Meng Lai124
Mami dow David kowh meng chekhai. Mami dow Thurai chup kim kowi kowkowi khe kowh meng chekhai.
1Israeluüa maiawng pacham tek lah,“CHAKRAMANG che tawi tangila anging dowi e dow,2ransu-uüa uang sen anging mih khin khe,amatni kunmarau anging mih khin khe,amatni dow asing nachata anging kown chowdiah.4Tui lawt khe kowh iawng amatni dow nawmla anging kown chowdiah,hawr dawilawi mih tui sa hown nawmla anging kown chowdiah.5Talowng phunglung mih tui anging luk iawng nauang hawr kown chowdiah,” pahai pacham tek lah.6CHAKRAMANG dow ransu-uüa rut hownia towkala anging khai.Naiawng rakowi CHAKRAMANG dow akiow pacham uowi lah.7Chakmit mih leng hownia uakling ia powt iawng,ransu-uüa hownia anging paw ia powt khai.Ransu-uüa thang anging mih leng dow tarai khai,now nami hownia anging ia powt khai.8Anging kowh khowngra uang ting mih dow CHAKRAMANG hownia chowtaih,aia dow krawng hai mukuang thawp miia chekhai.The Seed Company