Ugubutulo5
1Baho, ndikawene paliwoko lyake lya ndewo yule yeakalile mukigoda kya ung'achale, kiganulo kyekisimbilwe lubali chonda na kuwopwa kangi kiwopilwe na unepo saba.Kiganulo kiwopilwe na unepo saba2Kangi, ndikamwone ndumindumi yumwi va kuluhano kwa Nguluvi mwene ludali hilo akilanducha kwa lichwi likomi, akilonga, “Ndi ani yeing'ang'wa kumatula fila finepo saba chechimatilwe na kudindula ikyo kiganulo?”3Kwihela munu ukoya kuluhano, vala kukyanya lya inyi, vala panyi lya inyi lya vanu vevafuwe yeawesile kudindula kiganulo ikyo vala kukilola mugati.4Suwe, nene ndikavembile hilo kwakuva sepakali na munu yeyonda yeahaguliwe kudindula kiganulo ikyo, vala kulola mugati.5Baho, yumwi va vala vavaha akandilongiye, “Ubihile kuvemba! Lole! Simba va likabila lya Yuda, vaubabwa va mng'achale Dawudi. Mwene iwesa kumatula unepo saba na kukidindula kiganulo ikyo.”6Ndena, ndikawene pala pakigoda kya ung'achale, Mwanang'ondolo imile. Kangi akali achungutile kila lubali na fiwumbe fila fitayi na vala vavaha isilini na vatayi. Akaonekine ngita ahinjilwe. Akali na mapembe na Meho saba. Meho ago nde Muhe saba cha Nguluvi achilagiche muinyi chonda.7Mwanang'ondolo akachile na akakinyamula kila kiganulo kuhuma ku muwoko lyandewo va yula yeakalile mukigoda kya ung'achale.8Baho baho, peanyamuwe kila kiganulo, vala fiwumbe pamwi na vala vavaha isilini na vatayi vakaguwe lufuma pautalo pa yula Mwanang'ondolo. Kila yumwi akali na ligombo na bakuli gyegamemile manung'ulilo, manung'ulilo ago nde masuko gya vanu va Nguluvi.9Nawo vakasomola msambo miya, vakilonga “Veve ung'ang'wa kunyamula kiganulo ikyo, na kumatikwa unepo saba. Kwakuva ukahinjilwe na danda lyako ivagula, vanu va kuhuma mukila kabila na ngombelo chonda na kila inyi.10Uvagitile vave ung'achale va vatekechi na vamgumbanikile Nguluvi vetu, navo davitavala muinyi.”11Baho, ndikalolile ndikapulike lichwi lya va ndumindumi volofu hilo va kuluhano kwa Nguluvi. Vakali viimile kukichungutila kigoda kya ung'achale, pamwi na fiwumbe wumi na vala vavaha isilini na vatayi.12Ndikuvapulikicha vakisomola kwa lichwi ngomi, “Mwanang'ondolo yeahinjilwe, ing'ang'wa kuwanuka umwimike na umosi na uginyange. Ludali na uginyange na ukomi na njuma nde cha mwene!”13Pambele ndikapulike fiwumbe fyonda ukoya kuluwano, muinyi na muinyanza fisomola pamwi, “Mwene yeakalile pakigoda kya ung'achale, na Mwanang'ondolo, anjumwe na aginywe, agavilwe uginyange na umwimike mbepali!”14Na vala fiwumbe vitayi wumi vakalonga, “Ena!” Na vala vavaha isilini na vatayi vakaguwa ufuma na vakafunyile.
The Word for the World International