Romans10

1Pa-thơu adơi sơai, kaya chơkhãq khiãng dơlãp hatai hlãq sì pơnuaĩq iơu lakơu hlãq hũ sì Yàc Pô Lơngĩq la kơyua ala pơnõq nhũ, tồq ga pơnõq nhũ hũ dõc pơ-tlah.2Kơyua hlãq ngãq chưng mưng pơnõq nhũ làiq, pơnõq nhũ hũ hatai tluỡiq gơhual pơweh sì Yàc Pô Lơngĩq, nữn ôh tui kaya pãc thơu.3Kơyua pơnõq nhũ ôh thơu mưng kaya tơpãq dãng Yàc Pô Lơngĩq hũ, sì pơnõq nhũ pơtãl prãn duah padỡc kaya tơpãq dãng krơi. Pơnõq nhũ ôh duh huaĩq kaya tơpãq rĩng Yàc Pô Lơngĩq hũ.4Kơyua Yàc Dõc Pơ-tlah song ngãq wil tãl voh-va pioh vrơi kaya tơpãq dãng ga dơgrữq mơnuĩh pãc-tui.5Môi-se song wãq mưng kaya tơpãq dãng gơnang mưng voh-va làiq: “Mơnuĩh halơi pãc rơmiãq dơgrữq pơnuaĩq nĩ ròq gơnang mưng nhũ nữn hadiuq.”6Nữn kaya tơpãq dãng trôh kơyua mưng voh tui đơp yơu nĩ: “Juơi đơp dơlãp hatai hã làiq: ‘Asơi ròq đìq lơngĩq?’ (gơtha la, pioh va Yàc Dõc Pơ-tlah trỗt);7kung juơi đơp: ‘Asơi ròq trỗt pãq thòc dơlãp?’” (gơtha la, pioh va Yàc Dõc Pơ-tlah mưng anĩh mơtai tơgùq).8Nữn nhũ đơp yơu hayơu? “Pơnuaĩq dòq jẽq anàq, dơlãp mơvah anàq sì dơlãp hatai anàq.”
Nữn la pơnuaĩq voh tui nữn pơnõq hlãq akhàt vrơi pa-thơu.
9Kơyua mơyah làiq mơvah pơnõq adơi sơai akhàt tơviãq Je-su la Yàc, sì pãc-tui dơlãp hatai làiq Yàc Pô Lơngĩq song ngãq ga Pitrai hadiuq wỡq mưng kaya mơtai, nữn pơnõq adơi sơai ròq hũ dõc tlah.10Kơyua gơnang mưng kaya pãc-tui dơlãp hatai nữn anàq mơnuĩh hũ kaya tơpãq dãng, sì gơnang mưng mơvah akhàt tơviãq nữn anàq mơnuĩh hũ dõc tlah.11Kơyua Sơrãq Sơđah wãq: “Mơnuĩh halơi pãc-tui Pitrai ròq ôh kađòc mơlơu alah.”12Kơyua ôh hũ kaya pa-chơlah krơi pãq khrãh mơnuĩh Ju-đa sì mơnuĩh Gơ-rec. Yàc nĩ la Yàc avih dơgrữq anàq mơnuĩh sì Pitrai mơda gơnãp pơweh sì dơgrữq mơnuĩh hlơi iơu lakơu Pitrai.13Mơnuĩh halơi iơu lakơu di angãn Yàc, nữn ròq hũ dõc pơ-tlah.14Nữn ngãq hayơu pơnõq nhũ pơlih iơu lakơu sì Pitao nữn pơnõq nhũ ka-ôh pãc-tui? Ngãq hayơu pơnõq nhũ pơlih pãc-tui Pitao nữn pơnõq nhũ ka-ôh hmỡq? Ngãq hayơu pơnõq nhũ pơlih hmỡq mơyah làiq ôh hũ mơnuĩh halơi ràc tơviãq?15Sì ràc tơviãq yơu hayơu mơyah làiq ôh hũ mơnuĩh halơi ãt pơđar nao? Yơu hũ wãq làiq: “Plàq tơkai mơnuĩh ràc tơviãq pơnuaĩq siàp nữn siàp mơkrờ viãq!”
16Nữn ôh iỡuq mơnuĩh halơi kung duh huaĩq pơnuaĩq siàp. Kơyua E-sai song đơp: “Talơvãt Yàc, mơnuĩh halơi ròq pãc-tui pơnuaĩq pơnõq hlãq pơto akhàt lơĩh?”17Yơu nữn voh tui trôh la mưng kaya aràc hmỡq, nữn kaya aràc hmỡq trôh la mưng pơnuaĩq Yàc Dõc Pơ-tlah hũ.18Nữn, hlãq lakơu tơnĩa: “Iỡuq mĩn pơnõq nhũ ôh ka hmỡq?” Viãq song hmỡq vloh,“Sãp pơnõq nhũ song sỡm wàc tơviãq vãq avih voh hlùq,sì pơnuaĩq pơnõq nhũ va trôh dơgrữq luôĩq hadơi dun kơyua hũ.”
19Rlao tơra, hlãq lakơu tơnĩa: “Iỡuq mĩn mơnuĩh Is-ra-el ôh thơu?” Hlơu avih, Môi-se kung đơp:“Kơu ròq ngãq ga pơnõq hã lơmùq mơvai sì mơnuĩh ôh iỡuq la sa vual vơla.Kơu ròq ngãq ga pơnõq hã ơnõc mơvai kơyua mưng sa vual vơla ôh hũ kaya pãc thơu.”
20Vloh E-sai kung chãc khĩn sì đơp:“Dơgrữq mơnuĩh ôh duah iãq Kơu nữn vloh song pãp sì bôh Kơu,Kơu song pabôh rùp tơviãq ga dơgrữq mơnuĩh ôh duah lakơu sì Kơu.”
21Nữn pơweh sì vual vơla Is-ra-el nữn Yàc đơp:“Avih luôĩq harơi Kơu yơr tơngãn tơviãq pơweh mưng sa vual vơla ôh duh huaĩq sì ngãq jơdrãq.”

FAR EAST BROADCASTING COMPANY

https://app.library.bible/content/d703d3283f8af40e