Eksọdọs26
Tabanakịd Abasi
1“Nam nọ tabanakịd anie afọñ ikpeghe duob ke ataa uyaiya afọñ linen etuakkatuak ye bru afọñ, iduod-iduod ye ndad-ndad udʌk, ndin yak ata adiọọñọ utom anyʌñ adọk serubim asịn ke esịd ammọ.2Ana afịd mme afọñ ikpeghe edo ukem-ukem, anyọọñ ñkpọ nte kubid edịb mme itiaita ye kubid inaañ ke ukpa. 3Kịm afịd afọñ ikpeghe ition ami, nyʌñ nam ukem ado ye mme ition ako.4Nam bru udʌk ke afọñ nọ asaña ke mben utịd afọñ ikpeghe ke afañ keed.5Nam ekpək udʌk aba mme duob ke afọñ ikpeghe keed nyʌñ nam aba mme duob mfen ke utịd afọñ ikpeghe anye ako, yak mme udʌk enyʌñ eduseere emọ-emọ.6Ndin nam ekọb aba mme duob ke kold, nyʌñ dat ammọ mʌm mme afọñ ikpeghe ami dian keed nọ tabanakịd Abasi ado eboho keed.7“Ben ided ebod nam afọñ ikpeghe nọ atayad itie tabanakịd; afịd ana ado duob mme keed.8Afịd mme afọñ ikpeghe duob mme keed ami ana edo ukem-ukem, enyọọñ kubid edịb mme duob enyʌñ edo kubid inaañ ke ukpa. 9Ben afọñ ikpeghe ition dian itie keed, nyʌñ dian mme itiokeed ako ke itie keed. Fʌt ayọhọ afọñ ikpeghe itiokeed ke itie iba nịm ke iso atayad.10Nam ñkpaha aba mme duob ke mben afọñ ikpeghe ami ke itie keed ye ke mben utịd afọñ ikpeghe ke itie keed ñko.11Ndin nam ekọb brọns aba mme duob, nyʌñ sịn ammọ ke udʌk, nọ amʌm atayad akama itie keed.12Ke abaña ñyọhọnsʌhọ afọñ ikpeghe, ibio afọñ ikpeghe se isʌhọ ana ekọp anye esuuk ke utịd mben tabanakịd.13Afọñ ikpeghe tabanakịd ana ado kubid keed ke afịd mbañ iba; se isʌhọ ana akọbọ akanna mbañ tabanakịd nọ afʌk anye.14Nam ufʌkñkpọ e-ekamake ided akukịmedọñ e-enyiine ke akukịn nọ anyen ado ndad-ndad nọ atayad ami. Ke akanna ado, dot ufʌkñkpọ a-adooho ataa eti uduud ikpa se isọñ idem ke anye.15“Nam nnen-nnen abọbọọk usʌñ ke eto akasia nọ tabanakịd .16Abọbọọk usʌñ keedekeed ana ado kubid duob ke unyọọñ ye kubid keed mme ibio ke ukpa;17nam nọ afịd iba ese emọ-emọ. Nam afịd mme mboi tabanakịd ke utọ usʌñ ami.18Nam abọbọọk udọk edịb nọ usʌñ ukañ usuuk tabanakịd,19ndin nam itiad idakisọñ aba ke silfa nọ ammọ, iba ke ñkan keed, keed ke idak anye ako.20Ke mben uko, ke ukañ anyọñ-anyọñ tabanakịd, nam mboi edịb21ye silfa idakisọñ aba, iba ke idak abọbọọk keed.22Nam mboi itiokeed nọ utịd-utịd uko, a-adooho ukañ usobutịn tabanakịd,23nyʌñ nam eto abọbọọk iba nọ inuuk utịd uko.24Ke mme inuuk iba ami, ana ammọ edo iba-iba tọọñọ ke idak isọñ tutu akewuọ anyọñ, anyʌñ afaha ke ikara adu keed; naña iba ediiba ntoro.25Ke ntoro eto abọbọọk itiaita ye itiad idakisọñ ke silfa duob mme itiokeed ediiba, iba ke idak abọbọọk keedekeed.26“Nam kpa ukem ado nọ mme eto anyenusʌñ ke eto akasia: Abọbọọk usʌñ ition ke ñkañ tabanakịd keed,27ition anọ mbon uko, ye ition ke mboi edem ukañ usobutịn, ke ukañ ataa utịd-utịd tabanakịd ami.28Eto ufọọd abọọk usʌñ ana atara ato ukañ keed akewuọ ukañ mfen ke ufọọd mboi ami.29Fʌk mme mboi ami ke kold, nyʌñ nam ikara kold nọ amʌm mme eto anyọñusʌñ akama. Ndin kama kold fʌk mme eto anyọñusʌñ.30“Nam tabanakịd aba naña ekuwọt fiin ke anyọñ ekamba abod.31“Nam ata adiọọñọ ubọkutom anam afọñ ikpeghe ke bru, iduod-iduod ye ndad-ndad udʌk ye ataa eti linen, anyʌñ adọk serubim asịn ke esịd ado.32Kọọñ anye ke ekọp kold ke mboi inuausʌñ inaañ eto akasia e-edotto kold, anyʌññọ ada ke idak silfa inaañ.33Kọọñ mme afọñ anyenusʌñ ke ekọp, ndin nịm akebe edioomo mbed ke edem itie afọñ ikpeghe. Afọñ ikpeghe ana ayaabakka Adisana Itie asio ke Ataa Adisana Itie.34Sin afọñ ufʌkñkpọ mbanaidem ke akebe edioomo mbed ke Itie Andisana Ñkan.35Nịm akpokoro ke esiin itie afọñ ikpeghe ke anyọñ-anyọñ ukañ tabanakịd, ndin sịn udod utuenikañ ke nsakiso amọ ke ñkañ usuuk-usuuk.36“Ke ntondʌk itie atayad, nam afọñ ikpeghe ke bru, ke iduod-iduod ye ke ndad-ndad udʌk ye ataa eti linen, utom awo a-adọkkọ afọñ.37Nam ekọb ke kold nọ afọñ ikpeghe ami ye adaaha eto akasia ition e-ekamake kold efʌk. Ndin dot itiad idakisọñ ition ke brọns nọ ammọ.Biblica, Inc.