Yọsua16
Udeeme Isọñ Nnọọ Ifrem ye Manase
1Udeeme isọñ nnọ Yosef aketọọñọ ke Yọdan, ke mme idịm Yeriko ke edem usakkautịn, ato do asaña ke akpautatan akewuọ abod-abod idʌñ Beteel.2Ato ke Beteel (a-adooho Luus), ndin aboiyo adaña mbon Akaid ke Atarọd,3asọiyọ ke edem usobutịn asaña ke adaña mbon Yafled tutu akewuọ Usuuk Bed Họrọn ye Kesa, aketre ke Akpainyañ Mediterenia.4Ke ntoro Manase ye Ifrem, nditọ Yosef, emaebọ udeeme ammọ.5Adaña nditọ Ifrem ke ubon ke ubon, ekedo ami:Adaña udeemeñkpọ ammọ aketọọñọ ke Atarọd Ada ke usakkautịn akewuọ Anyọñ-anyọñ Bed Họrọn6anyʌñ akaiso akewuọ Akpainyañ Mediterenia. Tọọñọ ke Mikmetaad ke adoro anye amaakanna ke ukañ usakkautịn akaa Taanad Silo, aboiyo do akaa Yanowa ke usakkautịn.7Ndin anye amaato ke Yanowa akaa Atarọd ye Naara, atuuk Yeriko ndin akewuọ Yọdan.8To ke Tapua adaña ado amaakaa Abedeñ Kana ke usobutịn aketre ke Akpainyañ Mediterenia. Udeemeñkpọ esiin nditọ Ifrem akedo ami, ke ubon ke ubon.9Udeeme ammọ amaasịne afịd abio ye esịd idʌñ e-ekediaññake enịm enọ nditọ Ifrem ke atu udeemeñkpọ nditọ Manase.10Ammọ ikibịnne mbon Kenan se ikidʌñ ke Kesa; mbon Kenan esʌk edọdʌñ ke atu nditọ Ifrem tutu awuọ mfịn ami, ado ana ammọ enam utom nte mme ifʌn.
Biblica, Inc.