Meng Lai81
Mami dow Asaf kowh meng chekhai. Mami dow “Gitit” pami meng owi iawng natekah kown mih meng chekhai.
1Pe a-i kür mih Thurai kowi awmrawmma hown rowsiah diah,Jakawb kowh Thurai vüi atünma tek rowsi meng büa diah.2Tepla sawkchow se tarowng meng tek büa diah,tingteng hai taraw tün aiungma tep büa diah.3A-i kowh Lacher Pawi ni towng tum baw büa diah,now lacher pawi towng paw tum baw büa diah.4Naiawng nachang kown mih dow Israeluüa kowh rirow chekhai.Nami dow Jakawb kowh Thurai ari aiang chekhai.5Nami ari aiang dow nachünah kownkow aia pe a-i mih chekhai.Nami dow Aigupta prenchakuüa kowi aia ripah khe aia pe a-i mih chekhai.Katpaw ang taah dowi mih maru kowh laiklow ang ta lowk khai.6Aia tek mih, “Enni pangkawt kowi kowh kurdik ang uowtta enni khowk,adikma mih kharang krowng hownia ang pe khalatta enni khowk.7Enni kla phih khe enni haw ang hanow ang uang lawng enni khai,uangnim iiuma mih hownia ang uang klang enni khai.Now süngrüp süngkangma kowi kowh Meriba tuikuam re-e ang chaing enni khai.Nami dow ang nowng pe enni tui mih enni owm tak chünchü pakowh chekhai. [Sela]8“Ang maru-uüa low, ang kowh pringhawi lai sünta büa diah,Israeluüa low, ang kowh laiklow kowi enni pe ching kown mih ang nau.9Enni pungmadawng kowi akeng thuraiuüa hang pacham uowi lah,akeng thuraiuüa kowi chup paw hang cham chup büa diah.10Ang CHAKRAMANG dow enni kowh Thurai chekhai,Aigupta pren hownia uang lawtla enni mih dow ang chowtaih.Naiawng rakowi enni nau mih sia ang tut-e uang lü büa diah;nahanow enni lü mih srui ang nape enni kown taih.11“Nachenganchepaw ang maru-uüa mih ang kowh laiklow sünta dowi,Israeluüa mih ang kowh laiklow chün kown nau dowi chekhai.12Naiawng rakowi amatni kowi dow saktuak khawtma hown ang pe changah lup khai,amatni kowi dow amatni nau iawng ang pe changah khai.13“Owh, ang maru-uüa che ang laiklow chün khai panü,Israeluüa che ang tiama kowi mang khai panü dow,14amatni kowh ransu-uüa kowi alenma ang nape sumah kown chowdiah,ang kowh hawmlawm rut hown amatni kowh ransu-uüa kowi ang nakingküaah kown chowdiah.15“Sui ang miuüa kowi dow ang pur kowi ang nape khamah sum kown,amatni kowi dow chowngchowng saksakma ang naripah kown.16Nachenganchepaw Israeluüa kowi dow lang iung mih püm ang nape chaah kown,now thia takra kowi kowh kuai tui hown aduma amatni kowi ang natowah kown,” pakhai.The Seed Company