KATAGARDA ISHIPA14
Kagbanigbani ka uma n tsulau tsu le
Kadanshi a kubana u vuza vu kelime vi ishipa: Vishipa vu Dawuda: a kubana u ma̱zuɓi.
1Alau a tsu dansa ta̱ a̱ɗu e le,<<Babu Ka̱shile.>>A̱ na̱mgba̱ ta̱ ra̱ka̱ vu le, ulinga u le ili yi unata i ɗa,babu vuza na u ci yaꞋan ili i na yi derere.2Vuzavaguɗu wu indanai uma ɗe gaɗi,we ene ko aza e kuyeve i ta̱ punu,vuza a na wi a̱ kula̱nsa̱ u yeve Ka̱shile.3Ra̱ka̱ vi le a̱ ka̱sukpa̱ ta̱ uye,dem vi le a̱ puwa̱nka̱ ta̱,babu vuza na wi a kuyaꞋan ka̱ ma̱riki,ko vuza te.4Ko i n kuyeve ba?Aza a na i kuyaꞋan ka gbani-gbani ka,i n kuyeve ba?A tsu takuma ta̱ uma tsu boroji,kpamu a ci yaꞋan avasa u Vuzavaguɗu ba.5Ama a̱ rikpa̱ ta̱ adama o wovon,adama a na Ka̱shile ki ta̱ koɓolo n uma a usuɓi.6A̱ɗa̱ uma a gbani-gbani,i tsu la̱nga̱sa̱ ta̱ ulinga wa aza a unambi,ama Vuzavaguɗu ɗa ubuta̱ u kusheɗeku u le.7Ishi baci a dana wishi wi Isaraila,wu uta̱ ta̱ a Sihiyona.ayin ana Vuzavaguɗu u bonokoi uma a̱ ni una̱singai u le,ntsukaya n Yakubu mi ta̱ a kuyaꞋan ma̱za̱nga̱.aza a Israila a pana u yoꞋo.