Kolose4
1Ngini tuanga-tuanga! Ngini balasu ni 'adili re banari taninga budaka-budaka sababu ngini masiretene ḏi'i reninga Tuanga toma soroga.2Ngini balasu ni manyiata tau-taunu. Sidogo ḏi'i, ngini balasu ni ma'istiari re ni sibere ie murasa ma la ra Ma Jou'ongu Madutu.3Ngini ni manyiata di'a ngomi ḏi'i mangale Ma Jou'ongu Madutu 'a welanga ngalana di'a mi singadolo habari rahasia mangale Kristus. Sababu habari gena-ge ngowa'a 'aḏi singosama ngoi toma bui.4Sababu gena-ge ni manyiata tau-taunu di'a ngoi, la ngoi to sanga donga di'a ta singadolo re ta sitarangi habari gena-ge. Sababu enanga gena-ge, ngoi balasu ta si'a'a.5Wakutu ngini ma'u sanga ngowa'a ngaku Yesus ua, ni pake donga mo-moini gena-ge di'a ni sijumu 'akala soro'unu, de'oso re ḏegoro, demo re ganau la-la ra ananga gena-ge.6Dadi 'oru ga'a ngini ni siajele toma ngowa'a gena-ge, ninga 'akala re sinyingara balasu romanga reo mura re dadalara, la ngini ni sisanangi manga 'akala re sinyingara. Dadi ngini ḏuanga i'a ni waro ma duhu sa'olo ngini balasu ni sangoro manga so-sano.7Tikhikus, nanga ioronongoḏu matengo ngo-ngaku rimoi ga'a ngomi mu dadalara, unanga gena-ge ḏuanga i'a 'o siajele habari mo-moini mangale ngoi ra ngini. Unanga gena-ge 'o cufala riono ngoi re 'o munara mamete'e ra ngoi di'a Ma Jou.8Ngoi to 'utusu Tikhikus ra ngini, la ngini ni waro mangale ngomi minga 'ahu, lobi'i re wangere, re unanga ḏi'i di'a 'a site'e ninga ngo-ngaku.9Onesimus ḏuanga i'a 'o mamete'e ra Tikhikus, 'aḏi tagi toma Kolose. Onesimus, unanga ngowa'a Kolose re 'o cufala mete'e Yesus re ngomi mu dadalara. Ananga gena-ge ḏuanga i'a 'aḏi siajele mangale 'oru ḇato ga'a ri dadi tari ngi'i.10'A Aristarkhus ga'a mamete'e ra ngoi toma bui ma dara, unanga 'o siḏingoto tabea ra ngini. So'o gena ḏi'i 'a Markus, Barnabas gia nongoḏu sepupu. Ngini reni sanga surata ga'a ngoi to siḏingoto, mangale na'o Markus 'o sapolo ra ngini, ni dawongo unanga reninga 'akala re sinyingara sa-sanangi.11Yesus ga'a ngowa'a Roma 'aḏi si'aro'o Yustus 'o siḏingoto ḏi'i 'ai tabea ra ngini. Ngowa'a Yahudi ga'a ngowa'a ngaku Yesus pa'i ananga nga ḏu'ange ḇato, ananga gena-ge ngoi 'ari ḏagilomu munara di'a masiḏagi minga munara ra Ma Jou'ongu Madutu tala. Ananga ḏi'i raḏi site'e ngoi 'ari 'akala re sinyingara.12'Age rema ngowa'a matengo ḏi'i 'ai lomanga 'a Epafras, unanga ga'a ta Kristus Yesus ma tero sa'olo 'Ai budaka. Unanga ngowa'a Kolose re 'o siḏingoto 'ai tabea ra ngini. Unanga 'o manyiata tau-taunu rai 'akala re sinyingara mode-mode'e. Unanga 'o golo'o ra Ma Jou'ongu Madutu mangale ninga ngo-ngaku 'i te'oso ogo-ogoro kama elala ua, ma tero sa'olo ngowa'a raḏi ngimono tamanga ngo-ngaku. Re ḏi'i unanga 'o golo'o mangale ngini ni waro mode-mode'e 'oru ga'a Ma Jou'ongu Madutu 'ai 'akala ma mau.13Ngoi ta waro re ta oḏi'i masiretene mangale unanga 'o munara mode-mode'e di'a ngini, re di'a ngowa-ngowa'a ngaku Yesus toma limau Laodikia re limau Hierapolis ḏi'i.14Dotere Lukas ga'a ngene wo dadalara, re 'a Demas, ananga 'aḏi siḏingoto manga tabea ra ngini.15Ngini ni siḏingoto ngomi minga tabea tananga ioronongoḏu ngo-ngaku rimoi toma limau Laodikia, re ra ngo Nimfa re ngowa-ngowa'a ngaku Yesus ga'a 'aḏi malomu ra munanga 'ami wala.16Ngoi to golo'o, wakutu ngini reni baca 'ari surata gena-ge toma jama'ata Kolose, ni siḏingoto toma jama'ata Laodikia, la ananga gena-ge nyengara 'aḏi baca ḏi'i. So'o gena ḏi'i, ngini masiretene balasu baca surata, ga'a ngoi to siḏingoto toma jama'ata Laodikia.17Re ni siajele ra Arkhipus, “Siḏuanga munara ga'a Ma Jou'ongu Madutu 'o siwatasa ra ngana.”18Tabea ra ngoi, Paulus. Ngoi ta lefo tabea gena-ge rari giama masiretene. Awa ni sidaioranga ngoi, ga'a toma bui ma dara moju! Ngoi to golo'o Ma Jou'ongu Madutu mangale 'Ai mura re dadalara sieanga i'a ngini ua.
The Seed Company