La Amɛ34
Mawu yi jemi la
1I ma na Mawu si daa ngɛ nɔ́ fɛɛ nɔ mi, nɛ e yi jemi be ye nya mi tae ligbi ko.2I ma fiã kɛ fɔ e mi mi jɔmi nɛ e ngɛ kɛ ha mi ɔ nɔ. Nihi kulaa nɛ ngɛ nɔ́ nae ɔ, a na tsui.3Nyɛ ha nɛ waa pee kake kɛ je Mawu yi, nɛ waa wo e biɛ ɔ hɛ mi nyami.4I kpa ngmlaa kɛ tsɛ lɛ nɛ e he mi nɔ. E je mi kɛ je gbeye nɛ i ngɛ yee ɔ kulaa mi.5Nihi nɛ woɔ a hɛ mi nɔ nɛ a hyɛɔ lɛ ɔ, a hɛ mi kpɛɔ, nɛ a hɛ mi be si pue ligbi ko.6Nyumu ohiafo nɛ ɔ kpa ngmlaa kɛ tsɛ Yehowa, nɛ Yehowa bu lɛ tue nɛ e je lɛ kɛ je e nɔ́ nami ɔmɛ a mi.7Ejakaa Mawu Bɔfo ɔ buu ni nɛmɛ nɛ buɔ lɛ tue ɔ a he, nɛ e kpɔɔ mɛ kɛ jeɔ haomihi a mi.8Nyɛ wo nyɛ he kɛ ha Mawu nɛ nyɛɛ hyɛ ha, nɛ nyɛ maa na kaa e hi. A jɔɔ nihi nɛ saa we ngɛ e ngɔ.9Ke Mawu nɔ ji mo ɔ, moo ye lɛ gbeye, ejakaa nɔ tsuaa nɔ nɛ peeɔ ja a, e nine suu nɔ́ fɛɛ nɔ nɛ he ngɛ lɛ hiae ɔ nɔ.10Jata bimɛ po hwɔ yee mɛ, se nɔ́ kpakpa ko he hia we nihi nɛ yee Mawu gbeye ɔmɛ.11Ye bimɛ, nyɛ ba bu mi tue nɛ ma tsɔɔ nyɛ nɔ́ he je nɛ Mawu nɔ hemi kɛ yemi kɛ e gbeye yemi he hia.12Mɛnɔ suɔ je mi si himi kpakpa kɛ wami se kɛmi?13Moo hyɛ o lilɛ saminya, nɛ o hyɛ o he ngɛ lakpa yemi he.14Moo jɔɔ yayamihi nɛ o le nɛ o peeɔ ɔ tsuo, nɛ o pee kpakpa. Bɔɔ mɔde nɛ o kɛ nɔ tsuaa nɔ nɛ hi si ngɛ tue mi jɔmi mi. Moo di enɛ ɔ se wawɛɛ.15Mawu hɛ ngɛ dali a he nɛ e buɔ a tsɛmi tue.16Mawu to e yi mi nɛ e ma kpata yayami peeli ɔmɛ a hɛ mi, nɛ a be mɛ kaie tete po ngɛ zugba a nɔ.17Dali ɔmɛ tsɛɔ lɛ nɛ e buɔ mɛ tue nɛ e heɔ a yi wami kɛ jee haomi mi.18Mawu ngɛ nihi nɛ ngɛ haomi mi ɔ a kasa nya kpakpaakpa; nɛ e heɔ nihi nɛ a he yayami dɔɔ mɛ ɔ a yi wami.19Nɔmlɔ kpakpa a, e yi e he kɛ ji haomi fɛɛ haomi mi, lɛ hu haomihi baa e nɔ. Se Mawu yeɔ kɛ buaa lɛ ngɛ eko fɛɛ eko mi.20Mawu buu e he tete kɛ jee oslaa mi nɛ e wu ko kui.21Amanehlu maa ba dikali ɔmɛ a nɔ bɔ fɛɛ bɔ nɛ ji; nɛ a maa gbla nihi nɛ nyɛɛ dalɔ ɔ a tue wawɛɛ.22Se nihi nɛ sɔmɔɔ Mawu ɔ, e ma kpɔ mɛ; nɛ nɔ tsuaa nɔ nɛ saa we ngɛ e ngɔ ɔ, a maa ngɔ e he kɛ ke lɛ.Biblica, Inc.