Eksọdọs4
Abasi Anọ Moses Mme Idiọọñọ
1Moses amaabọọrọ ate, “Akpedo anam ammọ inịmme se ami ntañ, inyʌññọ ikpañ utọñ innọ miin, ndin ebo, ‘Abọọñ ikiyaarake idem uwọt fiin-e’?”2Ndin Abọọñ amaabịp anye ate, “Nsoo ke afo akama ado ke ubọk mfo?”Anye amaabọọrọ, “Esañ.”3Abọọñ amaabo anye, “Top anye nịm ke isọñ.”
Moses amaatop esañ anịm ke isọñ, ndin esañ ado amaakappa udʌkikọd, ndin Moses amaafeghe.4Akema Abọọñ amaabo anye, “Sio ubọk mfo nyan, nyʌñ mʌm udʌkikọd ado ke isịm.” Ndin Moses amaasio ubọk anyan aben udʌkikọd ado, ndin anye amaamaana akappa esañ ke ubọk amọ.5Ndin Abọọñ amaabo, “Ami ado nọ ammọ enịm ke ado Abọọñ, Abasi mme ete ammọ, Abasi Ebraham, Abasi Aisik ye Abasi Yekọb, a-ayaara idem uwọt fiin.”6Akema Abọọñ amaabo Moses, “Sin ubọk mfo ke esịd ewịra mfo.” Anye amaanyʌñ asịn ubọk amọ ke esịd ewịra amọ, ndin anye akesio ubọk adi, ikpọkidem ammọ amaakappa akpamfia, akappa asana nte sino.7Anye amaabo “Maana sịn ubọk mfo ke ewịra mfo.” Ndin Moses amaamaana asịn ubọk ke ewịra amọ, ndin akesio, ubọk amọ amaamaana aba naña akeba, ukem nte ikpaidem amọ.8Akema Abọọñ amaabo anye ate, “Adieke ammọ imuunịmme fiin ke akpanikọ, imiinyʌññọ ikpañ utọñ inọ akpa idiọọñọ, akpena ammọ enịm ayọhọ iba.9Ado adieke ammọ imiinịmme mme idiọọñọ iba ami imiinyʌññọ ikpañ utọñ unọ fiin, dat mmọọñ ke Inyañ Nail duọk ke nsaad isọñ. Mmọọñ a-afo adatta ato inyañ ayaakappa ado iyiib ke amaaduọkkọ ke isọñ.”10Moses amaabo Abọọñ ate, “Abọọñ dakka do nọ awo mfo. Tọọñọ anaanam ami ndooho awo ndọọn ikọ, me ke usen edem me tọọñọ afo akeneme nneme ye awo mfo. Ami nsibabat ikọ ntañ.”11Abọọñ amaabịp anye, “Anie akenọọ ubonawo inua ammọ? Anie anam ammọ edo inan me imuum? Anie anam ammọ ekịt usʌñ me anam ammọ edo nnan? Nte idooho ami, Abọọñ?12Ndin kaa, sia ami ñyaunwam fiin aditañ ikọ ñnyʌñ utemme fiin se uduutañ.”13Ado Moses amaabo, “Abọọñ, mbọk dakka do nọ awo mfo. Mbọk dọñ awo mfen.”14Ndin iyadesịd Abọọñ amaabịmme abịne Moses, anye amaanyʌñ abo, “Ayịneka mfo Erọn, a-adooho awo Lifai-a? Ami mmediọọñọ ke anye a-anọ itañ ikọ mfọn-mfọn. Anye asʌk adi ke usʌñ adidusoobo fiin, anye ayaanyʌñ anem esịd adukịt fiin.15Afo ayaatañ ikọ anọ anye, anyʌñ asịn anye ikọ ke inua. Ndin ami ñyainwam ndufo awo iba etañ ikọ, ñnyʌñ ikpeep ndufo se ediinam.16Anye ayaatañ ikọ anọ mbon awo ke iwuod mfo, ndin adiiba nte anye ado inua mfo anyʌñ aba nte afo ado Abasi anọ anye.17Ado ben esañ ami kama ke ubọk mfo nọ afo akan adat anye anam mme utom idiọọñọ.”
Moses Atịmme Akaa Iyib
18Akema Moses amaatịmme akaa abịne Yetro, ete anwaan amọ, anyʌñ akebo anye ate, “Yak ami ntịmme mbịne mbon mmi ke Iyib, nọ ñkese me awo ammọ ndomokeed mmọdo asʌk aba ke uwem.”Yetro amaabo anye, “Kaa, tʌm saña.”19Abọọñ amaabo Moses ke Midian ate, “Tịmme kaa Iyib, sia afịd mbon se ikiyem aduwot fiin ekpañña.”20Ndin Moses amaaben anwaan amọ ye nditọ amọ ideen, adot ke dọñki anyʌñ atịmme akaa Iyib. Anye amaaben esañ Abasi akama ke ubọk.21Abọọñ amaabo Moses ate, “Afo umautịmme unyọñ Iyib, kịt bo ke amenam afịd utịppeñkpọ se ami unọọ fiin adudu adinam ke iso Fero. Ado ami ñyaasọñ anye esịd mbaak anye adiyaak ikọd mmi enyọñọ.22Ndin bo Fero ate, ‘Se Abọọñ atañ ado ami: Isrel ado akpan mmi,23ndin ami mmaubo fiin, “Yaak ayịn mmi awodeen anyọñ, nọ anye akeñkpono miin.” Ado sia afo amaasịn adiyaak anye anyọñ, ami ñyaawot akpan usen mfo.’ ”24Abọọñ amaasoobo ye Moses ke itie nduọkadudu a-anye akenaaha adaiya ke usʌñisañ amọ, ndin anyʌñ ayem adiwot anye.25Ado Sipora amaaben ikwa, akpịkke ayịn amọ edʌd anyʌñ atuuk ñkpad Moses. Anye amaabo Moses ate, “Ke akpanikọ afo ado ebendọ ke iyiib annọ miin.”26Ndin Abọọñ amaasaana anye ayaak. (Ke ini anye akebooho “ebendọ ke iyiib,” anye aketañ abaña adifọọrọ edəd).27Abọọñ amaabo Erọn, “Kaa ke soobo ye Moses ke anaan.” Ndin anye amaakesoobo ye Moses ke abod Abasi anyʌñ atʌm anye inua.28Moses amaanyʌñ adọkkọ Erọn afịd ñkpọ se Abọọñ akebo anye atañ, ye afịd mme idiọọñọ se anye akenọọ Moses uyio abo anam.29Moses ye Erọn emaekoot afịd ñkpisọñ Isrel ebon itie keed,30ndin Erọn amaanyʌñ adọkkọ ammọ afịd ñkpọ se Abọọñ aketañ anọ Moses. Moses amaanyʌñ anam mme idiọọñọ ke iso mbon awo,31ndin nditọ Isrel emaenịm ke akpanikọ. Ke ini ammọ ekekoppo ke Abọọñ a-akere ñkpọ abaña ammọ anyʌñ akịt ukuud ammọ, ammọ emaetuak iwuod ekpono Abasi.
Biblica, Inc.