Read လုကာ 17

လုကာ17

ခွင့်လွှတ်ခြင်း/နှင့် ယုံကြည်ခြင်း/အကြောင်း သွန်သင်တော်မူခြင်း

¹တစ်နေ့/တွင် ယေရှု/က တပည့်တော်တို့/အား “အပြစ်/ကျူးလွန်/စေရန် ဖြားယောင်း/သွေးဆောင်သော/အရာများ/သည် ဧကန်အမှန်/ရှိမည်။ သို့ရာတွင် အပြစ်/ကျူးလွန်စရာ/အကြောင်း/ကို ဖြစ်စေသော/သူ/သည် အမင်္ဂလာ/ရှိ၏။²ထို/သူ/သည် ဤ/ကလေးငယ်များ/ထဲမှ တစ်စုံ/တစ်ဦး/ကို မှားယွင်းစရာ/အကြောင်း ဖြစ်စေခြင်း/ထက် လည်/၌ ကြိတ်ဆုံကျောက်/ကို ဆွဲ/လျက် ပင်လယ်/ထဲသို့ ပစ်ချခံရခြင်း/သည် သူ့/အတွက် ပို၍/ကောင်း၏။³သင်တို့/သည် သတိရှိကြလော့။ အကယ်၍ သင်/၏/ညီအစ်ကို/သည် သင့်/ကို/ပြစ်မှား/လျှင် ဆုံးမလော့။ နောင်တရ/လျှင် ခွင့်လွှတ်လော့။

⁴သူ/သည် သင့်/ကို တစ်နေ့/တွင် ခုနစ်ကြိမ်/ပြစ်မှား/လျက် ပြစ်မှား/သည့်/အကြိမ်/တိုင်း ပြန်လာ/၍ ‘ကျွန်ုပ်/နောင်တရပါပြီ’ ဟု တောင်းပန်/လျှင် သူ့/ကို ခွင့်လွှတ်လော့” ဟု မိန့်တော်မူ၏။

⁵တမန်တော်တို့/က သခင်ဘုရား/အား “အကျွန်ုပ်တို့/၏/ယုံကြည်ခြင်း/ကို တိုးပွားစေတော်မူပါ” ဟု တောင်းလျှောက်ကြ၏။

⁶သခင်ဘုရား/က “သင်တို့/တွင် မုန်ညင်းစေ့/ခန့်မျှသော ယုံကြည်ခြင်း/ရှိ/ပါက ပေါက်/လျက်/ရှိသော ဤ/ပိုးစာပင်/အား ‘အမြစ်/မကျန်/ကျွတ်/၍ ပင်လယ်/ထဲ/၌ စိုက်စေ’ ဟု အမိန့်ပေး/လျှင် ထို/အပင်/သည် သင်တို့/စကား/ကို နာခံ/လိမ့်မည်။

⁷သင်တို့/၏/အစေအပါး/သည် လယ်ထွန်ရာ/မှဖြစ်စေ၊ သိုးကျောင်းရာ/မှဖြစ်စေ ပြန်လာ/သောအခါ ‘အလျင်အမြန်/လာပြီး ငါ/နှင့်အတူ စားသောက်လော့’ ဟု သင်တို့/တွင် မည်သူ/ပြောမည်နည်း။⁸ထိုသို့/မဟုတ်ဘဲ ‘ငါ့/အတွက် အစားအစာများ/ကို ပြင်ဆင်လော့။ သင်/၏/ခါးစည်းဝတ်/ကို/စည်း/၍ ငါ/စားသောက်/နေစဉ်/အတွင်း ငါ့/အား/အစေခံလော့။ ထို့နောက်/မှ သင်/သည် စားသောက်လော့’ ဟူ၍ ပြော/လိမ့်မည်/မဟုတ်လော။⁹အစေခံ/သည် မိမိ/ဆောင်ရွက်ရမည့်/တာဝန်/ကို လုပ်ဆောင်ရခြင်း ဖြစ်/သောကြောင့် အလုပ်ရှင်/သည် သူ့/ကို ကျေးဇူးတင်မည်/မဟုတ်။¹⁰ထို/နည်းတူ သင်တို့/သည်လည်း သင်တို့/ဆောင်ရွက်/ရမည့် အရာ/အားလုံး/ကို လုပ်ဆောင်ပြီး/သောအခါ ‘အကျွန်ုပ်တို့/သည် ထိုက်တန်သော/အစေခံများ/မဟုတ်ပါ။ မိမိတို့/ဆောင်ရွက်ရမည့်/တာဝန်များ/ကို ဆောင်ရွက်ခဲ့ရခြင်းသာ ဖြစ်ပါသည်’ ဟု ဝန်ခံ/ရမည်” ဟူ၍ မိန့်တော်မူ၏။

အနာကြီးရောဂါသည်/ဆယ်ဦး/အား ကျန်းမာစေတော်မူခြင်း

¹¹ယေရှု/သည် ဂျေရုဆလင်မြို့/သို့ ခရီးဆက်တော်မူ/စဉ် ဂါလိလဲပြည်/နှင့် ရှမာရိပြည် ကြား/သို့ ဖြတ်/၍ ကြွတော်မူ၏။¹²ရွာ/တစ်ရွာ/သို့ ဝင်/သောအခါ အနာကြီးရောဂါသည်/ဆယ်ဦး/တို့/သည် အဝေး/၌ ရပ်/လျက်¹³“သခင်/ယေရှု… အကျွန်ုပ်တို့/ကို သနားတော်မူပါ” ဟု အော်ဟစ်ကြ၏။

¹⁴ယေရှု/သည် သူတို့/ကို/မြင်/သောအခါ “ယဇ်ပုရောဟိတ်များ/ထံသို့ သွား/၍ မိမိ/ကိုယ်/ကို ပြကြလော့” ဟု မိန့်တော်မူ၏။ သူတို့/သည် သွားကြ/စဉ် သန့်ရှင်းစင်ကြယ်ကြကုန်၏။

¹⁵ထို/သူတို့/အထဲ/မှ တစ်ယောက်သော/သူ/သည် ရောဂါပျောက်ကင်းကြောင်း သိမြင်/သောအခါ ယေရှု/ထံ ပြန်လာ/၍ ဘုရားသခင်/၏/ဘုန်းတန်ခိုးတော်/ကို အော်ဟစ်/ချီးမွမ်းလေ၏။¹⁶သူ/သည် ယေရှု/၏/ခြေတော်ရင်း/၌ ဝပ်တွားခယ/လျက် ကျေးဇူးတင်လေ၏။ ထို/သူ/သည် ရှမာရိ/လူမျိုး/ဖြစ်၏။

¹⁷ထိုအခါ ယေရှု/က “လူ/ဆယ်ယောက်/အား သန့်ရှင်းစင်ကြယ်/စေခဲ့သည်/မဟုတ်ပါလော။ အခြားသော/ကိုးယောက်/သည် အဘယ်မှာနည်း။¹⁸လူမျိုးခြား/ဖြစ်သော ဤ/လူ/တစ်ဦး/မှအပ ဘုရားသခင်/၏/ဘုန်းတန်ခိုးတော်/ကို ချီးမွမ်းရန် ပြန်လာသော/သူ တစ်ယောက်/မျှ မရှိကြသလော” ဟု မေးတော်မူပြီး/မှ¹⁹ထို/သူ/အား “ထ/၍ သွားလော့။ သင်/၏/ယုံကြည်ခြင်း/သည် သင့်/ကို ကျန်းမာစေပြီ” ဟု မိန့်တော်မူ၏။

နိုင်ငံတော်/ပေါ်ထွန်းလာမည့်/အချိန်

²⁰တစ်နေ့/သောအခါ ဖာရိရှဲတို့/က “ဘုရားသခင်/၏/နိုင်ငံတော်/သည် မည်သည့်/အချိန်/တွင် ပေါ်ထွန်းမည်နည်း” ဟု မေးလျှောက်ကြ၏။
ထိုအခါ ယေရှု/က “ဘုရားသခင်/၏/နိုင်ငံတော်/သည် မြင်နိုင်သော/လက္ခဏာများ/နှင့်အတူ ပေါ်ထွန်းမည်/မဟုတ်။²¹ကြည့်လော့။ ‘ဤ/နေရာ/၌ တည်သည်။ ထို/နေရာ/၌ တည်သည်’ ဟူ၍/လည်း မဆိုနိုင်ပါ။ အဘယ်ကြောင့်ဆိုသော် ဘုရားသခင်/၏/နိုင်ငံတော်/သည် သင်တို့/အထဲ/၌ တည်/လျက်/ရှိသည်” ဟု မိန့်တော်မူ၏။

²²ထို့နောက် တပည့်တော်တို့/အား “သင်တို့/မြင်တွေ့လိုသည့် လူသား /၏/နေ့ရက်များ/ထဲမှ တစ်ရက်/သည် ရောက်လာ/လိမ့်မည်။ သို့ရာတွင် ထို/နေ့ရက်/ကို သင်တို့ မြင်တွေ့ရ/လိမ့်မည် မဟုတ်ပေ။²³လူတို့/က ‘ထို/နေရာ/ကို ကြည့်လော့။ ဤ/နေရာ/ကို ကြည့်လော့’ ဟု ပြော/သော်လည်း သူတို့/နောက်သို့ လိုက်/၍ မသွားကြနှင့်။²⁴လျှပ်စီး/လက်/သောအခါ မိုးကောင်းကင်/တစ်ဖက်/မှ အခြား/တစ်ဖက်/သို့ ထွန်းလင်း/သကဲ့သို့ လူသား/ကြွလာသော/နေ့ရက်/၌/လည်း ထိုသို့/ဖြစ်/လိမ့်မည်။²⁵သို့ရာတွင် သူ/သည် များပြားလှသော/ဝေဒနာ/ကို ဦး/စွာ ခံရမည်/ဖြစ်ပြီး ဤ/မျိုးဆက်/၏/ငြင်းပယ်ခြင်း/ကို ခံရမည်။

²⁶လူသား/သည် ပြန်ကြွလာ/သောအခါ နောဧ လက်ထက်/၌ ဖြစ်ပျက်/သကဲ့သို့ ဖြစ်ပျက်/လိမ့်မည်။²⁷ရေလွှမ်းမိုးခြင်း/မတိုင်မီ ကာလ/၌ နောဧ/သည် သင်္ဘော/ထဲသို့ ဝင်သည့်/နေ့/အထိ လူတို့/သည် စားသောက်/လျက်၊ လက်ထပ်ယူ/လျက်၊ လက်ထပ်/ပေးစား/လျက် နေ/၍ ပျော်ပါးနေကြ၏။ ထို့နောက် ရေလွှမ်းမိုး/၍ ထို/သူတို့/အားလုံး/သည် သေကျေ/ပျက်စီးကြ၏။

²⁸ထို/နည်းတူ လောတ/၏/ခေတ်/၌ လူတို့/သည် သောက်စား/ပျော်ပါး/လျက်၊ ရောင်းဝယ်/လျက်၊ စိုက်ပျိုး/လျက်၊ ဆောက်လုပ်/လျက် နေကြ၏။²⁹သို့သော် လောတ/သည် သောဒုံမြို့/မှ ထွက်ခွာ/သည့် နေ့ရက်/၌ ကောင်းကင်/မှ ကန့်/နှင့်/ရောသော/မိုးမီး ရွာကျ/သဖြင့် သူတို့/အားလုံး/သည် သေကျေ/ပျက်စီးကြ၏။³⁰လူသား/ကြွလာသော/နေ့ရက်/၌/လည်း ထို/ကဲ့သို့/ပင် ဖြစ်/လိမ့်မည်။³¹ထို/နေ့/တွင် လသာဆောင်/ပေါ်တွင်/ရှိသော/သူ/သည် မိမိ/အိမ်/ထဲမှ ပစ္စည်းများ/ကို မယူဘဲ အောက်/သို့ ဆင်း/၍ ထွက်ပြေး/ရမည်။ လယ်/၌ ရှိသော/သူ/သည်လည်း အိမ်/သို့/မပြန်ရ။³²လောတ/၏/ဇနီး/ကို သတိရကြလော့။³³မိမိ/အသက်/ကို ကယ်တင်/ရန်/ကြိုးပမ်း/သူ/သည် အသက်/ဆုံးရှုံး/လိမ့်မည်။ မိမိ/အသက်/ကို ဆုံးရှုံးသူ/သည် အသက်/ချမ်းသာရ/လိမ့်မည်။³⁴သင်တို့/အား ငါ/ပြောဆိုသည်/မှာ ထို/ည/တွင် အိပ်ရာ/တစ်ခုတည်း/၌ အိပ်သော လူ/နှစ်ဦး/တွင် တစ်ဦး/သည် ခေါ်ဆောင်သွားခြင်း/ခံရ/၍ တစ်ဦး/သည် ကျန်ရစ်ခဲ့/လိမ့်မည်။³⁵အတူတကွ/ကြိတ်ဆုံ/ကြိတ်နေသော အမျိုးသမီး/နှစ်ဦး/တွင် တစ်ဦး/သည် ခေါ်ဆောင်သွားခြင်း/ခံရ/၍ တစ်ဦး/သည် ကျန်ရစ်ခဲ့/လိမ့်မည်။³⁶လယ်/ထဲတွင်/ရှိသော အမျိုးသမီး/နှစ်ဦး/တွင် တစ်ဦး/သည် ခေါ်ဆောင်သွားခြင်း/ခံရ/၍ တစ်ဦး/သည် ကျန်ရစ်ခဲ့/လိမ့်မည်” ဟု မိန့်တော်မူ၏။

³⁷တပည့်တော်တို့/က “သခင်… မည်သည့်/အရပ်/တွင် ဖြစ်ပျက်ပါမည်နည်း” ဟု မေးကြရာ ကိုယ်တော်/က “အသေကောင်/ရှိရာ/အရပ်/၌ လင်းတများ စုဝေးတတ်ကြသည်” ဟု မိန့်တော်မူ၏။

Biblica, Inc.

https://app.library.bible/content/c2a589603854f059