Sálumu93
Aburemei Urúeibei!
1Aburemei arúeihabei! Dáüguaali Bungiu lau uéiriguni, geyeguagüda ligía ubafu laugua! Derebugugüda lumuti Bungiu ubóu lun mánhingichun lan.2Lúmagiñe dan ligía, Aburemei, derebuguñu liña lálana barúeihan. Abunheingubeiñadibu lúmagiñe furumiñeti dan!3Aburemei, ahuuhati burí duna le éibaaguati, ma luéinamun labounhan;4arúeihati Bungiu sielu lau ubafu. Héreti luéi lugudi barana, gabafu ligía luéi lahuuhan barana.5Aburemei deregüdati bugumadin. Sándutu buban lun sun dan!Bible Society of Honduras