Jaalalatikaa Maxaafa4
1Tee anxe eeyyemallo, ati hittata biifeettexxe;hittata danchoondeettexxeAlba buqe'eetexxe sharbe giddo illuwwa atixxiguugenjotixxe illuwwashshaten.Umi atikik ordichchinna Gele'adixxe Kobanaa'n adaddeyaa'ammake re'etike bobba'ishshaten.2Atixxi isso iikki woddi orda cirendee'naaanshemeebaa'n fuleeke gedhebishshaten;Duuchchiing gedhebi lakko lakko ile'eeke,isi giddonna maseeni mitti hedhebaaken.3Suume atixxi diimmoxxe haarreka shimala labbaan;haasottatto wodda yo'oshsha gammachchiisa'nen;Alba buqqexxeettaxxe sharbe giddo lamiinxi atixxi boqowelinaa'n shatendeexxe roomaanetixxe lame qame labbaan.4Goobi atik danchoosseme giissemeekaisi hananna loliinke mannixxi wontuwwa duuchchi itti hexxeexxaKuma wontuwwa itti fannisendeexxaheqqatixxa Daawwitixxe xellephpho labbaan.5Atik lami ununuwwi lakko ilendeexxedancha daraaruwwixxe oddo'n bobbaateexxegeedummatixxe lame beltanna labbaan.6Boro haachchabbebaa edodukkanatinna saxxebaang,Karbetixxa koobahixaaniinxa gooronna marannon.7Tee anxe eeyyemalloo danchumma ate'n gunde'een;unshinaachchonna affeboxxon.8Tee anxe waajubichcho Libaanoosinaa'n aninni welti dagi;eeye, Libanosinaa'n aninni welti dagi.Neenquwwiinxe majoonaa'nqeedhanchiinxe koobaa'nErmoonixxe qaccee'n, Seneerixxe xungonaa'n,Amaanaxxe koobaxxe xungonaa'ni dirri.9Tee anxe dayyo, anxe waajubichchoo qalbe anenaa'n boojiteetten;mitte atixxe qe'lenchonni,Marte atike goobikkinni,qalbe anee boojiteetten.10Tee anxe dayyo, anxe waajubichchoo ati anee hittata gammachchisa'ette!Ati anee eeyyissaatte qici woyinetixxe booka caalaAnee hittatata gammachchiisa'ne.Atixxe shittoxxi fishshe wele qurunfuduwwanaa'n caaldaan.11Tee anxe waajubichcho atixexe summexxi sunqecca malemiinxe la'eshsha xe'mita'neen;afo'i atik malemokenna adoten.Seemma atixxixxi fishshenna Libaanoosixxe fishsheshshaten.12Tee anxe dayyo anxe waajubichcho ati dalla'i giddixxe eloke hiddichchiinxe bakkadalla'i giddixxe muume, gollendeexxe gooton.13Atik Roomanike hiddichchixxifilendeexxi gummuwwaheenanna naardoosixxe'n.14Iittanni naardoosixxinna qeegaki welti,basso billanna qarafa,;gargar gargar hedheeke hixaanuwwixxa heqqekarbetixxenna qaraaranjo haqichchixxeyo'oshsha eloxxe gargar gargar hexxeexxe qurunfuduwwa duuchchixxen.15Ati hiddichuwwiinxe eloxxe bakkaxxe gooton;yaa'aake wodixxe balen;Libaanoosixxe Koobanaa'n adadde phu'isammake wodixxe muummen.16Tee middixxe diidalloo ke'i;ati bita'ixxi diidllonna amoFishshe anke fichcixxi ha'la kuttaashsha,anke hiddichchixxe bakkaba'a diidalleessi;Ank eeyyemalli ifike hiddichchi giddi'a dageexxigammachchiisaaxxa ookkone fichchixxa gummuwwanna itowwaal.
The Word for the World International