Ngalatiya2
1Titswene, humbisa bilima kuumi na bina, me ambwekumasa hu musyenge a Yeruselemi, bisu a Baranabasi. Me ambiti kaka Tiite.2Me anzyeni huuna mu nzabisili yi Livupu. Me anzabisi bo Musamu wu Mubwe, wu me umbandongese ŋa hati la ba bavele Bayudaayo. Me ambahi imoho hya ŋa muvanga, na ba baakomo hutso libundu. Titswene, me a hantondi ve ti isalu hi me atsiidi hutsomi, na hi me ndi mu utsa loloyi, hiba hya mu pu.3Mono buni bo baavelituma mu ukete Tiite, wu aba na me, na wu aba Ngeleke.4Bwavangimi buuna, mu tooni a banga muwala ŋa hati la baana ba ngu, ba baayasohono na bisu na ubaakete bisu. Bo baakakete bisu, mu bunyanga bu laaba na bwo mu Yisu Kristo. Tsimi a bo, aba yi ufutala bisu hutso buviha.5Ka bisu a laayuhili bo tso taangu mosi ve, a laakulimini ka ŋa busu bwa bo ve, mana imbuli hi Musamu wu Mubwe hikwilala ŋa hati la benu.6Ka mu ba baakamonehele we baatu ba baakomo, bupfumu bwa bo a bwaba na tsalu ŋa busu bwa me ve. Mu tooni ati, Nzambi a hubaatondo buraandu ve! Baatu mo baana a baakwihi me pasi hyo, hwavele litondo la me ve.7Ka bo baamoni ti Nzambi aviidi me mupfuna wu uyabisa Musamu wu Mubwe huli ba baavelekete. Ni bumosi kaka, huli Peetelo, nde avidi mupfuna wu uyabisa Musamu wu Mubwe huli ba baakete.8Nzambi wu ateeli Peetelo mu uba iluumbi hya nde huli buli la ba baakete, ateeli kaka me, mana me mba iluumbi hya nde huli bangoyi.9Yaki, Peetelo na Yowani ba baaba makuunzi ma libundu, baasilisi ti Nzambi, mu hyese hya nde, aviidi me mupfuna wu uyabisa Musamu wu Mubwe huli bangoyi. Na bo baayasiimba bisu a Baranabasi, mu umweese ti bisu a bo laayuhisini mu uba likoongo. Ni mu buuna, bisu a bo laakesi mu itwadi, ti bisu liyakuhasa isalu ŋa hati li bangoyi, mana bo bayasala ŋa hati la buli la ba baakete.10Bo baavondi bisu dyaambu limosi: bisu lafwana ubaayibwala banga a puumbu moonyi. Me akuhisi maana ma bo baavondi bisu, na bukuhu boosi.
Pahuli li mu usyembe Peetelo hu Antyokya
11Ka taangu yi Peetelo hayidi hu musyenge a Antyokya, me atsyembi nde ŋa misu ma baatu, mu tooni ati nde avangi ma mabi. Mono ma nde havangi.12Tswamina baatu ba kabu la Yaki mu uya, nde aba mu udya itwadi na baana ba ngu ba bavele Bayudaayo. Ka, humbisa hu bo baayato, nde avyasuhi na nde ayatsahala ŋa muvanga, mu tooni ati, nde aba na boomo bwa kabu la baatu mo baana, ba baakete.13Bayudaayo bakima baa musyenge mo wuuna, baasiidi we Peetelo. Baranabasi nde mwakulu kaka, akoti hutso a ndyatili a bo yi muwala.14Me amoni ti ndyatili a bo a yaaba yi yasungama we bu Musamu wu Mubwe ali mu uvondo ve. Buuna, me anzabisi Peetelo ŋa busu bwa baatu boosi ti: «Mbiili a we wu li Muyudaayo, yili we mbiili bangoyi, ka a we bu hwafwana na mikele mi Bayudaayo ve. Uba ti ni buuna, buni we ukwamisa ba bavele Bayudaayo, mu udyata we bu hwafwana huli Bayudaayo?»Bayudaayo na bangoyi sa bayoboho mu imiinu
15Bisu a benu lili Bayudaayo ba imbutala-ngu. Bisu a lili baa mabuli ma ba baasumaha ve.16Bisu liyaabi ti Nzambi ni wu ubaasa ti muutu aba wu akuha mu imiinu hya nde mu Yisu Kristo. Ka a bu nde ubaaduukala Mikele mya Moose ve. Mono buni bisu Bayudaayo kaka, laamiisa imiinu mu Yisu Kristo, mana bisu liba ba baakuha mu imiinu mu nde. Bisu a lili ba baakuha ŋa busu bwa Nzambi, mu kuhisili Mikele mo minimi ve. Muutu tso mumosi utwala umonehele wu akuha ŋa busu bwa Nzambi, bu nde ubaakuhasa Mikele ve.17Ka bisu lili mu usaha uba ba baakuha mu bungodu bu laabaha mu Kristo. Ni mu uleele ti, bisu a lili mu uduukala Mikele mya bisu ve. Ka a mu uleele ti Kristo li mu ubita bisu mu usa masumu ve. Naana, a huli buuna ve!18Ni mu buuna, tso me ndi mu umbwepfutahala tuungili Mikele yi me atsali, me ndi mu umbwekituha iyahudi.19Mu ma maatala Mikele, me ndi we wu amiikwa na me a hatsaali hu tsina lituma li bisiha mo biina ve. Buuna ni bu hwafwana, mana me mbaha moonyi mu Nzambi. Baamikomene me ŋa muti a Kuruwa, itwadi na Kristo.20Ni mu buuna, a me ndi moonyi ve, ka ni Kristo li moonyi mu me. Idiingu hya me ŋa toto, ni mu imiinu mu Mwana a Nzambi me ndi mu ukuhasa hyo. Nde wu atondi me, ayehuli moonyi a nde mu tooni a me.21Me a handi mu ubisa hyese hya Nzambi ve. Tso muutu li wu akuha ŋa busu bwa Nzambi mu nzila Mikele, buuna Kristo mu pu hakwidi.Wycliffe Bible Translators, Inc.