp Kuôn,5so mau pơp huôk nơn dơi so mŏng dơk hên, bơ yơng hên so mau têl ƀơ̆.6Jêh hư̆n ăñ so ju nau nêh myang dơ dêh păr mŏng mbar nuông wang, kăn mau Pơp Găl hui hai no di têh sơm ta băl uôn lan mŏng teh dih — wăt ta grăp čar kwar, găp pôl, dơk ngơi jêh iên uôn lan —7ôr tĕh dơk klăh iêu: “Ăn bhŭng mpŭ Yang Trôk jêh iên yơr guh ang ta Khua Yang, bơ yơng mông phat dôih Yang di jêh trôh. Ăn kôh mpŭ ta Mtao rih ñjêng trôk, teh, dak sĭ jêh iên lĕ mơt buông dak.”8Mau nêh dêh, nêh myang tal bar, gre ta kơi, ngơi klăh iêu: “Jêh ĕh dlưh ru, Ƀa-ƀi-lôn ram jêh ĕh dlưh, hư̆n jêng nêh čhôl trôt lĕ mơt grăp čar ñêt băh nơm hao nuih yơng ta pơp čhơng tăt ĕh di.”9Ju nau nêh myang dêh ya, nêh tal pei, gre ta kơi hên, ngơi tĕh dơk, klăh iêu: “Nêh tơm kôh mpŭ ta păm bri wăt ta rup yang ĕh, jêh iên dơn têl kđăm tŏng bôk tliêng mdăh tŏng ti hên,10nêh hư̆n ăt jrăng ñêt nơm hao nuih Yang Trôk di, jêng nơm so tôh tăm lŭk mŏng čiên hao nuih Yang di, jêh iên nai jrăng kmhal nêh hư̆n ta iñ jêh iên lưu huyñ ta măt băl myang ƀrăh jêh iên ta măt Biêp Kuôn.11Ñuôi băh tŭk lăm knap mñai hên ĕh păr tŏng tê̆ tăl trôh răn ƀăn, hui hai, jêh iên so hên mau pơp mdei nơ nar mdăh mơ măng, hư̆n jêng băl kôh mpŭ ta păm bri wăt ta rup yang ĕh, jêh iên grăp nau nêh dơn têl kđăm năn ĕh di.12Ho jêng pơp tŭ prêng gĭr ăt băl đăo ƀrăh di, ho jêng băl ñôt gưt grăp pơp bhiên Yang Trôk di jêh iên pơp đăo hên mŏng Yang Yê-su.”13Ăñ tŏng dơk ngơi băh trôk, klăh iêu: “Ăn čih: Dŏng băh o ta kơi, găl jôn ta nêh tơm khư̆t jêng nêh khư̆t mŏng Yang Trôk.” Yang Ngăt Găl ngơi: “Geh, no di hên dơi mdei băh grăp bruă ăr măh hên di, bơ yơng lĕ mơt bruă mhŏ hên jrăng hui gre ju băk hên.”14Jêh hư̆n ăñ dlăng, tŏ hư̆n, mau ñuôi tŭk nang khu, jêh iên gŭk tŏng ñuôi tŭk hư̆n mau ju nau nêh klăh di Kuôn Nêh, mau đuôn mtao ta măh tŏng bôk Khua Yang jêh iên ju mlăm niêh sôt mŏng ti Khua Yang.15Jêh hư̆n ju nau nêh myang dơ dêh du băh hih kôh mpŭ, tĕh dơk kuôl Mtao jai gŭk tŏng ñuôi tŭk: “Dăn yơr niêh Yang di jêh iên riêk, bơ yơng dơm riêk jêh trôh jêh iên ba mŏng teh dih jêh dư̆m.”16Hư̆n jêng Mtao gŭk tŏng ñuôi tŭk čĕ niêh Yang di mŏng teh dih, jêh iên ĕh riêk teh dih.17Jêh hư̆n ju nau nêh myang dơ dêh du băh hih kôh mpŭ tŏng trôk, nêh myang ho ăt mau ju mlăm niêh sôt ya.18Ju nau nêh myang dêh ya, hư̆n jêng nêh mau pơp dơi ta iñ, kăn du băh jhưng mhŏ yang, jêh iên tĕh dơk kăn kuôl nêh myang mau niêh sôt, klăh iêu: “Ăn yơr niêh sôt me no di riêk lĕ kư̆m ple ño băh jhi ño mŏng teh, bơ yơng grăp kư̆m ple ño băn jêh dư̆m.”19Hư̆n jêng nêh myang čĕ niêh kăn mŏng teh dih jêh iên riêk mir ño mŏng dôn teh, jêh hư̆n kăn čĕ ĕh mŏng thŭng nơm ram pơp hao nuih Yang Trôk di.20Thŭng păt ño nai păt ta ling uôn ram jêh iên mham băh thŭng păt hư̆n ĕh mbrôh ta ling jua trôh ta mbung ƀle hĕ, djha trôh ta ju bau pro hiêng Êč-ta-đơ.
FAR EAST BROADCASTING COMPANY