Job16
1Pecai Job sam keli eh ranggai,2“Ih cikenzwa ma kekiee ge siu; nnui au pelane milungrei peei kebeumedung lie.3Kemtasamdung de penli bam zieni? N da daipai ge maubam dino cide nang n sam ainzwa keli kegai?4Nang nzwa Ih de rang lubui lie, magade nang be a bam ga bam liecai; Ih samdung peei hekwa lwe nah sam cidung teu ncüt lwe ncu renia lubui nah a peu kengak eh ncu henui tei lubui lie.5Ih a mui ge le ncu tei ngkieng luzie, nah a muileu mlai delwe lungciep ncu teugwang beu zie!6Ih marang liede, a lungrei au cam swa luma; Ih marang mtakdi liede, dainzwa acu ngha lulai?7Dede cu au, Tinggwang, nang acu tei pwa peu leu dida; nang a kelak de teu tsamciak dida.8Nang acu peu ki dida, ainzwa kecu Ih akatei de acu ci dida; Ih ki kedi a pum aide acu renia cuh zeu da, nah a zu de renia kecu tei kelia ge dida.9Tinggwang pe rata le acu teurak dida nah acu tei keherei; pe rata le pe gei geigim bam dida; pa acu teurak kebam a ngauraume acu pe miak le pieling bam.10Minadung acu twagwa lwe penui mui ngnga pwa bam dida; penui acu samdau lu kemakne a zu gage kepeu; penui ngngwa ngkwalu eh acu renia dida.11Tinggwang acu pwa pecu cikemakme ba gage kai, nah acu kelien pwa mina kesiame ba gage kaibeu.12Ih au mtak bam ge, pa acu tei pangpop dida. Kesang, pa a ngwang hekiplu delwe acu tei kecai dida; pa au acu tei kera kaa bam dida.13Pe lakpi kekapme acu twagwa pwa bamla; Tinggwang a nkeu kui di nah pa acu de mbaibeu meda; pa kideu reu gage a mau dui rui gai dida.14Pa a tangdeu gage dap daidai la; pa reugwame ge nzwa eh a reu gage pak gaila.15Ih rosopai dakpwa acu halu; Ih keumie hangdeu gage a kii kuipung bam dida.16Kehap ne a zu gierei bam dida; a miak kum ga ketsai mie la dida17matei kemsia au a ba ga gah liede, nah a kekie au mci liede.18Kideube, a jai gum di helo; peu a kehap de kemtak bam gede bam so.19Cu kecangde, pielo, a lam sap kera au tinggim ga bam; a tu tiak beu kerabe au kecehu ga bam.20A zangmedung acu mmau la, dede a miakdui au Tinggwang dage lwagai bam.21Ih peu midungge de a ziemne Tinggwang dade kie neulie mige pe kidabe ziemne tei beu kela nzwa!22Mmi kiee kemak ge gwang kedidau, Ih caili dai kelak bam ga Ih gwang dizie.
Bridge Connectivity Solutions Pvt. Ltd.