Sálumu23
Aburemei núniribei
1Nabureme óunigirubalina, kei lóunigiruniña amainiruti mudún mudún, ligía ua lubéi nemegeirun.2Emeraaguagüda lumutina lidan sagadi le hilumati, barǘ lumutina larun burí duna le darangilati,3ruti iseri erei nun, adundeha lumutina luéigiñe üma le richabei, ítara kei füramase lani.4Íbini násügürün lídangiñe fulasu le búrigatimabei le lánina óunweni, manufudebadina ni ka uéi, ladüga buguya, Nabureme, númañadibu; góunigi bumutina lau buewen luma bubadun.5Aransedibu dábula lau éigini nubá hagibugiñe náganiñu; séhadibu ibiñein nábulugun lun bíchugun inebesei nun. Buíngüda baali nikopun darí lun látuhan.6Falá lumutina bareini luma bínsiñehabu lidan sun nabagaridun, ani naganóuba tidan buban Nabureme lun súnwandan.Bible Society of Honduras