1 Kɔratə10
1Alaye əmə, mə yində nə yi ə pa ərə ə̂në ə wûtu gâ tə̂ alätä əzə̂ tə̂ alɔ Mayïzə kɔ, ə̂sə̂ nə ro e ro ne. Əndje nɔ̂, əndje nâ ana tshekudu andra , ə rô nɔ̂ lə ə̂ngû əngbrʉ Wara leme-e. 2Əndje nɔ̂, əndje zâ batamo lə andra nə də ə̂ngû əngbrʉ nə, ə̂në əndje tɔ̂ popo Mayïzə nə kɔ.3Əndje nɔ̂, əndje zɨ̂ kʉtə̂ rəgo yîrə̂ bale,4ə ndjû kʉtə̂ ə̂ngû yîrə̂ bale, mbrə ə̂në əndje ndjû ə̂ngû nə lə ə̈bə̈ əkpʉ yîrə̂ ə̂në ə sə̂ kə za äwä əndje leme-e kɔ, â əkpʉ səkɔ kə də̂ Kristə.5Bale, kə mbrə tə̂ alabə̈ azü nə ngbatshe lə takpa tə̂ əndje nə fʉ̂ fʉ̂ lə ala Ndjapä ne, âdârə ə̂në əndje tê ə tshû lə ngbûndû kɔ kə sə̂.6Kandää, marä tə̂ aərə səkɔ wûtu gâ tə̂ əndje ndə kə pa a wu kanika a ma əgo aəmbrʉ aərə ma mata ə̂në əndje mâ əgo nə leme-e kɔ ne.7E dö dö tə̂ e tə aawovrɔ aamba andjapä, mata ə̂në alabə̈ azü nə lə takpa tə̂ əndje nə mbrə̂ kɔ ne. Rə də̂ Fraka nə̂ Ndjapä pâ əpʉ ə pa: «Azü nə sə̂ gâ tʉ ndə kə pa əndje zɨ ərə ə ndju ərə, â mandânə, əndje âfɔ ndə kə du ə̂rû.» 8A zä zä əpʉ ə̂trû gâ tə̂ əzə̂ mata ə̂në alabə̈ azü nə lə takpa tə̂ əndje nə yî tə̂ əndje gâ lə nə leme-e, â azü sake zazü bale amanə vəta (23 000) tshû alɔ bale kɔ ne. 9A tä trä lɔsu Kristə, mata ə̂në alabə̈ azü nə lə takpa tə̂ əndje nə trâ â aəkrɔ lô əndje â əndje tshû leme-e kɔ ne.10E dɨ̈ dɨ̈ tsheləma e, mata ə̂në alabə̈ azü nə lə takpa tə̂ əndje nə dɨ̂ tsheləma əndje â trawaya kuzu nə̂ Ndjapä wô əndje kɔ ne. 11Aərə səkɔ wûtu gâ tə̂ əndje ndə kə pa azü wu â əndje tâ gâ lə fraka ndə kə pa əpʉ nə te gâ lə əgro ətu əzə̂ mbrə ə̂në a wûtu gâ tə̂ alɔ ndə kə pa tshepashɔ nglɔ gâ ye.12Ə̂në ə sə rə kɔ, əzü ə̂në tshə wu ə pa əne ka gâ lafɔ gâ ye, ala ye në ka tshə te te ne.13Aərə kə tra lɔsu e nɔ̂ ə̂në ə te gâ tə̂ e kɔ ə sə tə aərə ə̂në ə sə kə wutu gâ tə̂ azü nɔ̂ kɔ kə sə̂. Ndjapä sə kə mbrə ndəma ye alɔnɔ̂, tshə sə sə kə katə̂ e ndə kə pa aərə nə tra lɔsu e ə ro pâ e ne. Bale, lə ərə kə tra lɔsu e nə, tshə sə kə za awlra kə e ndə kə pa e ru ə ru ə za äwä kə e ndə kə pa e wutu lə nə.14Âdârə ə̂në, alaye əmə, ə̂në mə yində e ngbatshe kɔ, e kpë gashe tə̂ äwä kə vrɔ aamba andjapä.15Mə sə kə pa əpʉ kə e tə azü ə̂në e wûsə̂ ərə gâ ye. E-e də ə̂tə̂ e, e wü əpʉ gâ pâ əpʉ sə̂ ə̂në mə pa kɔ.16Kopo kə to ngwarə gâ pâ nə ə̂në a sə kə za mərshe mbrə nə kə Ndjapä kɔ, ə sə sə tə ərə ə̂në ə ngbo əzə̂ də ə̈ndjï Kristə nə gâ tə̂ nə ne a? Mapa ə̂në a ngɔ tshelə nə kɔ, ə sə sə tə ərə ə̂në ə ngbo əzə̂ də tshekotə̂ Kristə nə gâ tə̂ nə ne a? 17Ə̂në mapa nə sə kʉ bale, əzə̂ ə̂në a ngba ə ngba kɔ, a sə tə tshekotə̂ bale mbrə ə̂në əzə̂ nɔ̂, a zɨ kʉtə̂ mapa səkɔ bale.18E wü azü əgɔ Isərayalə: əndje ə̂në əndje zɨ aagia ə̂në əndje to əkrɔ də əndje gâ pâ gblaka kɔ, ə̈bə̈ ərə ngbo əndje ngbo də Ndjapä gâ tə̂ nə ne a?19Rəkɔ, mə yində kə pa atâ a? Dɔ̂ngɔ̂ agia ə̂në əndje tô də əkrɔ kə aamba andjapä kɔ wala amba ndjapä nə tɔ gâ tə̂ ə̈bə̈ ərə a?20Bale ne! Bale, ərə ə̂në azü ə to də əkrɔ kɔ, əndje to də əkrɔ nə kə aafrɔ ayirə̂, əndje to to kə Ndjapä ne. Kandää, mə yində nə yi ə pa ə̈bə̈ ərə ngbo e də aafrɔ ayirə̂ nə gâ tə̂ nə ne.21E lï lï ndə kə pa e ndju ərə lə kopo nə̂ Âgbɔ̂ Əyïngerə, ə ndju ndje ərə lə kopo nə̂ aafrɔ ayirə̂ äwä bale ne. E lï lï ndə kə pa e ngbo gâ tə̂ rəgo nə̂ Âgbɔ̂ Əyïngerə, ə ngbo ndje gâ tə̂ rəgo nə̂ aafrɔ ayirə̂ äwä bale ne.22Wala a yində kə pa a mbrə rə Âgbɔ̂ Əyïngerə nə mbrə manda a? A sə də awlra ə ro ətshə a?23Alabə̈ azü sə kə pa: «Əndje zâ äwä kə əzü ndə kə mbrə ərə nɔ̂», banda əpʉ, bale, ərə nɔ̂ sə sə tə ə̂rɔ̂ ərə mbrə əzü ne. «Əndje zâ äwä kə əzü ndə kə mbrə ərə nɔ̂», bale ərə nɔ̂ gbɔgbɔ əzü gbɔgbɔ ne.24Əzü bale pä prä kʉtə̂ ərə mbrə ətshə də ə̂tə̂ ye ne, bale tshə prä ərə mbrə angâ nə.25E zɨ̈ aərə nɔ̂ ə̂në əndje ka lə oka kɔ, e yü ətshe yü də ə̈bə̈ əpʉ bale gâ pâ nə ne, lɔsu e të gwa.26Mbrə ə̂në Fraka nə̂ Ndjapä pâ: «Ashɔ də aərə tshepashɔ nə nɔ̂ sə tə ənə̂ Âgbɔ̂ Əyïngerə.» 27Kədə ə̈bə̈ əzü ə̂në tshə wusə̂ Ndjapä wu ne kɔ kə e e ndə rəgo mâ ndə ye â e yində kə na mâ je, e zɨ̈ ərə nɔ̂ ə̂në əndje sə kə ko kə e kɔ. E yü ətshe yü də ə̈bə̈ əpʉ bale ne, lɔsu e të gwa.28Bale, kədə ə̈bə̈ əzü kə pa kə e ə pa: «Dɔ̂ngɔ̂ agia səye əndje tô də əkrɔ gâ ye», e zɨ̈ zɨ̈ ne, mbrə əzü nə ə̂në tshə pâ əpʉ nə kə e kɔ, ndje mbrə əpʉ tə̂ lɔsu əzü nə.29Mə pa pa ndə əpʉ tə̂ lɔsu e ne, bale mə pa ndə əpʉ tə̂ lɔsu əzü nə.
Mbrə yekɔ də̂ mâ tə̂ lɔsu ə̈bə̈ ata əzü kpî â tshə wa ngbanga gâ pâ kə mbrə ərə nə̂ əmə nə ndə tshelə əmə?30Kədə mə za mərshe kə Ndjapä â zɨ rəgo, ndə yekɔ də̂ əzü ə pa tə̂ əmə mbrə ərə nə ə̂në mə zâ mərshe kə Ndjapä mbrə nə gâ ye kɔ?31Rəkɔ, e â sə mə kə zɨ rəgo, e â sə mə kə ndju ərə, wala yekɔ də̂ e sə kə mbrə nə, e mbrə̈ ərə nɔ̂ ndə kə pa e mbe Ndjapä.32E sə̈ sə̈ tə ə̈bə̈ əkpʉ kanika ə̈bə̈ əzü bale, wala Agrakə, wala Ajuwufu, wala ə̈bə̈ əzü lə Laglizə nə̂ Ndjapä, za ə̈nü ye trɔ nə ə te ne.33E mbrə̈ tə̂ e mata əmə ə̂në mə pra äwä ndə kə pa mə mbrə aərə nɔ̂ ə fʉ lə ala azü nɔ̂ kɔ. Mə pra ərə pra mbrə əmə ne, bale, mə pra aərə mbrə azü ə̂në əndje ngba ə ro pâ nə kɔ kanika əndje she lə kuzu.
Mbrə yekɔ də̂ mâ tə̂ lɔsu ə̈bə̈ ata əzü kpî â tshə wa ngbanga gâ pâ kə mbrə ərə nə̂ əmə nə ndə tshelə əmə?30Kədə mə za mərshe kə Ndjapä â zɨ rəgo, ndə yekɔ də̂ əzü ə pa tə̂ əmə mbrə ərə nə ə̂në mə zâ mərshe kə Ndjapä mbrə nə gâ ye kɔ?31Rəkɔ, e â sə mə kə zɨ rəgo, e â sə mə kə ndju ərə, wala yekɔ də̂ e sə kə mbrə nə, e mbrə̈ ərə nɔ̂ ndə kə pa e mbe Ndjapä.32E sə̈ sə̈ tə ə̈bə̈ əkpʉ kanika ə̈bə̈ əzü bale, wala Agrakə, wala Ajuwufu, wala ə̈bə̈ əzü lə Laglizə nə̂ Ndjapä, za ə̈nü ye trɔ nə ə te ne.33E mbrə̈ tə̂ e mata əmə ə̂në mə pra äwä ndə kə pa mə mbrə aərə nɔ̂ ə fʉ lə ala azü nɔ̂ kɔ. Mə pra ərə pra mbrə əmə ne, bale, mə pra aərə mbrə azü ə̂në əndje ngba ə ro pâ nə kɔ kanika əndje she lə kuzu.
The Seed Company