John8
1Tũq nữn, Yàc Je-su đìq nao pãq dlòc chỡq Ô-li-ve.2Nữn dơlãp tũq sơdah mư-ờp, Pitrai mai wỡq trôh pãq sàc talơvãt, sì dơgrữq mơnuĩh va gỡuq mai trôh sì Pitrai.3Tũq nữn, dơgrữq mơnuĩh gơnuar pơto voh-va gãm sì mơnuĩh Pha-ri-si va trôh sa aràc mơnuĩh kamơi kađòc mãq tơngãn krãn mơta dơlãp kaya sỗq dlàiq ngãq drì drõc, vloh pơnõq nhũ luơi kamơi nữn dòq di khrãh lũ mơnuĩh.4Kơyua pioh lòc Pitrai, dơgrữq mơnuĩh gơnuar pioh kaya duh talơvãt đơp sì Pitrai tồq pơnõq nhũ hũ pơnuaĩq yãq jơdrãq sì Pitrai: “Ơ Pôgrũ, mơnuĩh kamơi nĩ ròq mãq tãq tơngãn krãn tõm mơta pơweh sì kaya ngãq sỗq dlàiq drì drõc.5Vơnãh tơmo, dơlãp voh-va, Môi-se song akhàt ga pơnõq drơi iỡuq prah patơu dơgrữq mơnuĩh yơu nữn, dòq tũq nĩ, Pôgrũ hũ pơnuaĩq hagĩq đơp mưng mơnuĩh kamơi nữn?”6Nữn hadơi sì tũq kồq trỗt, Yàc Je-su wãq pãq ala hlùq mưng tơđiãc tơngãn drơi.7Dơlãp tũq nữn, pơnõq nhũ miẽt tơnĩa wỡq, Pitrai tơgùq dỡc nữn đơp sì pơnõq nhũ: “Asơi dơlãp pơnõq ung ôh hũ dlàiq, nữn mơnuĩh nữn iỡuq prah patơu mơnuĩh kamơi nĩ hlơu vẽq.”8Vloh kồq trỗt wỡq, Pitrai wãq pãq hlùq mưng tơđiãc tơngãn drơi.9Hmỡq yơu nữn vloh, dơgrữq tãl aràc dơlãp mơnuĩh Ju-đa pơnõq nhũ brõq tlàq nao, pơdòq hlơu avih la dơgrữq mơnuĩh prong thũt, avih dơgrữq tãl aràc pơnõq nhũ kung kadũn nao avih, sì mĩn sa aràc Pitrai dòq wỡq, sigỡuq sì mơnuĩh kamơi ãn dòq dỡc di khrãh tơpuôl mơnuĩh hlơu nữn.10Yơu nữn, hadơi sì tũq tơgùq dỡc, Yàc Je-su đơp sì mơnuĩh kamơi nữn: “Tơpuôl nữn dòq pãq halơi ôh bôh? Ôh asơi ngãq dlàiq nai yơh?”11Sì nai drơ: “Ôh hũ asơi, ơ Yàc.” Nữn Yàc Je-su đơp: “Kơu kung ôh ngãq dlàiq nai. Nai nao vẽq, sì mưng tũq nĩ juơi sỗq dlàiq tơra.”]12Patui nữn, Yàc Je-su đơp wỡq sì pơnõq nhũ làiq: “Kơu la kaya sơdah dun kơyua hũ, mơnuĩh halơi nao tui kơu viãq ròq ôh yàp nao dơlãp kaya sồp kơnãm, nữn hũ kaya sơdah kaya hadiuq.”13Hadơi nữn, dơgrữq mơnuĩh Pha-ri-si đơp sì Pitrai: “Pôgrũ ngãq chưng krơi mưng rùp phuỗt drơi nữn pơnuaĩq ngãq chưng Pôgrũ hũ la ôh đang mang pãc-tui.”14Yàc Je-su hẽ nữn Pitrai đơp sì pơnõq nhũ: “Bôh làiq kơu ngãq chưng krơi mưng rùp phuỗt drơi, nữn pơnuaĩq ngãq chưng kơu hũ la đang mang pãc-tui. Kơyua kơu thơu drơi mưng halơi trôh sì ròq jẽq nao pãq halơi, dòq pơnõq ung ôh thơu kơu mưng halơi trôh hẽla ròq nao pãq hlơi.15Pơnõq ung chahrơna tui rơlo rùp; Kơu ôh chahrơna mơnuĩh halơi.16Bôh làiq yơu nữn vloh mơyah làiq kơu chahrơna, nữn kaya chahrơna kơu hũ la tơpãq viãq kơyua kơu ôh dòq sa aràc, nữn kơu dòq sigỡuq sì Ama, la Pitao song pơđar kơu.17Vơnah tơmo, dơlãp voh-va pơnõq ung hũ wãq làiq pơnuaĩq ngãq chưng dua aràc nữn đang mang pãc-tui.18Kơu la mơnuĩh ngãq chưng mưng rùp phuỗt kơu, sì Ama, la Pitao pơđar kơu, ngãq chưng ga kơu.”19Yơu nữn, pơnõq nhũ tơnĩa Pitrai: “Ama Pôgrũ dòq pãq hlơi?” Yàc Je-su hẽ: “Pơnõq ung ôh thơu kơu, kung ôh thơu Ama kơu; mơyah làiq pơnõq ung thơu kơu, nữn viãq pơnõq ung kung thơu Ama kơu.”20Pitrai đơp dơgrữq pơnuaĩq nĩ pãq anĩh adũq pioh jĩn tũq Pitrai ãn pơto akhàt dơlãp sàc duh talơvãt, nữn ôh asơi mãq Pitrai kơyua tũq jơ Pitrai ka-ôh trôh.21Hadơi nữn, Pitrai đơp wỡq sì pơnõq nhũ: “Kơu ròq tơviãq nao, nữn pơnõq ung ròq duah kơu, vloh pơnõq ung ròq mơtai dơlãp dlàiq drơi. Anĩh kơu nao, pơnõq ung ôh tũq halơi trôh jỡc.”22Yơu nữn la mơnuĩh Ju-đa đơp: “Nữn hayơu mơnuĩh nĩ ròq pa-lơhiãq krơi rùp drơi yơh, kơyua ung nữn đơp: ‘Anĩh kơu nao pơnõq ung ôh tũq halơi trôh jỡc’?”23Nữn Pitrai đơp sì pơnõq nhũ: “Pơnõq ung kơyua mưng gah ala nữn, dòq kơu kơyua mưng dlòc dloòng nữn hũ. Pơnõq ung pơweh pãq dun kơyua nĩ, dòq kơu ôh pơweh pãq dun kơyua nĩ.24Yơu nữn, kơu đơp sì pơnõq ung làiq pơnõq ung ròq mơtai dơlãp dlàiq dơnũh drơi. Kơyua mơyah làiq pơnõq ung ôh pãc-tui kơu la Pitao nữn, nữn viãq làiq pơnõq ung ròq mơtai dơlãp dlàiq dơnũh drơi.”25Kơyua yơu nữn, pơnõq nhũ tơnĩa Pitrai: “Pôgrũ la asơi?” Yàc Je-su hẽ wỡq sì pơnõq nhũ: “Yơu pơnuaĩq nữn kơu song đơp sì pơnõq ung mưng tũq chơmrờp vloh?26Kơu hũ lũ pơnuaĩq pioh đơp sì pioh chahrơna mưng pơnõq ung. Bôh làiq yơu nữn, Pitao pơđar kơu nao la tơpãq viãq; patui hadơi nữn la dơgrữq pơnuaĩq kơu hmỡq pãq anĩh Pitrai nữn kơu đơp wỡq dơgrữq pơnuaĩq nữn ga dun kơyua.”27Pơnõq nhũ ôh thơu pãc làiq Pitrai ãn đơp mưng Ama ga pơnõq nhũ.28Yơu nữn vloh, Yàc Je-su đơp wỡq sì pơnõq nhũ: “Dơlãp tũq pơnõq ung ơtẽh Anàq Mơnuĩh tơgùq, nữn tũq nữn pơnõq ung ròq thơu làiq kơu la Pitao nữn, sì Kơu ôh ngãq krơi drơi kaya hagĩq. Pa-vlữq wỡq, kơu đơp dơgrữq pơnuaĩq nĩ tui yơu Ama song pơto kơu.29Pitao pơđar kơu dòq sigỡuq sì kơu; Pitrai ôh luơi kơu dòq la-ơi, kơyua kơu gãm ngãq kaya siàp hatai Pitrai.”30Dơlãp tũq Pitrai ãn pơto akhàt dơgrữq pơnuaĩq nữn, nữn hũ lũ mơnuĩh pãc-tui Pitrai.31Vloh Yàc Je-su đơp sì dơgrữq mơnuĩh Ju-đa song pãc-tui Pitrai: “Mơyah làiq pơnõq ung miẽt dòq dơlãp pơnuaĩq kơu hũ, nữn pơnõq ung viãq la mơnuĩh mơgrũ kơu hũ;32pơnõq ung ròq thơu pơnuaĩq tơpãq, sì pơnuaĩq tơpãq ròq wàq tơleh pơnõq ung hũ lanơng lơnai.”33Pơnõq nhũ tơnĩa Pitrai: “Pơnõq hlãq la anàq tơcho A-bra-ham sì ka-ôh ngãq halỗt ga asơi; hayơu pôgrũ đơp làiq: ‘Pơnõq ung ròq hũ lanơng lơnai’?”34Yàc Je-su hẽ wỡq sì pơnõq nhũ: “Iỡuq viãq, iỡuq viãq, kơu đơp sì pơnõq ung, làiq mơnuĩh halơi sỗq dlàiq la ngãq halỗt ga dlàiq dơnũh.35Vơnah tơmo, halỗt mơnãq ôh dòq miẽt dơlãp sàc, mĩn Anàq nữn miẽt dòq gãm gãm.36Yơu nữn, mơyah làiq Anàq wàq tơleh pơnõq ung, nữn pơnõq ung ròq hũ lanơng lơnai viãq.37Kơu thơu làiq pơnõq ung la anàq tơcho A-bra-ham, nữn pơnõq ung duah pơnẽq pa-mơtai kơu kơyua pơnuaĩq kơu ôh hũ anĩh dòq dơlãp pơnõq ung.38Kơu đơp dơgrữq kaya kơu song bôh dơlãp Ama kơu; dòq pơnõq ung nữn ngãq dơgrữq vruãq pơnõq ung hmỡq mưng ama drơi.”39Pơnõq nhũ drơ nữn đơp sì Pitrai: “Ama pơnõq hlãq hũ la A-bra-ham.” Yàc Je-su đơp sì pơnõq nhũ: “Mơyah làiq pơnõq ung la anàq tơcho A-bra-ham, nữn pơnõq ung song ngãq dơgrữq vruãq A-bra-ham hũ.40Nữn tũq nĩ, pơnõq ung duah pơnẽq pa-mơtai kơu, sa aràc mơnuĩh nữn song đơp ga pơnõq ung thơu mưng pơnuaĩq tơpãq, la pơnuaĩq kơu hmỡq mưng Yàc Pô Lơngĩq. A-bra-ham song ôh ngãq kaya yơu nữn.41Pơnõq ung ngãq dơgrữq vruãq ama drơi hũ.” Yơu nữn, pơnõq nhũ đơp sì Pitrai: “Pơnõq hlãq đeh tơviãq ôh iỡuq la mưng kaya ngãq drĩ drõc; pơnõq hlãq hũ sa aràc Ama, la Yàc Pô Lơngĩq.”42Yàc Je-su hẽ wỡq sì pơnõq nhũ: “Mơyah làiq Yàc Pô Lơngĩq la Ama pơnõq ung hũ, nữn viãq pơnõq ung ròq anĩt anar kơu, kơyua kơu trôh mưng Yàc Pô Lơngĩq, sì bôh mơta pãq đĩ; nữn kơyua ôh iỡuq kơu trôh krơi kơu, nữn Pitrai song pơđar kơu trôh.43Kơyua hayơu nữn pơnõq ung ôh thơu pãc pơnuaĩq kơu đơp dlài nĩ? Nữn la kơyua pơnõq ung ôh tũq halơi hmỡq pãc jỡc dơgrữq pơnuaĩq kơu đơp.44Pơnõq ung pơweh mưng ama drơi, la kamlai, sì pơnõq ung ưng rơchãc ngãq tui hatai ham khiãng ama drơi hũ. Mưng tũq chơmrờp nhũ la mơnuĩh pa-mơtai mơnuĩh sì ôh gơjãp kađỡc dơlãp pơnuaĩq tơpãq, kơyua ôh hũ pơnuaĩq tơpãq dơlãp nhũ. Tũq nhũ đơp pơnuaĩq vlữq lor, nữn nhũ đơp tui hatai sẽq lơnẽq nhũ hũ kơyua nhũ la mơnuĩh đơp vlữq lor sì la ama kaya đơp vlữq lor.45Nữn kơyua kơu đơp viãq, yơu nữn pơnõq ung ôh pãc-tui kơu.46Asơi dơlãp pơnõq ung mãq hũ pahanh kơu la hũ dlàiq? Mơyah làiq kơu đơp tơpãq viãq, kơyua hayơu pơnõq ung ôh pãc-tui kơu?47Mơnuĩh halơi pơweh mưng Yàc Pô Lơngĩq nữn hmỡq pơnuaĩq Yàc Pô Lơngĩq hũ; kơyua yơu nữn, pơnõq ung ôh hmỡq kơyua pơnõq ung ôh pơweh sigỡuq sì Yàc Pô Lơngĩq.”48Mơnuĩh Ju-đa drơ wỡq nữn đơp sì Pitrai: “Hayơu pơnõq hlãq vloh đơp ôh iỡuq, làiq ung la pơjẽh mơnuĩh Sa-ma-ri sì kađòc kamlai ãp nữn yơh?”49Yàc Je-su hẽ: “Kơu ôh kađòc kamlai ãp, pa-vlữq wỡq, kơu sơuỗt mơyòp Ama kơu, dòq pơnõq ung nữn siẽq siẽl kơu.50Vơnah tơmo, kơu ôh duah kaya gơhluh drơi hũ; hũ sa Pitao duah iãq sì chahrơna.51Iỡuq viãq, iỡuq viãq, kơu đơp viãq sì pơnõq ung, mơyah làiq mơnuĩh halơi rơmiãq jàc pơnuaĩq kơu, nữn mơnuĩh nữn viãq ròq ôh tũq halơi bôh kaya mơtai tãl trôh gãm gãm.”52Mơnuĩh Ju-đa đơp sì Pitrai: “Nữn tũq nĩ pơnõq hlãq thơu làiq ung kađòc kamlai ãp. A-bra-ham sì dơgrữq mơnuĩh gơnuar hwơr kung mơtai, nữn ung vloh đơp: ‘Mơyah làiq mơnuĩh halơi rơmiãq jàc pơnuaĩq kơu, nữn viãq mơnuĩh nữn ròq ôh tũq halơi tơpa gãt kaya mơtai trôh gãm gãm.’53Nữn hayơu ung vloh prong rlao sì ung kõq A-bra-ham pơnõq hlãq hũ, la sa aràc mơnuĩh kung mơtai nữn yơh? Dơgrữq mơnuĩh gơnuar hwơr kung mơtai. Ung la asơi yơh vloh đơp yơu nữn?”54Yàc Je-su hẽ: “Mơyah làiq kơu sơuỗt mơyòp krơi rùp drơi, nữn kaya gơhluh kơu hũ ôh la kaya hagĩq; Ama kơu la Pitao sơuỗt mơyòp kơu, nữn vloh pơnõq ung angãn Pitao nữn làiq Pitrai la Yàc Pô Lơngĩq drơi hũ.55Pơnõq ung ôh thơu Pitrai, nữn kơu thơu Pitrai. Mơyah làiq kơu đơp làiq: ‘Kơu ôh thơu Pitrai,’ nữn kơu kung la mơnuĩh đơp lor drưh yơu pơnõq ung. Bôh làiq yơu nữn, kơu thơu Pitrai sì rơmiãq jàc pơnuaĩq Pitrai.56Ung kõq pơnõq ung la A-bra-ham, song uỗt sơh tồq pơlih iãq bôh harơi kơu hũ, nhũ song bôh sì sơh sơr.”57Yơu nữn la, mơnuĩh Ju-đa đơp sì Pitrai: “Ung ôh-ka hũ tãl lơmã plôh thũt, nữn ung đơp song bôh A-bra-ham yơh?”58Yàc Je-su đơp sì pơnõq nhũ: “Iỡuq viãq, iỡuq viãq, kơu đơp sì pơnõq ung, hlơu sì tũq hũ A-bra-ham, kơu HŨ GÃM.”59Kơyua nữn, la pơnõq nhũ duỡt patơu tồq sơga prah Pitrai, nữn Yàc Je-su pleh nao sì tơviãq nao suãh mưng sàc talơvãt.
FAR EAST BROADCASTING COMPANY