Bulus Sẽkoo yɛnɛ shɔ AFISAWAYI1
Nyageenɛ
1Sẽkoom shɛ a Bulus ɗɔbii, a Ɗalapa kasinɛni ukɔ ɔ̃rɛ Kirisi Yesɔ jashonɛYɛnɛ Ɗalapa shɔ biyi a Afisa, shɔgbeteyi vi pɛlinɛ tɔ̃vɨn ai ɔ̃nɛni a yuu ɓasinɛ a Kirisi Yesɔni:2Ɗalapa Uɓeye a Uɓeyelapa Yesɔ Kirisi u ãwɔ Ɗa tɔ̃vɨn shonɛ a ɔ̃nɛbiinyatɔ̃nɛni.3U dɔ̃ri Ɗalapa tɔ ukɔ ɔ̃rɛ Uɓeyelapa Yesɔ Kirisi u ɓeye! Aru u yuɓasinɛ a Kirisini tasiu Ɗa vɔɔ susãritɛ bi a nyaba au ãu ko-pi ruu Ɗa Suru shɔpiya au tasiu shɔ Ɗa vɔɔ susãri bi a koo gbete a kolapayɛ.4Koo u ɓɛɛ shɛnɛ, si Ɗalapa lɔu tɛttɔ gboti u ɔ̃ u ɓɛɛ, au yuɓasinɛ a Kirisini, aru u ɔ̃ shɔ Wɔsɔ-wɔsɔ au ɗekɨn, shɔgbete ai ruuvini ɓa ɗɔnɓa.
Aru u ɔrinɛ5Ɗalapa matɛttɔ au sisɨn nɛ a ka Yesɔ Kirisikɔ nɛn yɛ pɔ̃rɛ u ɔ̃ ɓɛɛ jaayi,6U bɛli Ɗalapa nɛ aru u tɔ̃vɨn bassinɛ, aru vi ãnɛ gbete ãuyɛ au ka jaa ɔrinɛyɛ.7Aru Kirisi kpaa gbete tɛ̃ɛ̃yɛ u kpaa naraanɛtɛ weze, Ɗalapa yaasiu ruuvinitɛ. a nyabakɔ Ɗalapa tasiunɛ u tɔ̃vɨn shonɛ pɛ pɛ̃niba,8gbete au ãu bang dɔrɔrɔ yɛ!
Au sẽrẽ a vigbete zɛyɛni piti kpai9Ɗalapa pɔ̃rɛ nɛu zɛn ruugbete ma au sisɨnyɛtɔ, si pɔ̃ tɛttɔ nɛn yisi a ɓɛɛ jaa Kirisi kabii.10Ɗalapa ruugbete mayɛ tɔnɛn yɛ yisiunya a ɗagbete u ɗa kaanɛ, yɛ toli vigbete shɛhi a kolapa a kotipi ni kpai ɗɔgbete, Kirisikɔ yɛ ɔ̃rɛ i yupɛ̃ni.11Ko iviya shɔ pɛli jo nɔgbete Ɗalapa ma au sisɨn nɛn pɛliyɛkɔ; Ɗalapa lɔurɛ nɛu ɔ̃ n ɓɛshɔzɛ aka yuɓasinɛ a Kirisini, aru vigbete kasi pɛlinɛyɛ, ayuu vigbete ma au sisɨn aɗagbete gaa yɛ.12Aru nankɔ u shɔgbete u gaa sisɨn pɔ̃nɛ a Kirisi bim, u bɛli Ɗalapa basinɛtɔ!13Ɔkɔɔma ɔ ɔ̃ Ɗalapa ɓɛshɔbiiyitɛ naa ɔkɛ weshonɛ a ruu tɔ̃vɨn ni, ruu tɔ̃vɨn gbete au n-tiwɔ naranɛyɛ. Ɔ ã sisɨntɛ a Kirisi bi, a Ɗalapa pɔ̃ u naa vishonɛtɛ awɔ yuuni u tasinɛ ɔ pɛ nɓɛɛ a nyaba au ãwɔ Ɗa Suru gbete manɛn ãwɔyɛ.14Ɗa Suru ukɔ ɔ̃rɛ vigbete u yɛ kpaayɛ a Ɗalapa ma a ɓɛshɔbiiyini nyamasinɛ ɓa, vimkɔ tasiutɛ nɛ Ɗalapa yɛ ã shɔ gbete i ɔ̃ u ɓɛɛ ɔ̃nɛ yuutɔ kpai. U bɛli u bassinɛ nɛ!
N kpaa sisɨntɔ awɔ yuuni ang Ɗa Gakinɛni
15Aruumkɔ, n ntawɔ ruu sisɨn ãnɛ tɛttɔ tɛ̃ɛtɛ̃ɛ a Uɓeyelapa Yesɔ biini awɔ zɔ ɔrinɛ gbete ɔ tasi Ɗalapa shɔbiiyini piti kpai,16N ji yaa Ɗalapa dɔ̃rinɛ ɓa awɔ yuuni ɓa. N kpaasisɨntɔ awɔ yuuni nkɛ gaki Ɗanɛyɛ17n gaki Ɗalapa Uɓeyelapa Yesɔ Kirisi, Uɓeye gbete u bassinɛ ɗɔn, u ãwɔ Ɗa Suru, shɔgbete yɛ pɔ̃rɛ ɔ ɔ̃ shɔ ruukpẽnɛ, u tasɔɔrɛ ɔ zɛ nyaba Ɗalapa tɔ, nɔgbete ɔ yɛ zɛuyɛ.18N gaki rɛ aru ɔ sisɨn u ɓelitɔ ɔ zɛ ɗɔsẽsẽtɔ, nɔgbete ɔ zɛ vi sisɨn pɔ̃nɛ gbete ɓawɔnya au yuuniyɛ, n gaki Ɗa ɔ zɛ nɔgbete Ɗa tasiu shɔbiiyi susãri abi vinɔlusinɛ gbeteu ma a yinɛyɛ,19U shɔ gbeteu ãsisɨn au biini u kaka vishonɛ vibiizaanɛ yɛ ɔ̃ yisinɛ kɛpikoviya? Kaka gbete au shovi au tetem, pɛ zali a kaka pɛ̃nibamni20shomkɔ ɔ̃rɛ kaka gbete Ɗalapa shovi a wuniyɛ aɗagbete yusi Kirisi lapa a saa yɛ, a sɨurɛ nɛu ɔ̃ au ka nakɨn a koo gbete lapayɛ.21Kirisikɔ ɔ̃rɛ shɔgbete sã yupɛ̃ni kpai, yupɛ̃ni shɔ gbete a kolapayi a shɔ kotipiyini piti kpai a kpatiyi kakani kpai, Ɗalapa ãu niitɛ shɔ gbete tɛɛ nii gãsiyitɔ piti kpai a koom a gbete kaanɛyɛ.22Ɗalapa pɔ̃vi kpai aru Kirisi u naa dɔɔ ɗɔn a ãu shɔ gbeteyi ãsisɨn a Ɗa bi ikɔyi ɔ̃rɛ Uɓeyelapa pɛ̃niba ayuu vi piti kpai.23Shɔ sisɨn ãnɛ Ɗabii ikɔyi ɔ̃rɛ Kirisi bi, gbete yiitɛ a Kirisini, shɔ gbete yisinya vitɛ kpai kopiɗɔpiya.The Word for the World International