Faarotikaa Maxaafa11
Duuchchi Woddike Gootta'n Addataa
Faarsaleeyyetike akeekisanji'a Daawwitixxa faaro
1Duuchchi Woddiki Gootti anke gollan;hitta anee'e, «Ci'atishsha koobuwwatibaa phirri hite me'i» hitina.2Cubbaaleeyye Mageniinka manna balleessito'a dukkanna giddo gaadaan;Magnika manna shilto'a gabe ifixxa qophpheessexxeen.3Seerikinna galdumi diigemaa woddaMageniink manji maa assa dande'a?4Duuchchi Woddiki Gootti dunkaana ifike'ni hedheen;moote isixxinna iimate'n hexxeen;isi manji hujeexxa duuchcha ege'ne'een;ille isixxinna duuchchinga affaan.5Duuchchi Woddiki Gootti kinni qullichchanna cubbichcha hega uudaan;fuggoxxa eeyyaaka kinni jibbaan.6Isi kinni fuggaaleeyyete'n kashilonna ha'yaaka kinjo gansiisaan;gubbaaxxe hobonbaltenninna insa'nee xixaan.7Duuchchi Woddik Gootti qullichchake kademmaxee eloxxa hujaake eeyyaan;eloxxa assaaki duuchchinna isinni welti hedhaan.The Word for the World International