Faarotikaa Maxaafa61
Gargaarsakee Soodatendeexxa Soodachcho
Faarsaleeyyetike Sooresi'a kiraaruwwik Daawwitixxa Faaro.
1Ee, Magenoo! Raare anxa caqasi;soodachcho anxanna laqi.2Jibbaate gophe'ebuttatike kasanaa'n atiba'aa raarannen,lumoke kinji hana anee'e sa'issi.3Ati anke gollan;naaphakenaa'n itti baajannoxxe anxe jabaxxe xeleephphon.4Baro anka duuchcha duunkaana atik giddo hedha'n atixxe heqqa hunda gollatannoke anee'e assi.5Ee, Magenoo! Ati werreegenneka werreega laqqe'eeten;atika summa sodaataake manni'a uuttetteka qoobbo ani'anna uutteetten.6Moyanjiinka hedhotika baro qeers;wogga isixxanna ilatenaa'n heddo ila qico'n lebi.7Ati edo baro duuchcha moyaashsha assi;atixxe duuchchi woddixxe jaalalanninna xuurameessumma atixxenni isoo heqqi.8Werreegenneka werreega barra barra'ninni shiqishannon,duuchchi woddanna summa atika galatiinxe faaronni saadannon.The Word for the World International