MAKOLINTE13
1Mi jeji kuti najibe inako jatatu ukwiza kwenu. “Mi intaba jonse kuti ji gongole aa ji gambigwa ku bampaki bobile kampa botatwe.”2Cwale nana nanguza abantu naba tenda icibi aa kanikele nenwe mu lujendo lwabili. Kono nisi gamba kame nanga tani keleko, aa nani kabogole taa nani fwile inse babo naba tenda icibi ku matatikilo kampa ne bamwinya bonse.3Mi kuti nani miwe icote iji mushaka buti Kilesite gasa gamba kangu. Mi tali muuba muku mibelekisa, kono ali kwesi inguzu mukati kenu.4Cwale kokuba nensepo, naga kankaminwa bufokolite, kono gasa joja kenguza Nyambe. Mumukwa go kulikoza, tulifokwele mwakwe kono kenguzu ja Nyambe kuti natujoje naje mukubeleka kwetu nenwe.5Cwale muli nangule mwebeni ati intumelo jenu jila joja, muli jeleke mwebeni. Cwale muli zekelele buti Kilesite Jesu mwali mukati kenu? Bunga namwa kangwa uku jelekigwa.6Mi nili sepite buti taa natwa kangwa umujeleko.7Cwale twasa kumbila kwa Nyambe buti namuleke ukutenda ubumangoju, isini buti abantu naba bone buti namwazimana mukujelekigwa, kono namutende ici cikele nenja nanga natubonaala buti natwa kangwa.8Ukuti tatugoli ukutenda cimwinya cilwisa icote, kono bwita cocote bulyo.9Mi twasa jangala aa tufokola, kono muli bagongo, mi inkumbilo jetu ja buti mulijelele uku bogolekezwa mubunene.10Mi mpaa n’ola byebi ibintu aa tanikuli, buti aa nanikeze nanileke ukuba no bushanshu mukulitusisa inguzu, inguzu iji naganiwa Umfumu mukujaka wawa isini mukumiseleza ansi.11Cwale bakwangu mukumaninina, mujangale! Muzunde byo kulibogolekeza, mugongozane, mube munzunu jonke, mujoje munkozo. Mi Nyambe go cisemo nenkozo kuti nabe nenwe.12Mi mulizenguze mukulisonsona kucenite.13Mi inkumbu jo Mfumu Jesu Kilesite nako cisemo ca Nyambe, na mukugwanana ko Moya go Kucena gube nenwe mwense.
The Word for the World International