1 Heleuhha16
1Penui Tinggwang samkakbung pwa gwanglu delwe David ne cide ziemne tei pwa kebam paiki sum gage kailu. Pecai penui keru recadung nah kekangbau recadung Tinggwang dwa gage reca tei gaibeu.2David keru reca nah kekangbau reca ratak teicang luge, pa RAMPAUBE zi gade minadung de samlam beu.3Pa Israelme pelane, mipei nah mipuidung de tangku kwak ge, heteih kangge nah kubetsi kekibe tangku mzi beu.4David Levime kangge de peu RAMPAUBE samkakbung dwa RAMPAUBE, Israel Tinggwang de twa nah lei tei eh teuswa kerane kedetlu.5Aipau Levimedung de cai muiteube Asaph nah pekang ga Zechariah, Jaaziel, Shemiramoth, Jehiel, Mattithiah, Eliab, Benaiah, Obed Edom nah Jeiel. Aidungde cai peria keteibe leibung nah leibung kwa kerane. Asaph cai ntwai kediang eh kwa mtei sütgai kera.6Benaiah penai Jahaziel cingkupei kena cai Tinggwang samkakbung dwade teluidung kwa bam jüja kera kedetlu.7Pecai cipaunai David Asaph nah pe siname de RAMPAUBE de aipau ketwa lei de tei kera raitube kedetlu.8RAMPAUBE de ketwa peulu, pe zi qu lo; Pe batadung heleuhdung dage peu cigai lo.9Pe dage lei tei gailo, lei tei pecu twa lulo; pa tei kegai mimakecang batadung leune ranglo.10Pe kemci zi teu hegie lo; RAMPAUBE de reca kelame de peu penui sui yi lulo.11RAMPAUBE de nah pe kengkieng de peei lu; nah pecu reca lamui lu.12Pa mimakecang batadung tei kegai nsung gailo, miswakegah batadung nah pa pemui gade samkai kebeudung,13nnui pe kilame Israel leuhmedung, nnui Jacob leuhme, pa ne kedet kelumedung.14Pa au RAMPAUBE, anui Tinggwang, pe ajadung au kideu pelane ga la.15Pe samkak n lung gage kelungta kainzeu lalu, ceheudung pecang ge ziemne pa aja kai kebeu sam de.16Abraham de ngngwa samkakkelu de pa nsunglu, nah Isaac dage pa sampet kebeu de.17Pa aide Jacob de ngngwa hezai ge eh tei ncilu, nah Israelme dage kelungta samkak tei kelu ge.18Pa rangdi, “Ih ncu Canaan deu de peu zie, n mapwa n gu tei kera.”19Penui peupei kecam nage kecu dau, camsüt, nah penui au cipau deu ga sangme ge tei kela dau,20penui heleuh ge gade heleuh ge ga hegwangram ge gade kedabe hegwangram ge ga lungh rwa pwala la.21Pa migede de penuide tei keherei kera peu ma, pa penui ziemne hegwangmedung de saja peu.22Pa rangdi “Ih keniak kelume de tung so, nah a caihakecimedung de tei keherei so.”23RAMPAUBE dage leitei gailo, kideu pelane; tingnai ramsangne pe kelikelu de sah lo.24Pe kendu heleuhdung kakga sah gailo, mimakecang pe batadung heleuhdung pelane dage.25Kedanemene RAMPAUBE au dizu nah pecu twasüt kerabe, nah pecu au hera kedadung swade hingki kerabe lie.26Kedanemene heleuhdung rabedung leune au mamiedung, dede tinggimdung tei kegaibe au RAMPAUBE lie.27Kendu nah herüt au pa kebam ga la. Kengkieng nah suiyi au pe kemci ni ga la.28RAMPAUBE de twalu, nnui heleuh menadung, RAMPAUBE kendu nah kengkieng de twalu.29RAMPAUBE kendu ngaulu kebui nsam de pwa pecu peulo. Reca ge teugwang lwe pe dwaga gwanglu. RAMPAUBE kemci be dwa ga keumie lu.30Pedwa gade mbeu lulo, kideu pelane. Kideube de teigai dida, cide deu mlai gailak.31Tinggimdung de peu pesui yilu, nah kideube de peu pesui yilu; peu penuide heleuhdung kakgade, “RAMPAUBE hegwang lie” de eh ranglo.32Peu duidi de mrung lu, nah cide ga pui kebam leune suiyi sah lo. Peu luhdung de nah penui da kebam leune de penui sui yilu.33Pecai hegung ga kebam tsingbangdung de peu RAMPAUBE dwa gade suiyi sahlu, kedanemene pa au kideube de tiak kera gwang zie da.34RAMPAUBE de hetwa peulo, kedanemene pa au yilu, pe samkakkelu samsang au kelungta bammui lalu.35Pecai ranglo, “Anuide kelibeu lo, anuide kelikelube Tinggwang. Anuide ngngwa hekwalu delwe heleuhdung kedame dade anuide kelibeu lo, iciu eh anui n zi kemci zi de ketwa peulu kerane nah anui sui yi eh ncu twalu kerane.”36Peu RAMPAUBE Israel Tinggwang, de kelungta gade kelungta kecang twa kelube tei lulo.
Minadung pelane, “Amen” de ranggai nah RAMPAUBE de twagai.37Cine David, Asaph nah pe siname de RAMPAUBE samkakbung dwa gage püt gaidi, peu samkakbung dwa ga langnaimsangne tei maikesiadung tei jüja eh bamlu kerane.38Obed Edom nah pe kibaume riakherokeheset de si. Jeduthun napei Obed Edom, nah Hosah cai kiriekekwame tei kera.39Cingkupei Zadok nah pe kangzang cingkume cai RAMPAUBE kebam paiki Gibeon ga recabam kehu dwaga heta tei kera.40Penui cai RAMPAUBE de keru recadung recabam gage tingcang nah tinghegi keru recadung teibeu jüja bam kera, RAMPAUBE hezai ga raupwa kebam leune nzwa eh, pa cide Israelme de hezai kepeu de.41Heman penai Jeduthun penuide nzang bam, pezi kedet pwa kebammedung de si eh, RAMPAUBE de ketwa peu kerane, kedanemene pe samkakkelu samsang de kelungta bammui kelane.42Heman penai Jeduthun cai teluidung, ntwaidung nah leibung kedadung kemci lei ziemne kwa kecume reu kerengeibe. Jeduthun napeime ne kirieki kwala.43Pecai mina pelane de penui kilungdung ga cailigwang di, nah David pe kilungme de samlam beu kerane cailigwang di.
Minadung pelane, “Amen” de ranggai nah RAMPAUBE de twagai.37Cine David, Asaph nah pe siname de RAMPAUBE samkakbung dwa gage püt gaidi, peu samkakbung dwa ga langnaimsangne tei maikesiadung tei jüja eh bamlu kerane.38Obed Edom nah pe kibaume riakherokeheset de si. Jeduthun napei Obed Edom, nah Hosah cai kiriekekwame tei kera.39Cingkupei Zadok nah pe kangzang cingkume cai RAMPAUBE kebam paiki Gibeon ga recabam kehu dwaga heta tei kera.40Penui cai RAMPAUBE de keru recadung recabam gage tingcang nah tinghegi keru recadung teibeu jüja bam kera, RAMPAUBE hezai ga raupwa kebam leune nzwa eh, pa cide Israelme de hezai kepeu de.41Heman penai Jeduthun penuide nzang bam, pezi kedet pwa kebammedung de si eh, RAMPAUBE de ketwa peu kerane, kedanemene pe samkakkelu samsang de kelungta bammui kelane.42Heman penai Jeduthun cai teluidung, ntwaidung nah leibung kedadung kemci lei ziemne kwa kecume reu kerengeibe. Jeduthun napeime ne kirieki kwala.43Pecai mina pelane de penui kilungdung ga cailigwang di, nah David pe kilungme de samlam beu kerane cailigwang di.
Bridge Connectivity Solutions Pvt. Ltd.