Matthew17
1Prau năr a lưr, Siđăch Yêsu văt bây Phi-e-rơ, nggâm Ya-cơ bây Yăng, cồ ŏh nĕh, en Siđăch iau ayh khây nĕh tăm simơ hao tât du vwây gŭng prĭh.2Maq ling Siđăch de gĕh wâr nơm a vôq măt khây nĕh, en măt Nĕh sol dân ca măt năr, hôm ao Nĕh gĕh jêng sindraq dân ca silang.3En sên tĭq, Môi-se nggâm Ê-li phưt lŭh a vôq khây nĕh, nhai păch bây Siđăch.4Vrêq heq, lăm pơq camvŭm, Phi-e-rơ nhai bây Siđăch Yêsu: “Cŭh Siđăch, yăh lŭng an vơn lăm gŭq u heq. Hê Gru cơnh, ănh tatao u heq pe lâm vadai — du lâm an Gru, du lâm an Môi-se en du lâm an Ê-li.”5Sŭng lăm nĕh hôm nhai, en sên tĭq, du lawang tŭq silang vrưng tang khlop khây nĕh, en sên heq, du camvŭm nhai u sŭng lawang tŭq, pành: “Heq cồ Con sinđach Ănh de, cồ Ănh rom nuih talaq u Con. Căh chăng bây Con nŏq.”6Lăm chăng en, khây con tuyh vông gasưt măt, bây phŭng candŭh vyăq lŭng.7En Siđăch Yêsu, lăm saq tât mơch en baq lăp khây nĕh, gĕh nhai: “Tao yăq vồh, bây vâng phŭng candŭh vầy.”8Cồ canŏq lăm pơq măt vơn de tămhơch hao, khây nĕh đăng sây vu lây aling du mvu Siđăch Yêsu.9Sŭng lăm khây nĕh a vlơ gŭng saq jưr. Siđăch Yêsu lŭh camvŭm an khây nĕh, pành: “Vâng đơm sĭq vlâq sinlơ gĕh sây heq bây vu lây an tât lăm Con Tamun gĕh tao rĭh sĭq vlâq a gatŭq chưt.”10Khây con tuyh nŏq lŭp Siđăch, pành: “Canŏq lŭh khây gru pađau ravwŏq nhai pành Ê-li phải tât lor lŏh?”11Vrêq heq, lăm âh camvŭm, Siđăch nhai: “Nhâng Ê-li nhâng tât en ôp sĭq vlâq ăp vrŭq.12Cồ canŏq Ănh nhai bây pôp ŏh pành Ê-li gĕh tât èn, en khây nĕh đăng singgal lŭh nĕh. Ala lăp nŏq, khây nĕh ôp lôch sinlơ cồ khây nĕh cơnh bây Ê-li. Khoi dân canŏq, Con Tamun mơch vlam lŏh sat payh ơ khây nĕh.”13Lăm nŏq, khây con tuyh gưt dân pành Siđăch nhai bây khây nĕh sĭq Yăng Bap-tit.14Lăm tât bây mintan con văl en, du mvu tamun klô tât mơch Siđăch, chŏl nkrŭng jưr a vôq Siđăch15bây nhai: “Ơ Siđăch, wĭnh sinđach con klô ănh de, mvăc nĕh ji nrui en ji canhjŏq lŭng nggơi, mvăc nĕh uĕh tavông lăp sŭng ŭnh, bây uĕh tarŏh jưr daq.16Ănh gĕh văt nĕh tât an khây con tuyh Cô de, cồ canŏq khây nĕh đăng lôch prơn chĕq jâc yăh an nĕh.”17Vrêq heq, lăm âh sĭq vlâq, Siđăch Yêsu nhai: “Ơ chhe njang đăng tôq bây chroc voc tĭq, Ănh gŭq bây khamay an tât lăm lây heq? Văq nong khamay an tât dâng lây heq? Văt con se nŏq tât heq an Ănh.”18Siđăch Yêsu chĭh lăh chaq, nŏq chaq saq lŭh ntrăch a con se, en nĕh gĕh jâc yăh a lăm nŏq.19Alưr nŏq, lăm tât ayh bây Siđăch Yêsu, khây con tuyh nhai: “Păch tơm tu lây nŏq khananh đăng dăh chaq nŏq lŭh gĕh?”20En Siđăch nhai bây khây nĕh: “Payh ơ sinlơ tôq takiq pôp ŏh de. Mvăc nhâng, Ănh nhai bây pôp ŏh, hê pôp ŏh gĕh sinlơ tôq dân ca nggrăp pai savi, nŏq pôp ŏh nhai bây vwây gŭng heq: ‘Nre a gatŭq heq tât gatŭq tĭq,’ nŏq nĕh nre saq, en đăng gĕh păch lây pành ôp đăng gĕh an pôp ŏh.”21[Cồ canŏq, sinlơ chaq heq đăng dăh gĕh hê đăng don sinlơ vơu ngwân bây ât sa.]22Vrêq heq, sŭng lăm khây con tuyh vatom sĭq vlâq u Ga-li-lê, Siđăch Yêsu nhai bây khây nĕh: “Con Tamun mơch gĕh dơp lăp sŭng ti vu,23en khây nĕh tachưt Nĕh chĕq, en sŭng năr di pe, Nĕh gĕh ôp an tao rĭh sĭq vlâq.” Khây con tuyh jêng jưr nuih vyăq lŭng.24Lăm nŏq, lăm khây nĕh saq tât palây Ca-bê-na-ŭm, khây tamun wŏq jên pâng ya nhi Cŭh tât bây Phi-e-rơ en lŭp: “Gru pôp de đăng pâng ya an nhi cŭh uy?”25Phi-e-rơ âh pành: “Gĕh”. En lăm lăp sŭng nhi, Siđăch Yêsu pơq mŭnh bây nĕh lor pành: “Ơ Si-môn, pôp sinâng păch lây canŏq? Khây vatau vlơ ntĕh wŏq jên ha ya a vu lây? A ŏh con khây nĕh ha a tamun u ling?”26Lăm âh camvŭm: “A tamun u ling.” Siđăch Yêsu nhai bây nĕh: “Canŏq ŏh con gĕh gŭq ngăn.27Cồ canŏq chĕq khây nĕh đăng tachĭh jâng payh ơ vơn, nŏq lăm saq lŭh tu daq lênh, pôp căh trŏh candar en đưc vanông ca vôq lĕq hao. Lăm tahaq mŭnh nĕh lŭh, pôp sây gĕh du păndŏh jên. Nhŭp gĕh jên nŏq en, căh pâng an khây nĕh lôch an Ănh bây pôp.”
FAR EAST BROADCASTING COMPANY