SINU83
Ɔlaa Ɔpɛ Diɛta Ni Israel Balo Lelenkee
Asaf onu.
1O Yaa, tammaasa kanya;O Yaa, tanlo kanana, tansiɛ kloklo.2Nyu mmle di balo lɛfɔ kokpee ni kudú,mmle di bakyiditɛ lɛfɔ lɛtakatɛsa ni asi lɛma.3Mantɛ batii lɛfɔ kala ku kakyɔkyɔ;mankũ kanwube di mba fambɔmbɔ ni suoto.4Mambuɛ alɛ, "Biwa biɛta buwɔɔsa ma fɛ kale,alɛ balaasinnyuma Israel leyooto nwu diidii.”5Mankũ kanwube ku disibu ninwii kyɛkyɛ;beenii kanya di suoto lɛfɔ-6Edom akpanta ku Ismael batii nwu ale,Moab ku Hagar batii ale,7Gebal ku Amon ku Amalek,Filisti batii ku Tiro batii.8Bia Asiria ntoobuo ma kaamɛalɛ bɔɔkyakaako Lot banantii. Yila kɛɛkɛ9Bla ma fɛ mmle faabla ni Midia batii,fɛ mmle faabla ni Sisera ku Yabin di Kison okle,10baawɔɔ ni di Endor,baabakple fɛle aku di kasɔ nwu suoto.11Bla batii finle lɛma fɛle Oreb ku Seeb,banɔɔfo lɛma bamuu fɛle Seba ku Salmuna,12niabuɛ ni alɛ, "BitabuyɔYaa babɔkɛɛ sɛfa kaweekɔ kasɔ nwu.”13O Yaa nii, bla ma fɛle tentrewuo,fɛle sɛsɔ di kɔfɛɛfɔ anu.14Fɛ mmle di ɔtɔ nfiɛ ni lepooee ɔtɔ bembe nfiɛ ni abokote,15nkpo faatikanko ma ku ɔblɔ lɛfɔ nɛ,faayɛkɛsa ma kafɔɔ ku afɛɛfɔ lɛfɔ.16O Saate, tĩi anu lɛma ku sinunsɔalɛ batii kawolaa leyooto lɛfɔ nwu.17Ta banunsɔ diɛbla ma ɔkpɛ dinaa ni kaloo;ta bawɔɔ di sinunsɔ kamɛ.18Ta ma batafo alɛ, nnwɔ leyooto ninle ni Saate nwu-alɛ lete lɛfɔ ninle Nnwɔ Niɛtaka Katoo Alenke ni di kasɔ nwu kamuu suoto nɛ.The Seed Company